ببساطة.. خليك سلبى

فى حياتنا بنصادف مواقف كتير بتثير جوانا احيانا مشاعر واحيانا افكار واحيانا تساؤلات.. بس فى كل من الحالات دى بيكون دايما فى عندنا رغبة اننا نـ respond للمواقف دى.. يمكن بكلمه, او ضحكه, او نظرة دهشة, اوحتى.. صمت وبس...

انا مؤمن ان الانسان مش ينفع يكون عايش بمبدأ وانا مالى.. وانه لازم يشارك فى كل حاجة بتحصل حواليه ويكون ليه ايد خضرة(او حمرة مش هتفرق) فى تغيير الحاجات اللى مش كويسة فى المجتمع اللى حواليه.. حتى لو كان عارف ان محاولاته دى مش هتنجح.. بس اهو لازم الانسان يحاول طول ما فى اللى يقدر يقدمه..
بس بصراحة احيانا الواحد بيقابل انواع من المواقف والمشاكل فى المجتمع ببساطة مش ليها حل.. يعنى مهما عملت فانت "بتأذن فى مالطة".. ومهما حاولت تغير فمفيش فايدة..
يعنى فى شوية مواقف احب اذكرها تبين اللى اقصده...

-انهارده وانا راكب عربية القاهرة من رشيد العزيزة الساعة 3 قبل الفجر.. الناس نامت بعد السواق ما طلع.. قام واحد عنده يجى 22-24 سنة كده مصحى الناس وقام مخبط على اتنين وقال الجملة الخنيئة المشهورة.. "اصحى يا صاحبى ما تنامش".. الناس قاموا مفزوعين وقالوا فى ايه.. قام قال بسلامته "لا انا بعمل هيصة وجو عشان الناس ما تنامش"...
انا ما كنتش نايم لانى مش بعرف انام فى العربيات بس لما شفت الموقف بجد مبقيتش عارف اقول ايه.. بصيلته بصة احتقار واستتفاه(وليس استسخاف) وفضلت ساكت.. بس السواق اداهوملو فى العضل صح...

-فى مرة تانية كنت على المحور عشان اركب عربية لاكتوبر وكنت واقف وحدى وبعدين جه واحد وقف جمبى.. وجات عربية فيها مكان لواحد بس..طبعا الطبيعى انى كنت اركب الاول.. مش عشان انا ابن احمد نظيف ولا لانى saint. Isalm ولا حتى انا كنت واقف نص ساعة مش لاقى عربية.. بس ببساطة عشان انا كنت واقف الاول..
جه الاخ بسلامته و نط فى العربية قبل ما تقف عشان يركب هو.. كان فى مجال انى اقوله انه المفروض اركب انا بس سيبته من باب ان محدش بياخد رزق حد وان ببساطة مش دى العربية اللى مكتوبالى فى السما..

-حاجة تالتة انا كنت فكرت اكتب عنها موضوع مستقل لكن بصراحة لقيت انى هستتهف نفسى لو عملت كده لانها ببساطة مش تستاهل تاخد من وقتى حاجة.. وهى الموضوع السخيف اللى اسمه "عمرو ولا تامر".. مع احترامى للاشخاص واحتقارى للفنانين دول.. فان اعتقد ان ده موضوع اتفه من انه يعمل الحرب اللى فى البلد دى و حملات "لازم تشترى البوم عمرو" و " اشترى الالبوم اكتر من مرة عشان يوزع اكتر" و " عمرو باع 3 مليون نسخة"-قال يعنى فى فى مصر 3 مليون بيسمعوه- ويطلعوا بتوع تامر يقولوا لا ده تامر هو اللى باع ال 3 مليون.. وكانهم دخلوا الجنة يا خى.. لما بقابل مجانين من بتوع الحملات دى مش برضى حتى انى اتكلم معاهم ولا احاول افهم هما ليه بيعملوا كده فى حاجة مش مستاهلة اساسا...

يعنى اللى اقصده ان فى امراض فى المجتمع الكحيان ده(اصلى لسه ناقم على المجتمع) ملهاش علاج ومش هتتحل حتى لو قعدت عمرك كله تحاول تصلحها.. لانها داخلة فى طبيعة الناس نفسها وعلاجها فى شعوب زى بتاعتنا محتاج انك تعمل blood exchange transfusion مش تدى chemotherapy او radiotherapy.. لازم تستنى لما الاجيال المتخلفة تضمحل وتنتهى تماما عشان يبقى فى امل انك تشوف تغيير.. يعنى نتقابل كمان 50 سنة.. وحتى ذلك الحين...
ببساطة.. اسكت وخليك سلبى

ده منزلش مصر

"شفت التليفون ده؟؟ خالى جايبهولى من ليبيا.. اصله مش هينزل مصر.. ده حاجة نضيفة اوى"
"شفتى ال ipod الجديد بتاعى؟؟ بابى جايبهولى من انجلترا وهو راجع.. متلاقيش منه فى مصر"

الكلام ده اكيد كلنا بنسمعه من زمايلنا و الناس اللى نعرفها.. ويمكن نكون قلناه قبل كده..
من ضمن العادات المتخلفة اللى للاسف منتشرة فى مجتمعنا الاكثر تخلفا(انا عادة مش ناقم على المجتمع بس انا منفوخ اليومين دول) اننا لما نجيب حاجة جديدة عشان نثبت انها بنت ناس اوى ونضيفة نقول انها مفيش منها فى مصر او انها لسه ما نزلتش مصر.. او انها اصلا مش بتنزل مصر.. وبكده تبقى الحاجة ده نضيفة اوى وبتستحمى ببريل الاقوى من الدهون..

انا فاكر فى مرة كنت بتكلم مع الشاب اللى بحلق عنده(هو بصراحة انسان كويس وانا بحبه بس عيبه انه بيحب عمر دياب).. قالى: "الباشا هيعمل حفلة فى مصر وجايب معاه الالات بتاعته من بره عشان النوع اللى بيستعمله مش موجود فى مصر"..
اى نعم انا بحلق عنده من حوالى 5 سنين بس موقعى فى المحل مش يسمحلى انى اقوله احة..
ما ناقصش كمان غير عمر اللى جمهوره هيقرف من مصر...

انا بس عايز افهم السيكولوجى بتاعة الناس اللى مش بتفكر اصلا دى.. يعنى هو بسلامته اى حد يجى يتكلم عن مصر بالاستحقار ده.. بيثبت انه بجد على قدر عالى من الغباء.. ليه؟؟ انا اجيبلك التيتة..
مصر يا محترم كوطن مش بايده انه يبقى عالى او واطى وانما اللى بيعليه ويوطيه هو الناس.. يعنى البؤاء(جمع بؤ) اللى بتتكلم دى.. فلما يجوا يستعروا منه يبقى بيعترفوا انهم فى الاساس ناس واطية وصلت بيها درجة الحقارة والدنو انها بقت تقرف من نفسها اساسا..

يعنى انا فعلا نفسى افهم.. لما هى مصر وحشة كده(زى البقر دول ما بيقولوا) طيب ما يسيبوها؟؟ يشوفولهم حظيرة من الخليج يعيشوا فيها ولا اى خرابة تانية..
ثم ان لسانهم ابوا مترين اللى نازل تقطيع فى البلد ده.. طلع منين؟؟
مش من خير مصر برده؟؟
ولا ابوها جابهولها من انجلترا مع ال ipod؟؟!!!

مصر دلوقتى بتمر بمرحلة خطيرة فى تاريخها ومحتاجة اللى فعلا يحبها ويقدرها مش اللى يقرف منها ويتفاخر انه بيلبس من عند برادا وكونكريت وبياكل عند ماك وعميل دائم فى فيرجن ستورز...
لا.. مصر محتاجة اللى بجد يعرف قيمة سندوتش الفول اللى طالع من تحت ايد نور تلوث بعد الفجر.. ومحتاجة اللى ينزل يشترى القميص من محل "انا مصرى.. كلمنى بالعربى" بدل جوتشى واخواته..
يمكن يكون المنتج المصرى "احيانا" اقل من المستورد.. الا ان المسألة مسألة مبدأ.. يعنى الفكرة فى المبدأ مش المنتج.. وانا مقتنع تماما انى كمصرى لازم اقف جنب انتاج البلد دى واتفاخر بيه وهو اكيد مع الوقت اللى بايظ فيه هيتصلح وهيبقى احسن..
بس ده اساسا مش هيجى غير لما اتعلم انى ابطل اقرف من البلد دى واتعلم ازاى اقدرها واتعلم قد ايه هى كبيرة وقد ايه هى عظيمة وانها فعلا تستحق انى اتفاخر بالانتساب ليها.. حتى لو كانت فى اسوأ حالاتها

أوباما الدين الايوبى

من اكتر من شهر والصحف كانت بتتكلم عن الزيارة المرتقبة للرئيس الامريكى النشيط "أوباما" للقاهرة وتوجيه خطاب للعالم الاسلامى منها باعتبار ان التاريخ بيبدأ من عند مصر وهى الدولة الاهم والاقوى فى المنطقة العربية على مر التاريخ (وحتى اثناء فترة الاضمحلال اللى مصر بتعيشها فى عهد الاسرة الفرعونية الـ 31 واالى بقالها حوالى 28 سنة ولسه) تظل مصر هى الدولة الابرز فى العالمين العربى والاسلامى ومن هنا اختارها اوباما لتوجيه خطابه اللى كان متوقع انه هيكون فتح جديد بين العالمين الاسلامى والغربى او خلونا نقول وغير الاسلامى لان الاسلام بفضل الله تعالى بينتشر فى الغرب بصورة كويسة جدا والحمدلله..

الخطاب القاه اوباما من جامعة القاهرة يوم 4 يونيو حوالى الساعة 12:35 بعد الظهر فى غياب من الرئيس المصرى(بدعى ازدحام جدول الاعمال) وبحضور كل من الشيخ سيد طنطاوى(امام الازهر الشريف) و د. حسام كامل(رئيس جامعة القاهرة) وبعض رموز القوى شبه السياسية فى الدولة من جميع الاحزاب وبعض الفنانيين ونحو 150 طالب..

قبل واثناء الخطاب حصلت بعض الممارسات والتعليقات سواء على المستوى الحكومى او على المستوى الشعبى ودى التعليق عليها محتاج اكتر من مجرد مقال وحيد.. عشان كده انا بس هعبر عن رؤيتى الشخصية للخطاب اللى القاه اوباما..

اوباما تناول 7 موضوعات فى خطابه انا للاسف ملحقتهمش من الاول بس لحقت اللى يكفينى انى افهم الصورة هتكون عاملة ازاى فى الفترة الجاية اثناء ولاية اوباما ويمكن فى الفترة اللى بعده..

بصراحة فى 3 نقط وقفت عندهم فى الجزء اللى انا سمعته وعنهم هيكون النوت دى باذن الله والنقط دى هى..

-موقف امريكا من الاسلام وعلاقته بالارهاب

-موقف امريكا من حرب العراق

-موقف امريكا من القضية الاهم على الاطلاق وهى قضية فلسطين الحرة

خلونى قبل ما ابدأ اقول حاجة عن اوباما.. طبعا وضح جدا ان اوباما انسان ذكى جدا وشخص عنده كاريزما عالية اوى وخطيب بارع.. يمكن لو كان بيتكلم عربى كان قال شعر.. كمان اوباما كان بيلقى خطابه من غير اوراق او حاجه وده شىء احنا مش متعودين عليه من رؤسائنا الافاضل اللى بيفضلوا طول مدة حكمهم(ابد الآبدين يعنى) يخطبوا من ورق مع انهم دايما بيقولوا نفس الكلام..

كمان اوباما قدر يستفيد من نشأته داخل مجتمع اسلامى رغم ان امه يهودية.. وعرف كتير عن المسلمين واستفاد من ده بذكاء واضح فى خطابه واللى ظهر فى استخدامه لآيات من القرآن الكريم والحديث الشريف فى اكتر من موضع من خطابه..

طبعا كلنا لاحظنا فى خطاب اوباما ان الراجل جاى فاتح ايديه ع البحرى وبيقول يلا يا مسلمين حطوا اديكم فى ايدى عشان نحقق هدف السلام فى العالم..

للاسف اوباما قدر بذكائه يخدع ناس كتير جدا.. عرف ازاى يضحك علينا بالكلام الجميل فى الأمور المطاطة اللى مش ممكن نلمسها على ارض الواقع.. يعنى مثلا الراجل قال ان الاسلام دين سلام وان الارهاب مش منه فى شىء وقال انه هيدافع عن حقوق المرأة المسلمة فى الحجاب والتعليم والعمل والمسواة وكل الكلام اللى مفيش منه فايدة ده.. كان كلامه جميل فى الامور اللى مفيهاش تنفيذ فعلى.. لكن فى الكلام الجد بانت نواياه الداخلية وبان انه هو فعلا كان جاى عشان يقرطسنا ويلبسنا العمة وده بان فى النقط اللى هتكلم عنها دلوقت..

-بالنسبة لقضية الارهاب.. اوباما اكد ان الاسلام دين سلام مش دين ارهاب واكد كمان ان امريكا مش بتحارب الاسلام ومش هتدخل فى حرب معاه عشان هو دين سماوى عظيم وكل الاديان السماوية بتحث على السلام وحقن الدماء.. لكنه اكد على ان امريكا هتحارب الارهب بكل صورة وايا كان مكانه واكد على ان امريكا هتحارب الارهابيين المسلميين(وخص الارهابيين المسلمين بالذكر) وده طبعا حفاظا على الامن القومى الامريكى اللى الامريكان انتخبوه عشانه.. يعنى من الاخر قال ان الحرب على الاسلام هتفضل زى ما هى

-فى قضية العراق.. الراجل دافع عن حرب امريكا على العراق دفاع شرس وقوى بوش نفسه يتكسف يدافع بالصورة دى عن حرب العراق.. واكد ان الحرب كانت ضرورية عشان يحمى امريكا من خطر صدام النووى وفكره الارهابى رغم انه ثبت ان النوى الوحيد الموجود فى العراق هو نوى البلح.. اوباما اكد ان الوضع فى العراق حاليا احسن من قبل كده وان المنطقة صارت اكثر امنا بعد رحيل النظام المستبد.. واكد على ان القوات الامريكية "المقاتلة" هتغادر العراق بحلول عام 2011/2012 يعنى ان شاءالله فى فترة نهاية ولايته.. بالظبط زى ما بوش قال ان امريكا هتخرج فى 2008 عشان يرمى بالمسؤلية علىا لرئيس اللى بعده.. وهنا بيتضح ان موقف اوباما من العراق هو نفسه موقف بوش لانه مش هيحل ازمة ولا هيغير واقع..

-بالنسبة للقضية الاهم وهى قضية فلسطين.. انا شايف انه يكفى ان اوباما بدا كلامه عن فلسطين بجملة

AMERICA'S STRONG BONDS WITH ISRAEL ARE UNBREAKABLE

ودى وحدها كفاية عشان نعرف انه مش هيجى بجديد فى الازمة الفلسطينية وده اللى بان فى تفصيل النقطة دى.. لما اتكلم عن معاناة اليهود واضطهادهم فى السابق وان ارض فلسطين هى موطنهم الحقيقى بحسب نصوص التوراة-المحرفة طبعا- واكد على ان المسلمين عارفين ان اليهود مش خارجين وان مفيش حل غير ان تقوم دولتين متجاورتين يعيش فيهم الفلسطينيين واليهود بسلام.. واكد على ضرورة انهاء عمليات المقاومة الشريفة فى ارض فلسطين وان الفلسطينيين المتوحشين لازم يبطلوا العنف الزايد مع اليهود الطيبين ونوه بسرعه كده-وكأن حد بيجرى ورا-ان اسرائيل لازم تقلل من عمليات الاستيطان-كلام كده لزوم العمة اللى بيلبسهالنا-.. يعنى برده اكد على ان القضية الفلسطينية مش هتتحل وان الفلسطينيين لازم يبطلوا المقاومة ويسلموا سلاحهم ويتضربوا وهما ساكتين لان اساسا حل الدولتين غير عملى او قابل للتنفيذ ودى حقيقة الايام هتثبتها...

التلات نقط دول وضحوا جدا ان اوباما مش هيختلف عن بوش كتير وده انا كنت شخصيا متوقعه لان السياسة الامريكية زى ما هو معروف اللى بيحطها اليهود مش الرئيس والرؤساء اللى بيتغيروا دول ما هما الا الصورة اللى بتنفذ السياسة اللى متحددة من اليهود نفسهم.. وده طبيعى فى دولة رأسمالية زى امريكا.. طالما ان اليهود هما اللى بيملكوا الاقتصاد الامريكى يبقى من الطبيعى ان التحكم بالسياسة يكون فى اديهم هما..

الفرق بين اوباما وبوش ان بوش كان عدو صريح لينا.. من اول ما جه وهو بيقول انه هيحارب المسلمين(عن طريق حروب الارهاب اللى كانت كلها على دول اسلامية) فى حين ان بوش جه فى صورة صديق بيمد ايده عشان يتعاون معانا وهو بيجهز اسلحته عشان يضربنا فى ضهرنا..

اوباما اخطر من بوش بكتير لان العدو الذكى بيكون مرهق فى التغلب عليه واوباما ذكى بجد عشان كده اللدغات بتاعته هيكون سمها اقوى واذاها اكبر..

ويمكن يكون رد فعل اوباما على خطاب نتن ياهو الاخير هو اكبر دليل على كلامى السابق..

-فى الخطاب نتن ياهو قال ان اسرائيل مش هتوافق على خارطة الطريق(اللى اليهود اصلا هما اللى حاطنها) غير بشروط هى..

1)عدم رجوع القدس للفلسطينيين

2)الاعتراف باسرائيل دولة يهودية.. يعنى ترحيل عرب اسرائيل

3)حل مشكلة اللاجئين خارج حدود اسرائيل.. يعنى عدم رجوعهم اصلا

4)دولة فلسطينية منزوعة السلاح.. لا تعليق

-وكان موقف اوباما ان خطاب نتن ياهو خطوة مهمة على طريق حل الازمة فى المنطقة...

فاضل انى استشهد بقول اتنين من اصحابى فى الموضوع ده لما اتناقشنا فى الخطاب..

-شاب فلسطينى قال ان اوباما "ثبتنا" فى الكلام.. يعنى بعد خطابه اللى جه بصورة fake اوى ده بقى اى حاجة تيجى منه بعد كده هنتعامل معاها على انها كويسة مع انها هتكون فى غير صالحنا.. بس عشان خطابه كان خادع يبقى احنا هنعديله اى حاجة.. يعنى يقصد انه كانه نومنا مغناطيسيا وبقينا نشوف كل كلامه صح لانه اقنعنا اننا على نفس الطريق

-تانى واحد هو صديقى العزيز جدا د. محمد حسن واللى قال ان اليهود جربوا معانا سياسة الصدام المباشر فى عهد بوش ولقوا ان دماغنا انشف من دماغهم والدليل انهم خسروا فى كل المعارك اللى حاربوها ضدنا(العراق-افغانستان-لبنان-غزة) وعشان كده رجعوا لسياستهم الثعبانية القديمة وهى انهم يضحكوا علينا ويخلونا نرضى.. يعنى د. محمد بيقول ان العرب دماغهم ناشفة بس عبط واليهود هيستغلوا العبط بتاعنا زى ما كانوا بيعملوا قبل بوش لانه بينجح.. وبصراحة واضح من ردود الافعال العربية والشعبية ان السياسة هتنجح زى ما نجحت قبل كده

انا حبيت اكتب المقال ده رغم انى اتأخرت فيه لانى نفسى الناس تشوف الوضع على حقيقته ومش تنخدع بيه لان من الاخر اوباما مش صلاح الدين الايوبى زى ما الناس فاكرة وعمره ما هيعمل حاجة عشان المسلمين طول ما هو على رأس الولايات المتحدة.. ومفيش حد هيصلح احوالنا غيرنا احنا بدينا وعملنا "ان الله لا يغير ما بقوم حتى يغيروا ما بأنفسهم".. واكبر دليل على ان الحال مش هيتغير غير بايدينا ان اليهود ما طلعوش من مصر وجنوب لبنان وغزة غير بالدم.. مش بالسلام الزائف

خلونا نشيل سحر اوباما من عينينا ونبدأ بقى نشتغل بايدينا مش بايدين الناس عشان محدش هيهمه امرنا غيرنا احنا..

عندما يجتمع الحقراء على.. "محدود الدخل مظلوم الغلبان"

برنامج القاهرة اليوم اللى بيتذاع على قناة اليوم ضمن قنوات مجموعة اوربت بقى من اهم البرامج اللى بتشد انتباه المواطن المصرى والعربى فى الوقت الحالى.. وخصوصا بعد ما اثبت قوته على مدار حوالى 5 سنوات.. مع اسلوب مذيعه الاساسى "عمرو اديب" الظريف اللى يخليك لازم تسمعه..

بالنسبة ليا انا من اشد "اللى مش معجبين خالص" بعمرو اديب والبرنامج بتاعه.. عمؤو اعلامى شاطر.. للاسف شاطر جدا كمان وبيعرف كويس اوى ازاى يوصل للناس من مختلف الطبقات رغم ات البرنامج بتاعه بيوحى انه معمول لمخلوقات تانية غير اللى عايشين فى مصر..
عمرو كمان من الواضح ان عنده علاقات كويسة مع صانعى القرار فى الدولة وده بيبان يمكن فى انفراداته الاعلامية ونوعية لقاءاته.. وطريقة كلامه

المهم انى امبارح وانا قاعد بالليل بتفرج على التليفيزيون(14 بوصة وبوستين حاجة بالصلى على النبى تشوف فيها المذيع قطع) لقيت عمرو مستضيف اخوه وشريكه فى مجموعة اوربت الاعلامى-زى ما بيقولوا- "عماد اديب".. عماد برده من المتحدثين اللى بيعرفوا ازاى يقنعوك بكلامهم حتى لو كان هيقول ان "الشمس بتشرق من الغرب وابو الهول بيرقص فى شارع الهرم".. هتقتنع يعنى هتقتنع.
بصراحة فى كام نقطة شدتنى فى الحوار اللى سببلى نوع من ال (bubble-sac hypertrophy) ويا ريت ما تسألوش ايه ده..


-اول حاجة اتناولوا موضوع التوريث وقالوا ان جمال مبارك لاول مرة لم ينف تطلعه للحكم فى مصر لما اتسال عن التوريث فى البرنامج اللى استضافه على قناة BBC..
وهنا بقى عمرو حب يستخدم اسلوبه الناجح وضميره الرخيص عشان يفرض على الشعب واقع ان جمال هيكون الريس.. وقال بالنص.. "احنا خلاص ما بقيناش فى مرحلة توريث ومش توريث وليه جمال.. احنا بقينا فى مرحلة y not??.. الناس دلوقتى بدأت تقول ان اللى يعرفوه احسن من اللى مش يعرفوه وان جمال احسن من غيره".. طبعا دى كانت محاولة حقيرة من انسان اكثر حقارة ل"توجيه" الرأى العام الى انه يسلم بجمال كرأيس ومش يعترض على "توريثه" الحكم -ومش بقول انتخابه لا سمح الله.. عيب احنا فى مصر-..
وللاسف ان فى ناس كتير من الملايين اللى بتابعه وبترميله ودنها هينخدعوا بالكلام ده وممكن مع استمراره-اصل لسه فاضل سنة ونص على البتاعة اللى بيقولوا عليها انتخابات-ممكن يوصل الناس فعلا لمرحلة انها تقبل بموضوع التوريث وان ده حاجة عادية وحلوة وزى الفل..


-تانى حاجة عماد قال.. "الرئيس فى مصر-ربنا يطول فى عمره ويحكم بلد تانية-شايل كل اعباء الدولة على كاهله وكل المشاكل لازم تتحل بقراراته الحاسمه.. وانه -الله يعينه-فعلا فى مسؤليه مرهقة ومتعبة(فى ظل غياب الحياة السياسية وضعف الاحزاب بالاضافة لعف الجكومة نفسها)" وكمان قال ان احنا لما بنبص لأوباما-مش عارف مين دخله فى الموضوع-لازم نعرف اننا بنبص لمؤسسة كاملة متكونة من 5000 شخص شايلينه.. فى حين فى مصر.. الرئيس هو اللى شايل الدولة كلها-قدرات بقى-..
طبعا قبل ما اقول كلمة من تلات حروف اولها الف واخرها الف او تاء مربوطة-حسب المذهب- واوسطها حاااااااااااااء.. احب اقول ان الراجل للى اسمه عماد ده.. فى الطراوة
..اول حاجة مبارك فعلا كل المواضيع المصيرية بتتحل-صوريا فقط- بقرار شخصى منه زى مثلا ازمة حبس الصحفيين(اتحلت بدليل استمرار حبس البعض ومحاكمة البعض الاخر) وكادر المعلمين(اتحلت بدليل ان المعلمين بيتذلوا عشان ياخدوا الكادر والحمدلله لسه ما شموش ريحته) وكمان حرب غزة(ماهو اصل مبارك اللى خلى اسرائيل تطلع منها بعد 21 يوم... هع هع كدبة ابريل).. السبب فى كل ده ان مبارك نفسه هو اللى خلى نظام الحكم فى مصر بالشكل ده.. لازم كل حاجة تكون بقرار منه وكل حاجة تحصل يكون هو السبب فيها.. وهى دى الديموقراطية..

..تانى حاجة ضعف الحياة السياسية فى مصر مبارك نفسه(ان كان هو اللى بيحكم) او اللى حواليه(لو كان مدحوك عليه زى فيلم طباخ الريس ما بيقول)هو اللى قتل الحياة السياسية فى مصر ومش محتاجين كلام فى النقطة دى.. كفاية الناس تبص للى جرى فى حزب الوفد والغد واللى جرا لايمن نور وغيرهم..

..تالت حاجة اسمحولى اسال عماد هو مين المسؤل عن فشل الحكومة.. لا فشل الحكومات المتتالية؟؟ مش اللى جابهم برضه؟؟ بس بصراحة الريس مقصرش لما حس بفشل الحكومة قام غير "وزير الرى" و "وزيرة وزارة كدة مالهاش لازمة" باعتبار ان وزير الرى هو سبب تأخر النهضة وتدهور جميع الاوضاع فى مصر

.. رابع حاجة... أحـــ.......................................................................(على فكرة الكلمة دى مش عيب)

-طبعا انا بعد ما سمعت الكلام ده وجاتلى الحالة اللى ذكرتها فوق.. حسيت ان كدة فعلا كفاية وانى لازم اقوم من قدامهم بس عشان النقطة تكمل اكتشفت ان البرنامج كان خلص وانى والحمدلله اخدت الجرعة كاملة..

-للاسف ان فى ناس بالحقارة وانعدام الضمير بالشكل ده بيخاطبوا الشعب المصرى.. والأسوأ ان الناس بتتأثر بيهم وبتصدقهم.. ومع استمرار المذيعين اللى مدفوعولهم دول و استمرار استماعنا ليهم.. الشعب هيتحول فى يوم من الايام-ده بالنسبة للى لسه ما اتحولش- الى شخصية برنامج "اللى فات سات"الشهيرة.. محدود الدخل مظلوم الغلبان

a knight's tale

i've a story to tell,,

there was a knight who lived in the wood,, it was his home and he just spent all his days and nights wandering inside it,, his horse was his only fellow and his sword was all that he had,, he liked his life the way it was although it was full of troubles and dangers,, he had to fight the worst nightmares anyone would ever have to survive,,

one day,, when he was riding under the tall trees that covered the sun rays making the wood creepy,, he found by chance a glamorus diamond that looked much more beautiful than any other thing he'd seen throught his adventure-rich life,, he got off and held it,, kept looking at it charmed by its charm,,
the diamond was cursed,, a fiercely strong witch had cursed it,,she had casted a spell on it so that it would attract anyone who look at it,, the poor knight couldn't help but falling for the diamond and its charm,, he forgot his horse,, he gave up on his sword and forgot everything he was meant to be,, he just realised that he had that endless beauty and must not take his eyes off of it for a second,,
him holding his precious,, days passed and passed,, he missed lots of events and lost lots of that he never had,, he let go his horse,, left his sword for the air to rust,, he forgot the taste of risk of adventures,, the sense of freedom, time, pain.. and even hunger,, he was totally subdoed for the diamond,,

one day he opened his eyes in the early morning as he used to do to find that his precious diamond's gone,, for a while he could understand nothing,, not even a single idea could wander in his mind,,
the diamon was lost and vanished with no evidence of where it could be,, he went mad and went on a mad desperate search for it without a reaslut,,
he spent hard days and long nights crying for his loss and desperately seeking his diamond back,, but in vain,,

after he got set free from the curse,, he looked around to find that he'd lost his only fellow and his weapon as well,, it took him a while to understand everything he lost and missed,, but he finally knew how much bad his loss was,, he regretted ever getting off his horse,, and he realised that the knight has to stick to his horse and sword and that he should never fall for anything else,,

it is more than a story in fact,,
it's a knight's tale

random II

-love is the greatest sin ever.

-it's really hard when u have to live with someone who don't know how to deal with HUMANs.

-it's redicilous when u know u r on the wrong way and just fix ur feet to it more and more.

-however love may look bright,, be sure that u've signed a contract with "soul eaters" with the very first step into it.

-i've always wanned to live here,, in egypt,, but now i do want to move out,, coz i now reealise the fact i tried to forget,, i'll always be errant.

-i always say it's not me fault,, but i know inside that i'm the only reason for that shits i live.

-happiness is gonna be seen no more in my life,, i've chosen the most miserable way to walk on.

-never expect the others to satisfy u,, coz simply u never satisfy any.

-I need to besaved from myself.

-I'm so not-that-u-think-i-should-be,,i really do mean this.

-i've always wanned to be a knight,, everyone else have alwayes wanned me to be a doctor,, now i know wt i am gonna be.. an errant,, just errant

-love is a killer,, friends are liers,, ppl r losers and everything is this world seally do suck bad.

-I hate myself for causing me all this pain,, but i swear i'm very happy that i am... me

-one of my best quotes.. "life fucks everyone"

i just wanna be... me

the difference between life now and in the past few years is just like the difference between life in a big city and a small ville,, in the not-so-far past the world wasn't that opened and the means of communication were really poor,, this allowed limited expansion of the relationships of the different types,, but now it's totally different,, the internet has made it easy for everyone to reach new horizons,, see different cultures,, know new ppl,, make relationships with them and... lie to 'em

through the internet ppl meet without meeting,, know each other without even knowing each other,, form opinions with very few hints,, so it's easy to fool someone on the web by any fake pic u wanna them get about u,,
the worst thing ever is when we know asomeone and start to build bridges in the mind to put them on their tops as we see 'em as if they were heavenly creatures and get shocked by their reality oneday,,

ppl on the internet are of two main types,,
-the first one is those who just act like wt they really are,, without faking their reality,, and they are very rare to find,, but they exist,,

-the second one is those who just pretend like they were heavenly made and just came to this world from paradise itself,, such ppl are too many and most possible to come across if u r addict to the social utilities that are spread on the net like flies,,
i think such a type exists for the reason that humans always tend to be perfect and when they can't,, they pretend to be so,,

now why should i talk about this??
well,, i've my own experience and there are cases when i knew ppl on the internet and they've proven to be very not-that-i-thought-they-are,, i was fooled by the perfect film they enclosed their personalities with and i really hated 'em much when i got to know how they are in real,,
i don't claim that all the internet users are losers(by the two meanings if u plz),, no,, i've met ppl who are really nice and um sure that when i get the chance to know 'em in real my opinion will stay the same,, but i'm just sayin' that we shouldn't get our eyes faked by the bright lights put on our way,,

as for me,, i can't evaluate meself,, but i do believe that i'm tryin' my best to be just me,, for instance,, i consider my page on FB like a mirror to my life,, i act here like the way i do in real(as far as i can see),, and that's why i don't mind swearing or taking a nude painting as a profile pictue,, here i just watch my language by the same way i do in real,,
we all have our great sins,, but i believe that i shouldn't do what i can't reveal,, and i reveal my dark side as i reveal my bright one(if i have any),,
i think it's better when those who deal with me on the internet know exactly wt i am and wt i can do,, it's better for them and me to know me reality from the very first beginings then being fooled for so long,,
so to all who dislike my language,, ideas,, or any other thing i do here on FB,, be sure that i just wanna be me,, and that's exactly wt iam,,

a final word,, mariah said once in a song.. "take me as iam"