ما تيجي نتجوز؟

مقدمة (1)..

الحقيقة انا حبيت اكتب تدوينة عن الجواز.. آه والله

بدون مناسبة كدا.. من خلال مشاهداتي لكلام الشباب والأكبر شوية على السوشيال ميديا حبيت أسيب التاتش بتاعتي انا كمان.. اشمعنى انا يعني

في التدوينة دي ان شاءالله هتكلم من واقع الخبرة ومن واقع رؤيتي الشخصية القيمة طبعا (ما هي لازم تكون قيمة.. لو كانت لاقيمة لها هكتبها ليه يعني!) عن الموضوع دا

مقدمة (2)

احب ابدأ بس بدعاء موضوع الزواج: "اللهم أبعد عنا الفيمينيستس".. ثم تتفل عن يسارك ثلاثا

انا هكتب المقال على هيئة اسالة عن أفكار شائعة في الموضوع دا وهجاوب عليها وهصحح لنفسي وهديني نجمة و 10/10 وكل حاجة.. مش مطلوب منك أي مجهود متقلقش..

بسم الله الرحمن الرحيم

--------------------------------------

(1) الجواز دا حاجة مهمة ولا ممكن نعيش ونتعايش من غيره؟

-         هجاوب على السؤال دا في الآخر.

(2) ايه اهمية الزواج بالنسبة للراجل؟

-    لا الحقيقة مش زي ماهو شائع.. الموضوع أكبر وأعمق وأهم بكتير من اللى بتفكر فيه, أهمية الزواج بالنسبة للراجل يمكن تلخيص وصفه في الوصول بعد السفر, والراحة بعد عناء يوم طويل في العمل, الاستقرار والطمأنينة بعد حياة مليئة بالفوضى.

افهم اللي فات دا زي ما تفهمه.. هو واضح كفاية أفتكر

(3) طيب واهمية الزواج بالنسبة للمرأة؟

-    الحقيقة أنا مش مرأة عشان أجاوب, بس أستطيع أن أجزم أن كل امرأة تبحث في زوجها أول ما تبحث عن الأمان الذي يطمأنها ويعوضها البعد عن مأمنها السابق في كنف أبيها..

ثم تبحث فيه عن الحب والسعادة وراحة البال.. فهي كلها أشياء تتحقق بعد الشعور بالأمان

(4) طيب الصالونات ولا ال love story؟

-    اجابة السؤال دا يلزم ليها الاقرار بحقيقة ان الزواج دا رزق من الله.. سواء أكان صالونات أو حب عنيف فما يلي فقرة المأذون لا يمكن التنبؤ به.. فربما تم الزواج عن طريق خالتك أم محمد الخاطبة وكان من خير الأزواج وأرفقهم بزوجته.. وربما كان زواجا ناتجا عن قصة حب اسطورية وتنتهي الى اروقة المحاكم بحثا عن مهرب وخلاص

أما عن رأيي الشخصي.. فبعد توفيق الله عز وجل.. واذا تحدثنا عن حب حقيقي نابع من قلب رجل يحمل من صفات ونبل وأخلاق الفرسان(فما يكون الرجل ان لم يكن فارسا؟) ويقابله قلب امرأة تحب بصدق وبحق.. فالزواج عن حب خير وأبقى.. ليه بقى؟

الزواج هو اجتماع لشخصين مختلفين غريبين عن بعض بعضهما البعض في الطباع والعادات والخلفيات الثقافية والاجتماعية والمحببات والمكروهات.. وكل شيء تقريبا.. وبديهي ان احدهما ليس مثاليا بقدر نقص الآخر وعواره.. ولذلك كان حتما وجود رصيد يسمح بتوفير الـ "سبب" اللازم للمحاولة مرة بعد مرة.. وحل الخلافات.. والوصول لمواقف مشتركة والتفاهم حولها.. كان لرزاما توافر ما يجمع المختلفين ويلم شتات المتنافرين ويهديء سريرة المتناحرين وقت الأزمات حتى لا ينهار البيت مع أول خلاف.. أو مع أكبر خلاف.. فلا تدري ماذا يختبيء في طوية الأيام.

الحقيقة أنا ربنا أنعم عليا بأن زواجي تم عن قصة غريبة.. مش صالونات.. لكن ربنا شاء اني ارتبط بصديقة عمري بعد 10 سنوات صداقة كانت فيهم my best friend وانا كذلك بالنسبة ليها لكن دي كانت حدود علاقتنا وحافظنا عليها رغم طول السنين وبعد المسافات وبعد الاتصال اللي كان بيستمر شهور وأحيانا سنوات..

(5) طيب ازاي علاقة الزواج دي ممكن تنجح؟

-         بصراحة في شوية متطلبات أساسية لا بد من توافرها في الطرفين عشان يقدروا يحافظوا على العلاقة والبيت..

أولا.. المسؤلية, الزواج حتى وان كان ناتج عن حب الا انه مسؤلية كبيرة بتقتضى ان الشريكين يكونوا على قدرها ويتحملوها ويتحملوا تبعاتها ويكونوا مهيئين لدا نفسيا و شعوريا واكيد طبعا ماديا.

ثانيا.. ان تكون نظرتهم لعلاقة الزواج دي انها رابط مقدس يجب استنفاذ كل السبل الممكنة والغير ممكنة للحفاظ عليه وكأنه زواج كاثوليك مفيش مفر منه ويجب مغالبة النفس مرات ومرات وتحمل كل ما لا يطيق الانسان "اذا اقتضى الأمر" في سبيل الحفاظ على النعمة اللي ربنا انعم عليها بيها دي..

ودا ميخليش الزواج سجن ولا حرب.. لكنه زي أي تجربة بيخوضها الانسان بتحتاج مجهود واصرار ومحاولات للحفاظ عليه.. فلازم تكون نفسيا مهيأ لدا.. مش تتعامل بمبدأ لا احنا نتطلق بقى وكل واحد يعيش براحته وبلا هم.. دا اسمه عدم مسؤلية في رأيي.

ثالثا.. لازم الرجل يكون متفهم انه هيتحمل القدر الأكبر في أوقات الصدمات و أوقات المشاكل  و أوقات الخلاف.. يعني من الآخر لازم الراجل يكون متفهم ان عشان العلاقة دي تنجح هييجي على نفسه احيان كتيرة.. ببساطة because he can

رابعا.. لازم المرأة تفهم انها لابد ان تعطي لزوجها قدره من الاحترام أولا والرعاية والحب والاهتمام ثانيا ومن تقدير الفرق والاختلاف ثالثا

يعني من الآخر لابد أن يكون الرجل رجلا وأن تكون المرأة أنثى

(6) نيجي للسؤال الأول.. الزواج دا حاجة كويسة ولا حاجة وحشة؟

-    كلنا بنسمع كلام كتيرمتناقض واراء كتيرة نابعة من تجارب أصحابها ومن رؤيتهم الأساسية للموضوع.. زي المقال دا بالزبط بالمناسبة.. وانا هنا هتكلم كما أرى

مبدأيا الزواج دا زيه زي أي شيء هو رزق مقدر من ربنا للناس.. كل واحد بياخد منه نصيب.. مش كل الناس نصيبها زي بعض.. لكن عشان نحكم على الزواج من باب النصيب فقط لا بد من استيفاء باقى الجوانب المتعلقة ب تعاملنا احنا مع الزواج دا ونتأكد ان مكانش لينا يد في افشاله وتحويله لتجربة كبيسة..

يبقى اذا نفهم من دا ان احنا حتما لينا دور في انه يكون علاقة ناجحة أو فاشلة وهو دور مش صغير في الواقع وبيترواح بين مجهود يسير في حالة ما كان الزوجين ربنا هاديهم لبعض.. أو مجهود كبير جدا في حالة ما كان في صعوبات في التأقلم.. في الحالتين لا بد من  الاجتهاد وفي الحالتين فالنتيجة هتكون مرضية باذن الله

انا شخصيا ربنا كرمني باللي ينطبق عليها وصف "الزوجة الصالحة" ودا فضل من ربنا مليش دخل فيه.. هي انسانة كويسة جدا ومن عائلة طيبة للغاية الحمدلله.. لكن رغم دا كل ما بنتقدم في الجواز بنلاقي ان احنا الاتنين محتاجين نشتغل على العلاقة عشان نعدي مواقف معينة بنمر بيها ونزود مساحة التفاهم بينا..

انا بقول الكلام دا عشان ادي مثال للغير يمكن اللي يقرأ التدوينة ينتفع بيه

(7) طيب ليه في فيمينيستس في الكوكب بيكرهوا البنات في الجواز؟

-    الحقيقة معرفش.. مجرد مرورهم بتجارب سيئة أو مرورهم بلا تجارب على الإطلاق ليس سببا في رأيي لاسقاط تجربتهم على فكرة الزواج كاملة.. هو في رأيي تناول خاطيء لأحداث صادمة ليس أكثر

----------------------------------------------

كلمة أخيرة,,

الزواج سنة من سنن الله في الكون.. شرعها الله تعالى لمخلوقاته ليقرب بينهم ويؤلف بين قلوبهم وتكون وسيلة لـ"بناء" المجتمعات وتعمير الأرض.. فاذا كانت من سنن الله في الكون فهي حتما سنة حسنة وأي تشوه يصيبها هو خطأ في التطبيق وليس في النظرية.. وأحيانا يكون القدر وليس خطأ في التطبيق..

في كل الأحوال فالزواج ورابط الأسرة من أكثر الأشياء التى اهتم الله تعالى بالحفاظ عليها وتوصية الزوج بزوجته والزوجة بزوجها والأبناء بآبائهم.. فهو رباط مقدس هام للغاية وضعه الله لنا ليصلح لنا معاشنا ويصلح به آخرتنا.. حتى أن الله تعالى جعل فك ميثاق الزواج هو أبغض ما أحل لنا نحن بني آدم.. فلا نلجأ لفك الميثاق الا مكرهين مبغضين بقدر بغض الله تعالى له

عسى الله أن يرزقنا واياكم بر أزواجنا وبرنا بأزواجنا ويرزقنا ذرية صالحة تقر أعيننا

آه بالمناسبة.. عنوان التدوينة دي هو الجملة اللي قلتلها لزوجتي لما جيت أفاتحها في موضوع ارتباطنا.

قهر الرجال

ربما يكونُ بامكانِك استخدامِ مادةٍ لاصقةٍ ما

 لإصلاحِ مزهريةٍ مكسورةٍ او كوبٍ من الفخار

 لكنك حتمًا لا تستطيعُ استخدامها لجبرِ كسرِ رجلٍ فخور

هل رأيت قبلًا ما يفعلُ الصمغُ بشيءٍ مكسور؟

هل رأيت كيف يجمعُ أجزاءَه برابطٍ واهٍ ضعيف؟

هل رأيت ذلك الأثرُ الكبيرُ الذي يتركُه فيه الكسرُ رُغمَ الإصلاح؟

هذا ونحنُ نتحدثُ عن طبقٍ او إناء

فما بالك بجبرِ كسرِ إنسانٍ

من لحمٍ ودمٍ وشعور

كيف تظنُ ان بامكانِك جمعُ ما تفرق من أجزاءِ روحِه و ضمها من جديد؟

كيف تظنُ ان بإمكانك استعادة كلُّ او جلُّ ما كان عليه يومًا؟

كيف تظنُ.. كيف تظنُ ان كلًّ كسرٍ يجبرُه صمغٌ كالحديد؟؟

هذا ونحن نتحدثُ عن الإنسان

فما بالك ان كان رجلًا عنيد

هل رأيتُ يومًا رجلًا فخورًا وتأملتُ في صفاته؟

هل علمت شيئًا عن نفسِه وعن حياتِه؟

هل تدركُ قدرَ الفخرِ والعزةِ في كلِّ ذرةٍ من كيانِه؟

هل تظنُ حقًا أن كسرًا قد ضربَ كلَّ ما فيه يمكنك ان تصلِحَهُ ببعضِ صمغِكَ فتعيدٌه كالجَديد؟؟

والله ما ينكسرُ الرجلُ الا لأمرٍ شديد

فإن كان فإن جبرَه قد صار أمرٌ بعيد

لا تقدرُ عليه ولا تقدرُ أن

تعيدُه رجلًا رشيد

قهرُ الرجالِ وجعٌ استعاذَ منه سيدُ الأنام

وما استعاذَ منه لشأنٍ بسيط

لكنه ما إن حلَّ برجلٍ حتى أنزلَ بهِ

عذابًا مقيمًا وكسرًا أليمًا واذاقَه مرَّ الوعيد

إياك وقهرُ الرجالِ فما يقدر على جبرِهِ

شيءٌ لديكَ ولا سحرٌ شديد

إياك وقهرُ الرجالِ فما أن نزلَ برجلٍ

أنهَكَهُ

دمَّرَهُ

أنهَاهُ

كان به كسرًا وذلًا

ووجعًا رعيد

my friend, D

ok.. so.. there it goes.. this is his life now, this is how it has become.. how it's gonna be..

sometimes you get through a life event that changes everything.. a true milestone of your life.. a turning point by all meaning.. it's the kind of experience that afterwards life is never the same.. ever

a life event that stays still on top of all bad events you might have faced or face in your coming life, for nothing ever could be worse.. nothing can beat it.. it's devastating that no other situation can make you hurt or feel pain..

the thing is.. it is.. really excruciating.. in every detail.. in every single detail,,

it's a story written in pain, hurt, tears and grief,,

the details are a killer.. they are

the whole thing is a killer

not just an ordinary, casual or even a serial killer,,

it's the worst of its kind, a sick twisted psychopathic merciless cold-blooded murderer who is enjoying what he's doing.. and oh he is capable of doing much..

I've been through one of those most shocking-to-the-core situations.. and it's having its toll on me,, life afterwards is not the same.. i myself, after is not the same..

yeah.. the whole thing is a killer.. and the details.. oh the details.. they are a killer

----------------------------------

i wish to introduce my new friend,, well, not quite so far i gained a new friend, he wasn't my choice.. or maybe he was idk

he just showed up and apparently got stuck in my path, or maybe I'm the one following his path idk

let's call him D

so, D isn't a good friend, he's a nightmare actually, i don't like him.. he's not fond of me as well, but we're somehow attached to each other

he keeps following me wherever i go, always by my side like.. always.. never leaves

he's always there.. never too far.. never even not close

it's like he's haunting me.. could he. be a ghost? a spirit and a human being? a living one i mean? idk.. perhaps idk

i’ve always had the best typoe of friends, but not this one.. this one is unlike them all.. he is the worst companion anyone could have.. he is vile, cruel, evil.. he is evil

i just do know that he's causing me pain.. is he? no i don't think so.. he just comes with the pain.. yeah.. that makes more sense, I'm all pain-maxed-up already.. no place for more

so, that D, i don't talk to him, but he talks to me, i don't tell him stuff, but he seems to know all about me, i don't push him to do anything, good or bad.. but he is driving me insanely crazy towards self-damage

i hate you D

just can't get rid of you

it's not that easy,, there's a cost for everything after all.. and i do know you'll refuse to go.. you’r not going to leave.. i know

the undo

if only there was

an undo button

he could just hit

if only he could

just take back

certain moments of life

certain events that had happened

if only it was possible

to just forget that's tormenting him

with every breath

just like it never was

even for a while

just to take a break

of this excruciating pain

if only.. if only.. if only

we keep on wishing and wishing

and yet

not all wishes can come true

for in life there's no such a thing as

undo

ليلة سمر

ثُمَّ أخذا يتحدثان

في سمرِهِما

عمَّا ألَمَّ بِهِ

فغيَّرَ حالَهُ

من ذلك الرجُلٍ القويٍّ الذي كانه دومًا

إلى ذلك المسخِ المحطَّمِ الذي

لا طاقَةَ له ولا إحتِمَال

كَم كان يحتاجُ أن يسمعَهُ أحد

كَم كان يحتاجُ أن يشعُرَ بآلامه أحد

كَم كان يحتاجُ أن يُشارِك

فما كان منه إلا أن حدَّثَها

بكُلِّ ما يعتَمِلُ في صدْرِهُ

حدَّثَها عن كُلِّ ما يُنغِّصُ حياتَهُ

عمَّا يعكِّرُ صفو أيامِه

حدَّثَها عن الكثيرِ والكثير

حدَّثَها بكلِ شيء ٍ إلا

إلا ذلكَ الحدثُ الذي

أتى عليه

و أنهَى حياتَه

أسير الجحيم

في وسطِ ذلكَ البحرِ

جاهدًا

يستنفذُ كلَّ قواهِ

فقطْ.. ليبقى فوق سطحِ مائِهِ

فقطْ ليبقى طافيًا

تلعبُ برأسِهِ الأفكارُ والظنون

فيظُنُّ أنه منه ناجٍ

يظُنُّ أنَّ له منه مخرجًا

فيزيدُ اجتهاده

علَّهُ إلى برٍ يصِل

يُزيحُ عنه بعضَ عناءِه

يكون له مفرًا مما يقاسيه

يكونُ لهُ ترياقًا

يُداويَ ما فيه من همومٍ و آلام

ما يلبثُ أن يُفكِّرَ في خلاصِهِ حتى

حتى يغرِقُ في ظلامِ ذلكَ البحرِ المُوحشِ

تتقاذَفُهُ أمواجُهُ العالية

مرةً بعد مرةٍ

يغرقُ فيها

بلا موت

بلا حياة

فكلما غمَرَتْهُ مياهُهُ وظنَّ

أنه وجدَ راحةً في الموتِ

بُعِثَ من جديدٍ ليبدأَ كرةُ أخرى

يبحثُ فيها عن خلاصِهِ

ثم يغرقُ فيها في ظلامٍ موحِشٍ

ثُمَّ تتقاذَفُهُ أمواجُهُ العالية

ثم تغمرهُ مياهُهُ من جديد

ثم يُبعَثُ فيها إليها من جديد

هكذا في جحيمِه الأبدي يحيا

مرة ً بعد مرةٍ يُعيد

بلا حياةٍ

بلا موتٍ

بلا أملٍ في يومٍ جديد

فرق السعرات CALORIE DEFICIT - تغذية 102

معلش أنا عارف ان الصورة اللي فوق دي تخوف والله.. بس يعني قلت اخوفكم شوية عشان نعلي الكورتيزول ونزود الحرق شوية و..

لأ.. محدش بيخس من أفلام الرعب..

دي التدوينة التانية في سلسلة تدويناتنا عن التغذية وهتكلم انهارده ان شاءالله عن حاجة مهمة جدا اتذكرت في التدوينة السابقة اسمها الـ CALORIE DEFICIT.. أو فرق السعرات.. ودا موضوع أساسي للي مهتم بعمل دايت لخسارة الوزن أو زيادته أو حتى للي عايز يثبت وزنه.. أما بقى اللي مش فارق معاه الموضوع فدا يروح يجيب كيس شيبسي عائلي وبرطمان نوتيلا على ما نخلص.

هبدأ بتعريف كلمة CALORIE.. الكالوري هو وحدة لقياس الطاقة وبيساوي كمية الطاقة اللازمة لرفع حرارة 1 كجم من الماء بمقدار درجة واحدة سيليزية.

طيب ايه اهمية الكلام دا؟  ولا حاجة بصراحة بس عشان نبقى عارفين بنتكلم عن ايه لأن الدايت فهم مش حفظ.

الكالوري في مجال التغذية بيستخدم للتعبير عن الطاقة الموجودة في مكونات الأكل وعن الطاقة اللي بيحتاجها وبيستهلكها أو بيخزنها الجسم

التعريف الجاي مهم بقى اننا نفهمه.. اسمه مقدار طاقة الثبات أوMAINTENANCE CALORIES.. ايه دا؟

كل واحد فينا ليه مقدار مكافيء من الطاقة.. بمعنى ان اي واحد فينا وزنه وطوله وعمره وجنسه ومتوسط الأنشطة اللي بيبذلها في اليوم سواء في الأنشطة الحياتية أو الرياضة أو غيرها بيدخلوا في معادلة انا معرفهاش عشان يطلع في الآخر كمية من الطاقة الكمية دي هي اللي جسمه بيحتاجها في اليوم

بديهي كدا هتكون كالوريز الثبات دي هي كمية الكالوريز اللي احنا محتاجينها عشان نحافظ على وزننا الحالي

يعني لو افترضنا ان في شخص ذكر عمره 25 سنة و طوله 175سم ومش بيمارس رياضة وجينا نحسب احتياجات جسمه اليومية من الطاقة هنلاقي انه بيحتاج في حدود 2200 كالوري يوميا تقريبا.. وهي دي كالوريز الثبات بتاعته اللى لو دخلها كل يوم مش هيزيد وزن ولا هيخسر وزن.. يفضل زي ما هو

لينك موقع calorie calculator 

بالتالي لو في حد عايز يخسر وزن لازم يعمل  CALORIE DEFICIT.. لازم يعمل فرق سعرات بالسالب ويدخل لجسمه طاقة أقل من احتياج الجسم واستخدامه عشان يبدأ الجسم ياخد من المخزون الموجود عنده اللى هو الدهون.

عشان كدا.. مفيش أي طريقة هتقدر تخسر بيها وزن حقيقي من غير ما تراقب أكلك.. لازم تكون عارف احتياجاتك.. عامل حساباتك.. محدد انت هتاكل ايه.. بمعنى هتاكل كام كالوري في اليوم عشان توصل للتارجت بتاعك

أي دايت لا يشمل على حساب السعرات هو دايت فاشل تماما وهتسيبه قبل ما توصل للنتيجة اللى انت عايزها.. لأنك هتبقى عامل زي اللي ماشي في طريق مفيهوش يفط او علامات ارشادية ومش عارف هو رايح فين فهيرجع وخلاص.. لازم تفهم

طيب دا بالنسبة للإنسان..

بالنسبة للأكل بقى.. الأكل برده في الآخر بيدي كمية من الطاقة.. طبعا بتختلف حسب نوع الأكل.. الدهون بتدي طاقة عالية, حوالي 9 كالوري لكل جرام دهون.. يليها النشويات و البروتين كل منهم بيدي حوالي 4 كالوري لكل 1جم كارب أو بروتين.. عشان كدا لما نيجي ناكل لازم نبقى عارفين احنا بناكل ايه وكمية طاقة قد ايه.. دا لو مهتمين بعمل تغيير في الوزن سواء بالزيادة أو النقصان.

طيب ليه الدايت اللي من غير حساب سعرات بيفشل دايما؟

ببساطة لأن الأكل متنوع جدا في كمية الطاقة اللي بيقدمهالنا.. الموضوع مش مرتبط بـ بتاكل قد ايه بقدر ماهو مرتبط بـ بتاكل ايه

يعني على سبيل المثال.. قطعة تشوكليت كيك زي هوهوز مثلا فيها حوالي 400 كالوري, نفس ال 400 كالوري دول تقدر تاخد بيهم حوالي ربع فرخة مشوية وطبق سلطة عملاق وتفاحة.. مع الفارق ان ال 400 كالوري الأولانيين هتاخدهم وتجوع أكتر في حين ان التانيين هيشبعوك.. وفرق تاني أهم هو ان التشوكليت كيك مضرة في حين ان البروتينات والسلطة غذاء مفيد.. انا هنا مش هتطرق لمكونات الأكل وهخلي الكلام في دا في تدوينة مستقلة ان شاءالله

برده مثال تاني.. قطعة كنافة صغيرة بيكون فيها من 250-500 كالوري حسب الشغل المعمول فيها وال 500 كالوري دول هتلاقي ان هما تقريبا مساويين لوجبة كاملة مشبعة صحية لو انت ملتزم بدايت.. متخيل؟

قطعة البيتزا الواحدة فيها حوالي 300 كالوري.. ودا رقم ممكن تعمل بيه حاجات كتير أوي.. ممكن تسافر بيه على طيارة مثلا

عشان كدا مفيش دايت من غير حسابات.. مفيش دايت من غير ما اكون عارف انا بدخل جسمي ايه

من غير ما تحسب انت هتقول انا مزبط أكلى وتمشي تاخد قطمة من هنا على حتة من هنا على لطة من هنا.. هوب.. آخر الشهر 2 كيلو زيادة وتقول الدايت دا مشروع فاشل ومحدش بيخس وبتاع

طيب نيجي لسؤال مهم نختم بيه كلامنا عن السعرات كـ كم وليس كـ كيفية

هو الكام بكام يا محترم؟

يعني كام سعر يدوني كام كيلو على الميزان؟

اجابة السؤال دا صادمة شوية.. كل 1 كجم = 7000 كالوري.. بمعنى انك عشان تزيد 1كجم محتاج تدخل 7000 كالوري ""زيادة"" عن كالوريز الثبات اللي هيستهلكها جسمك وعشان تخس محتاج تنقص 7000 كالوريز من كالوريز الثبات بتاعتك عشان الجسم يستهلك من مخزونه

طيب فين الصدمة؟

الصدمة في إن زيادة 7000 كالوري حاجة سهلة جدا.. في حين انك تنقص 7000 كالوري محتاجة التزام وصبر ووقت.

يعني انت ممكن بسهولة تاكل في يوم واحد بيتزا (2500 كالوري في المتوسط) مع بيرجر وبطاطس وبيبسي (كمان 2000 كالوري لو بيرجر من بافالو و هيبقوا حوالي 1000 بس لو من جاد) وهوب اليوم اللي بعده كشري وبالليل مكرونة وبانيه وفي النص شوية شوكلاتة وبرطمان نوتيلا بدون قصد وقع في بقك بعد يومين تلاتة هتكون زيدت كيلو

انما عشان تخسر نفس الكيلو محتاج تقلل الطاقة اللي بتدخلها عن احتياجات جسمك حوالي 1000 كالوري في اليوم عشان بعد اسبوع تكون نزلت 1 كجم.. ودا مش هيكون بالساهل على فكرة وبالذات لو انت مش آخد الموضوع جد وعندك تصميم

الموضوع مش لعب.. لكن مش مسحتيل..ومش صعب حتى.. كل ما في الموضوع انك تاخد قرار وانك يكون عندك تصميم وانك تلتزم.. وانك تقرا وتفهم وتتعلم.. ازاي بقى؟

تابع مقالات المدونة وان شاءالله هنتعلم مع بعض ازاي.. وبالنسبة لموضوع نعمل حساباتنا ازاي.. فدا ان شاءالله هعمل عنه تدوينة مستقلة اشرح فيها ازاي نستخدم الأبليكيشن الرائع والعظيم My FitnessPal وهنلاقيه موجود على  Google Play و App Store

الناس اللي راحت تجيب شيبسي ونوتيلا فوق يا ريت يعرفوا ان اللي أكلوه بط بط هيطلع على فخادهم وز وز.. دي مقولة مأثورة لأستاذنا سفاح الفات

لينك للتدوينة الأولى: "افهم أكلك - تغذية 101"