www.aim4fun.com
يااااااااه.. كانت ايام..
لسه فاكر الشعور اللى كنت بحسه لما كنت بكتب ال URL اللى فوق ده..
لما كنت بقضى على النت اوقات كتييييييير اتصفح الـ site ده واشوف اللى عليه.. واحيانا اشارك فى صنع صفحاته..
كأنه كان انبارح.. لسه فاكر aim وكل اللى مريت بيه عليه.. كل اللى عرفتهم.. كل اللى قلته.. وكل اللى اتقاللى..
الحكاية بدأت السنة اللى فاتت لما كنا فى اخر محاضرة مش فاكرها طبعا ودخل علينا اتنين من الطلاب الكبار اللى طبعا ما كنتش اعرفهم وكتبوا لينك على السبورة بتاعة المدرج.. واتكلموا عن الموقع وقالوا ان منتدى الجامعة.. طبعا انا عندى فكرة عن المنتديات العربية انها بدرجة من السوء لا تستحق معها حتى انك تفكر تضيع وقت عليها.. ما اديتش الموضوع اى اهتمام وطنشت وعادى..
فى اخر التيرم قبل الامتحانات وانا قاعد مرة على النت ومش لاقى حاجة اعملها.. قولت ادخل اتفرج على تفاهات منتدى الجامعة(كنت اياميها اهبل وبحب الجامعة ما كنتش لسه سميتها الموكوسة).. كتبت اسم الموقع ولقيته بيفتحلى صفحة اباحية.. ما علينا اكتشفت انى كاتبه غلط فدورت عليه ولقيت اللينك بتاعه ودخلت.. واتصدمت.. مش اندهشت
ما كنتش فاكر ابدا انى ممكن الاقى منتدى عبى بالرقى والجمال بتاع المنتدى ولا المنظر اللى انا شفته.. ورغم انى كنت ناوى اتفرج وامشى الا ان اللى قريته والناس اللى شفتهم عليه.. لقيتنى بسجل اشتراك فيه وبملى صفحة اشتراك العضو errantknight..
بعد كدة بقى المنتدى جزء اساسى من حياتى اليومية لازم يوميا اتصفحه زى الفيس كدة دلوقت..
شفت ناس بتكتب وعقول بتفكر وابداعات بجد جميلة.. شفت كمان اسرة مؤلفة من مكونات كنت فاكرها مستحيل تعمل اسرة.. بس بجد لقيت المصرى والفلسطينى والسعودى واللبنانى والكويتى و........ كلهم تحت علم واحد.. علم المنتدى... من غير خلافات ولا مشاكل.. والاجمل كمان انهم كانوا كلهم(تقريبا) مبدعين..
حبيت ادخل وسطهم وادور لنفسى على مكان بينهم لانى كنت جديد على اسرة قايمة اصلا.. وبدأت اشارك واكتب لغاية ما بقى المنتدى بيتى النتى(من نت :D)..
المنتدى بجد كان غير.. مفيهوش التفاه بتاعة المنتديات العربية ولا المواضيع اللى بتتركز فى الغالب عن الجنس وأخبار الاغتصاب او المواضيع اللى اصحابا فاكرينها نكت.. لا.. كان بجد فى ابداع حقيقى فى المنتدى.. فى ناس بتفكر وعندها اللى تقوله كانت اكتر الابداعات الموجودة فلسفية او ادبية.. ورغم صغر سن كتابها الا انهم كانوا فعلا عارفين هما بيعملوا ايه.. وكمان كان احلى حاجة فى المنتدى ان الكل عارف انه فى اسرة وان الموجوديين هما اسرته مش مجرد ناس بتقضى معاهم ساعة والسلام.. فكان فى روح حب وتعاون بين كل الاعضاء وكمان خفة ظل عالية من معظم الاعضاء.. ويمكن انا لسه فاكر المساعدات الاولى اللى لقيتها من واحدة من انبل واحسن الناس اللى عرفتهم فى حياتى وواحدة من البنات القليلة اللى غير البنات roza اللى كان لقبها روح المنتدى وبالفعل هى روحه.. كانت بتساعدنى بدون ما نعرف بعض وبتشجعنى لمجرد انى عضو جديد دخل على الاسرة ومش لازم انه يحس انه غريب.. ودى حاجة هى بتعملها مع الكل لانها بجد بنت قلبها طيب جدا..
المنتدى انا استفدت منه كتير بخبرات فى الحياة وفهم لطبيعة الجامعة اللى انا فيها والناس اللى بدرس معاهم باعتبارها جامعة الدول العربية وكل واحد جاى من بلد شكل والو فكره الخاص بيه..
وكمان من خلال المنتدى عرفت ناس انا very gratefull انى عرفتهم.. زى مثلا roza و golden eagle(اللى انا ساكن معاه السنة دى.. بجد انسان محترم جدا وابن ناس)وكمان حبيب الكل dr-killer صاحب المنتدى والاب الروحى ليه.. وغيرهم كتير زى lovely_baby و captain charisma وangel of love واحمد ابو شوارب وحتى سنفورة فلسطين(رغم انها مش بتطيق سيرتى حتى.. بس بجد بحب دماغها جدا)..
كمان اهم حاجة طلعت بيها من المنتدى انه كان المكان اللى عرفت منه حبيبة عمرى وكل حياتى.. والى لولا المنتدى كانت مرت سنين الجامعة واحنا بنشوف بعض من غير ما نعرف بعض ولا نعرف اللى كان مستنينا.. رغم انى عرفتها بالصدفة المحضة وبدون اى ترتيب.. الا انها اجمل واحلى صدفة فى حياتى.. ربنا يجعلنا لبعض بس..
المهم.. بعد فترة بدأ الوضع يتغير.. بدأت تدخل اقلام ما كانتش موجودة بل كدة.. اقلام بتهد بحسن نية.. مش زنبهم بس هما كانوا ضحايا المنتديات العقيمة اللى مالية النت.. دخلوا aim وافتكروه زى اى منتدى تانى على النت وبدأوا يتعاملوا معاه على الاساس ده.. فبدأنا نشوف فى المنتدى تراجع فى المواضيع اللى من كتابة الاعضاء نفسهم وانتشار كبير للمواضيع المنقولة التى لا ترقى فى غالب الاحيان لمنتدانا الرائع.. طبعا انا ما خلصنيش الوضع لان المنتدى بالنسبالى كان حياتى.. حاولت كتييييير مع الاعضاء الجداد انهم يبعدوا عن النقل وينشروا كتاباتهم هما لانها مهما كان ستواها تفضل احسن من انهم ينقلوا.. بس لا حياة لمن تنادى
للاسف ان التدهور حصل كله مرة واحدة.. الاعضاء اللى بتهد مع تقصير من المشرفين.. تقصير شديد.. مع غياب roza عن المنتدى مع العلم انها هى لوحدها منتدى اصلا مع غياب تام للادارة لاسباب مختلفة.. كل ده ادى لان المنتدى شكله اتغير.. للاسوأ للاسف
وقتها انا قررت اعلن الحرب رغم انى ما كنتش مشرف ولا مدير.. كنت بس عضو عادى جدا.. حتى ما اعتقدش ان كان ليا مكان مؤثر فى المنتدى.. بس عشان انا بحب المنتدى ما كانش ينفع اسكت..
اعلنت الحرب على اللى بيحصل وعلى الاعضاء اللى بيخربوا فى المنتدى بعد ما رفضوا الحوار الودى.. وبجد فتحت النار فى كل الاتجاهات.. الاعضاء اللى بتخرب والاشراف السىء والادارة الغايبة.. وحتى قوانين المنتدى اللى اكتشفت فيها شوية حاجات غريبة.. كانت ايام صعبة طبعا لما اشوف اصدقاء الامس خلونى عدو اليوم..
وعشان انا بصلح بقيت شخص غير مرغوب فيه.. الا انى استمريت وحذرت الادرة كتير من حاجات قلتلهم انها هتحصل ولكن للاسف اتهمنى dr-killer وباقى الادارة بالتعرض للاعضاء وقال المشرفين انى صداع ووجع دماغ وما عادش ليا لازمة..
ولما اشتد الوضع ولقيت ان مفيش فايدة(وده مش استسلام بس اعتقد ان واحد قصاد فوق ال خمس الاف يبقى معركة غير عادلة).. طلبت الغاء عضويتى وحذف مشاركاتى بعد صراعات طويلة مع اشخاص لا يستحقوا حتى مجرد ذكر اسمائهم على صفحتى.. وبالفعل لغوا عضويتى وسابوا مشاركاتى
طبعا انا لغاية انهاردة لازم افتح المنتدى يوميا واتحسر على حاله بعد ما كل اللى اتنبأت بيه حصل.. الاعضاء التقال مشيوا واحد بعد التانى واللى فضل منهم خفف مشاركاته.. وانتشرت المواضيع المنقولة واختفت الابداعات الشخصية.. وكمان المنتدى فقد روحه وهدفه.. وبقت كل الناس الموجودة غريبة عن بعض وضاعت روح اسرة aim الواحدة..
بعد ما كان اعضاء المنتدى زمان بيثروا صفحات قسم النقاش وقسم المواضيع العامة.. دلوقتى قسم الالعاب متصدر باكتساح.. وشات المنتدى بكل ما فيه من تفاهة هو المقصد الاول للاعضاء..
انا اعرف مجموعة من الاعضاء كل ما يلتقوا بيكون هدفهم انهم يتفقوا على نسوان المنتدى اللى فى الشات.. يا اما يزبطوا معاهم يا اما يدايقوا اللى مش يعرفوا يطولوهم..
وده بقى حال المنتدى دلوقت..
اخر الكلام.. انا طبعا مش ندمان على اى حاجة حصلتلى فى المنتدى بالعكس انا كنت فخور جدا انى انا الوحيد اللى كان بيدافع عن المنتدى فى وقت كان محتاج فيه مدافعين.. ورغم انى مشيت منبوذ الا انى عارف كويس جدا انى مش مجرم هربان..لا.. انا فارس تآمر عليه حاشية الملك فى مملكته وطلعوه برة عشان حاول ينقذ المملكة من هلاك للاسف وقعت فيه...
ويبقى aim صفحة من اجمل صفحات حياتى...
يااااااااه.. كانت ايام..
لسه فاكر الشعور اللى كنت بحسه لما كنت بكتب ال URL اللى فوق ده..
لما كنت بقضى على النت اوقات كتييييييير اتصفح الـ site ده واشوف اللى عليه.. واحيانا اشارك فى صنع صفحاته..
كأنه كان انبارح.. لسه فاكر aim وكل اللى مريت بيه عليه.. كل اللى عرفتهم.. كل اللى قلته.. وكل اللى اتقاللى..
الحكاية بدأت السنة اللى فاتت لما كنا فى اخر محاضرة مش فاكرها طبعا ودخل علينا اتنين من الطلاب الكبار اللى طبعا ما كنتش اعرفهم وكتبوا لينك على السبورة بتاعة المدرج.. واتكلموا عن الموقع وقالوا ان منتدى الجامعة.. طبعا انا عندى فكرة عن المنتديات العربية انها بدرجة من السوء لا تستحق معها حتى انك تفكر تضيع وقت عليها.. ما اديتش الموضوع اى اهتمام وطنشت وعادى..
فى اخر التيرم قبل الامتحانات وانا قاعد مرة على النت ومش لاقى حاجة اعملها.. قولت ادخل اتفرج على تفاهات منتدى الجامعة(كنت اياميها اهبل وبحب الجامعة ما كنتش لسه سميتها الموكوسة).. كتبت اسم الموقع ولقيته بيفتحلى صفحة اباحية.. ما علينا اكتشفت انى كاتبه غلط فدورت عليه ولقيت اللينك بتاعه ودخلت.. واتصدمت.. مش اندهشت
ما كنتش فاكر ابدا انى ممكن الاقى منتدى عبى بالرقى والجمال بتاع المنتدى ولا المنظر اللى انا شفته.. ورغم انى كنت ناوى اتفرج وامشى الا ان اللى قريته والناس اللى شفتهم عليه.. لقيتنى بسجل اشتراك فيه وبملى صفحة اشتراك العضو errantknight..
بعد كدة بقى المنتدى جزء اساسى من حياتى اليومية لازم يوميا اتصفحه زى الفيس كدة دلوقت..
شفت ناس بتكتب وعقول بتفكر وابداعات بجد جميلة.. شفت كمان اسرة مؤلفة من مكونات كنت فاكرها مستحيل تعمل اسرة.. بس بجد لقيت المصرى والفلسطينى والسعودى واللبنانى والكويتى و........ كلهم تحت علم واحد.. علم المنتدى... من غير خلافات ولا مشاكل.. والاجمل كمان انهم كانوا كلهم(تقريبا) مبدعين..
حبيت ادخل وسطهم وادور لنفسى على مكان بينهم لانى كنت جديد على اسرة قايمة اصلا.. وبدأت اشارك واكتب لغاية ما بقى المنتدى بيتى النتى(من نت :D)..
المنتدى بجد كان غير.. مفيهوش التفاه بتاعة المنتديات العربية ولا المواضيع اللى بتتركز فى الغالب عن الجنس وأخبار الاغتصاب او المواضيع اللى اصحابا فاكرينها نكت.. لا.. كان بجد فى ابداع حقيقى فى المنتدى.. فى ناس بتفكر وعندها اللى تقوله كانت اكتر الابداعات الموجودة فلسفية او ادبية.. ورغم صغر سن كتابها الا انهم كانوا فعلا عارفين هما بيعملوا ايه.. وكمان كان احلى حاجة فى المنتدى ان الكل عارف انه فى اسرة وان الموجوديين هما اسرته مش مجرد ناس بتقضى معاهم ساعة والسلام.. فكان فى روح حب وتعاون بين كل الاعضاء وكمان خفة ظل عالية من معظم الاعضاء.. ويمكن انا لسه فاكر المساعدات الاولى اللى لقيتها من واحدة من انبل واحسن الناس اللى عرفتهم فى حياتى وواحدة من البنات القليلة اللى غير البنات roza اللى كان لقبها روح المنتدى وبالفعل هى روحه.. كانت بتساعدنى بدون ما نعرف بعض وبتشجعنى لمجرد انى عضو جديد دخل على الاسرة ومش لازم انه يحس انه غريب.. ودى حاجة هى بتعملها مع الكل لانها بجد بنت قلبها طيب جدا..
المنتدى انا استفدت منه كتير بخبرات فى الحياة وفهم لطبيعة الجامعة اللى انا فيها والناس اللى بدرس معاهم باعتبارها جامعة الدول العربية وكل واحد جاى من بلد شكل والو فكره الخاص بيه..
وكمان من خلال المنتدى عرفت ناس انا very gratefull انى عرفتهم.. زى مثلا roza و golden eagle(اللى انا ساكن معاه السنة دى.. بجد انسان محترم جدا وابن ناس)وكمان حبيب الكل dr-killer صاحب المنتدى والاب الروحى ليه.. وغيرهم كتير زى lovely_baby و captain charisma وangel of love واحمد ابو شوارب وحتى سنفورة فلسطين(رغم انها مش بتطيق سيرتى حتى.. بس بجد بحب دماغها جدا)..
كمان اهم حاجة طلعت بيها من المنتدى انه كان المكان اللى عرفت منه حبيبة عمرى وكل حياتى.. والى لولا المنتدى كانت مرت سنين الجامعة واحنا بنشوف بعض من غير ما نعرف بعض ولا نعرف اللى كان مستنينا.. رغم انى عرفتها بالصدفة المحضة وبدون اى ترتيب.. الا انها اجمل واحلى صدفة فى حياتى.. ربنا يجعلنا لبعض بس..
المهم.. بعد فترة بدأ الوضع يتغير.. بدأت تدخل اقلام ما كانتش موجودة بل كدة.. اقلام بتهد بحسن نية.. مش زنبهم بس هما كانوا ضحايا المنتديات العقيمة اللى مالية النت.. دخلوا aim وافتكروه زى اى منتدى تانى على النت وبدأوا يتعاملوا معاه على الاساس ده.. فبدأنا نشوف فى المنتدى تراجع فى المواضيع اللى من كتابة الاعضاء نفسهم وانتشار كبير للمواضيع المنقولة التى لا ترقى فى غالب الاحيان لمنتدانا الرائع.. طبعا انا ما خلصنيش الوضع لان المنتدى بالنسبالى كان حياتى.. حاولت كتييييير مع الاعضاء الجداد انهم يبعدوا عن النقل وينشروا كتاباتهم هما لانها مهما كان ستواها تفضل احسن من انهم ينقلوا.. بس لا حياة لمن تنادى
للاسف ان التدهور حصل كله مرة واحدة.. الاعضاء اللى بتهد مع تقصير من المشرفين.. تقصير شديد.. مع غياب roza عن المنتدى مع العلم انها هى لوحدها منتدى اصلا مع غياب تام للادارة لاسباب مختلفة.. كل ده ادى لان المنتدى شكله اتغير.. للاسوأ للاسف
وقتها انا قررت اعلن الحرب رغم انى ما كنتش مشرف ولا مدير.. كنت بس عضو عادى جدا.. حتى ما اعتقدش ان كان ليا مكان مؤثر فى المنتدى.. بس عشان انا بحب المنتدى ما كانش ينفع اسكت..
اعلنت الحرب على اللى بيحصل وعلى الاعضاء اللى بيخربوا فى المنتدى بعد ما رفضوا الحوار الودى.. وبجد فتحت النار فى كل الاتجاهات.. الاعضاء اللى بتخرب والاشراف السىء والادارة الغايبة.. وحتى قوانين المنتدى اللى اكتشفت فيها شوية حاجات غريبة.. كانت ايام صعبة طبعا لما اشوف اصدقاء الامس خلونى عدو اليوم..
وعشان انا بصلح بقيت شخص غير مرغوب فيه.. الا انى استمريت وحذرت الادرة كتير من حاجات قلتلهم انها هتحصل ولكن للاسف اتهمنى dr-killer وباقى الادارة بالتعرض للاعضاء وقال المشرفين انى صداع ووجع دماغ وما عادش ليا لازمة..
ولما اشتد الوضع ولقيت ان مفيش فايدة(وده مش استسلام بس اعتقد ان واحد قصاد فوق ال خمس الاف يبقى معركة غير عادلة).. طلبت الغاء عضويتى وحذف مشاركاتى بعد صراعات طويلة مع اشخاص لا يستحقوا حتى مجرد ذكر اسمائهم على صفحتى.. وبالفعل لغوا عضويتى وسابوا مشاركاتى
طبعا انا لغاية انهاردة لازم افتح المنتدى يوميا واتحسر على حاله بعد ما كل اللى اتنبأت بيه حصل.. الاعضاء التقال مشيوا واحد بعد التانى واللى فضل منهم خفف مشاركاته.. وانتشرت المواضيع المنقولة واختفت الابداعات الشخصية.. وكمان المنتدى فقد روحه وهدفه.. وبقت كل الناس الموجودة غريبة عن بعض وضاعت روح اسرة aim الواحدة..
بعد ما كان اعضاء المنتدى زمان بيثروا صفحات قسم النقاش وقسم المواضيع العامة.. دلوقتى قسم الالعاب متصدر باكتساح.. وشات المنتدى بكل ما فيه من تفاهة هو المقصد الاول للاعضاء..
انا اعرف مجموعة من الاعضاء كل ما يلتقوا بيكون هدفهم انهم يتفقوا على نسوان المنتدى اللى فى الشات.. يا اما يزبطوا معاهم يا اما يدايقوا اللى مش يعرفوا يطولوهم..
وده بقى حال المنتدى دلوقت..
اخر الكلام.. انا طبعا مش ندمان على اى حاجة حصلتلى فى المنتدى بالعكس انا كنت فخور جدا انى انا الوحيد اللى كان بيدافع عن المنتدى فى وقت كان محتاج فيه مدافعين.. ورغم انى مشيت منبوذ الا انى عارف كويس جدا انى مش مجرم هربان..لا.. انا فارس تآمر عليه حاشية الملك فى مملكته وطلعوه برة عشان حاول ينقذ المملكة من هلاك للاسف وقعت فيه...
ويبقى aim صفحة من اجمل صفحات حياتى...
ليست هناك تعليقات:
إرسال تعليق