الموضوع ده كتبته ايام امتحانات بتاعت ال 102.. ربنا لا يعيدها ايام
من بين اوراق الكتب اللى ما اتفتحتش من اول السنة (ولا اخرها والله) وانا تحت السرير بفكر فى مصيرى مع امتحان ال physiology اخدت قرار انى اتبرع لرئيسة القسم بدرجات الامتحان كاملة والثواب عند ربنا ان شاء الله..
المهم فى وسط الجو اللى مش لذيذ خالص ده نط فى دماغى سؤال كده..
بصراحة انا فكرت كتير بس مش قدرت اجاوب عليه وده خوفنى اوى عشان...
طبعا كل واحد فى الدنيا عنده عقيدة بيؤمن بيها.. يعنى فى المسلم, المسيحى, اليهودى و حتى البوذيين..
كل واحد من دول اعتنق العقيدة دى عشان غالبا نشأ فى وسط بيعتنقها.. يعنى انا مسلم عشان نشأت فى اسرة مسلمة وصديقى العزيز بيتر مسيحى عشان نشا فى اسرة بتعتنق المسيحية وكده...
طيب لو مش كان النظام كده؟؟
يعنى لو كان مثلا النظام ان الانسان يختار عقيدته بنفسه عند سن معين(18 مثلا) يا ترى كان كل واحد فينا اختار ايه؟؟
الموضوع مش سهل ويا ريت ما حدش يقول كنت هختار عقيدتى الحالية عشان ده شىء مش مضمون ونسبته ما تتعداش نسبة اختيار اى عقيدة تانية.. الموضوع بصراحة صعب وانا ما قدرتش اعرف كنت هختار ابقى ايه..
ما عرفتش كنت هختار ابقى مسلم ولا مسيحى..
ما عرفتش كنت هعبد ربنا ولا لا قدر الله كنت اخترت البقرة او النار اله ليا..
خلصت من ده انى عرفت انى لازم احمد ربنا (مسلم كنت او مسيحى) على انه اختارنى من وسط مليارات انى اكون بعبده (سبحانه وتعالى)..
انا عارف انى ليا حق الاختيار وانى ممكن فى لحظة اقرر انى اعتنق ديانة تانية ده حق كفلته كل الاديان وهو حرية اختيار العقيدة.. لكن الموضوع دلوقت يختلف عن انى اكون اصلا مش معتنق ديانة بعينها وهقرر..
عشان كده السؤال لسه شاغلنى..
يا ترى كنت هختار ايه؟
من بين اوراق الكتب اللى ما اتفتحتش من اول السنة (ولا اخرها والله) وانا تحت السرير بفكر فى مصيرى مع امتحان ال physiology اخدت قرار انى اتبرع لرئيسة القسم بدرجات الامتحان كاملة والثواب عند ربنا ان شاء الله..
المهم فى وسط الجو اللى مش لذيذ خالص ده نط فى دماغى سؤال كده..
بصراحة انا فكرت كتير بس مش قدرت اجاوب عليه وده خوفنى اوى عشان...
طبعا كل واحد فى الدنيا عنده عقيدة بيؤمن بيها.. يعنى فى المسلم, المسيحى, اليهودى و حتى البوذيين..
كل واحد من دول اعتنق العقيدة دى عشان غالبا نشأ فى وسط بيعتنقها.. يعنى انا مسلم عشان نشأت فى اسرة مسلمة وصديقى العزيز بيتر مسيحى عشان نشا فى اسرة بتعتنق المسيحية وكده...
طيب لو مش كان النظام كده؟؟
يعنى لو كان مثلا النظام ان الانسان يختار عقيدته بنفسه عند سن معين(18 مثلا) يا ترى كان كل واحد فينا اختار ايه؟؟
الموضوع مش سهل ويا ريت ما حدش يقول كنت هختار عقيدتى الحالية عشان ده شىء مش مضمون ونسبته ما تتعداش نسبة اختيار اى عقيدة تانية.. الموضوع بصراحة صعب وانا ما قدرتش اعرف كنت هختار ابقى ايه..
ما عرفتش كنت هختار ابقى مسلم ولا مسيحى..
ما عرفتش كنت هعبد ربنا ولا لا قدر الله كنت اخترت البقرة او النار اله ليا..
خلصت من ده انى عرفت انى لازم احمد ربنا (مسلم كنت او مسيحى) على انه اختارنى من وسط مليارات انى اكون بعبده (سبحانه وتعالى)..
انا عارف انى ليا حق الاختيار وانى ممكن فى لحظة اقرر انى اعتنق ديانة تانية ده حق كفلته كل الاديان وهو حرية اختيار العقيدة.. لكن الموضوع دلوقت يختلف عن انى اكون اصلا مش معتنق ديانة بعينها وهقرر..
عشان كده السؤال لسه شاغلنى..
يا ترى كنت هختار ايه؟
ليست هناك تعليقات:
إرسال تعليق