ريفيو عن فيلم JOKER 2019

SPOILER ALERT

عشان الناس اللي بتتقمص

مبدئيا وقبل اي شيء احب اوضح اني من اشد معجبين HEATH LEDGER واني مش big fan لأ انا ENORMOUSLY GIANT fan وهو بالنسبالي أفضل ممثل في التاريخ وعندي قايمة أفلامه الكاملة من أول two hands اللي محدش يعرفه لأنه فيلم استرالي لحد the imaginarium of doctor pernasus اللي مات قبل ما يكمله وجابوا اكتر من ممثل يكملوا المشاهد بتاعته كتكريم ليه.. وكمان أفضل فيلم بالنسبالي على الإطلاق هو a knight’s tale اللي هو  guess what??  بطولته برده.. وبالتالي فأي مقارنة بينه وبين أي حد حتى لو معايا انا شخصيا فأنا هتحيز وهنحاز لصفه تماما

عشان كدا أنا ممتن جدا لصناع فيلم Joker انهم ريحونا من المعضلة دي وقدموا نسخة من الجوكر مختلفة عن نسخة the dark knight فلهم جزيل الشكر..  ودا بالمناسبة يعني ان المقال دا مش هيحتوي مقارنة بين الفيلمين.. فقط نقطة او اتنين مش أكتر.

---------------------------

في حاجة مهمة كانت بتؤرقني انا شخصيا.. وهي اسم بطل الفيلم.. اول مرة شفته كان في Gladiator وكان عامل دور ممتاز يخليك تكره عيلته كلها وبالتالي مهتميتش ادور على اسمه وكنت متصالح مع نفسي وانا بقول عليه "خواكين فينيكس" على اعتبار انه من اصول اسبانية ودي برده حقيقة انا منحتهاله من عندي مدورتش عليها ولا حاجة

لحد ما شفت فيلم الجوكر وبصراحة حسيت انه يستحق ان اسمه يكون well-known بقى وروحت شوفت الاجانب بينطقوه ازاي ولقيته؟؟ لأ.. مش خواكين.. ومش جاكوين.. بينطقوه "واكين" /wak-een/ .. ودي نقطة مهمة قبل ما ندخل في الفيلم

---------------------------

الفيلم اسمه "Joker" بطولة واكين فينيكس وكتابة واخراج تود فيليبس.. مدته حوالي ساعتين تقريبا.. وبديهي انه بيتناول قصة الشخصية اللي بيحمل اسمها.

شخصية الجوكر اتقدمت في السينما لحد دلوقت 5 مرات.. اول مرة كان بطولة سيزر روميرو سنة 1986 تاني مرة كان العظيم جاك نيكيلسون سنة 1989 وتالت مرة كان الدور الاستثنائي اللي قام بيه هيث ليدجر 2008 وبعدين حاجة كدا ملهاش معنى قدمها جاريد ليتو سنة 2016 واخيرا الدور الحالي في 2019.

اللافت ان الخمس شخصيات اتقدموا في 4 مرات بنفس الطريقة من حيث سمات الشخصية.. والمرة الوحيدة اللي اختلفت شوية كانت guess who??  صح.. هيث ليدجر

-         الفيلم بيتناول قصة الجوكر الانسانية وال background بتاعته كشخص قبل ما يتحول ل villain والظروف اللي اطلقت الجنون الكامن جواه ودي حاجة كانت جميلة لأنها أول مرة تنطرح.. في كل مرة كان الجوكر بيتقدم على انه عدو ل باتمان وبس من غير ما نعرف جه منين.. الفيلم هنا قدم القصة دي

-    واكين فينيكس أبدع وأجاد جدا جدا في الدور وقدم شخصية ال PSYCHOTIC PATIENT بامتياز الحقيقة وعمل كل اللي مفروض يتعمل في الدور دا ومش شايف انه قصر في شيء ودا امتياز يحسب لامكانياته كممثل وذكاء يحسب للكاتب والمخرج (اللي هما نفس الشخص) اللي بعد بيه عن منطقة جوكر هيث ليدجر لأن المنافسة هنا قطعا مستحيلة مش بس صعبة والفشل الذريع اللي واجه جاريد ليتو علمهم درس ان صعب تحاول تخبط في جوكر 2008.. وبالتالي هو بعد عن الجوكر ال PSYCHOPATH  وقدم الجوكر ال PSYCHOTIC.

الجوكر اللي هيث قدمه كان جوكر الجريمة والعنف والشخصية العبقرية بجنون في الإجرام واحداث الفوضى.. ودا PSYCHOPATH.. أما الجوكر اللي بيقدمه واكين هنا فهو قصة الإنسان آرثر اللي كان عنده اضطراب نفسي بسبب التنشئة الغير سوية واللي حولته لشخص مجنون بدون التطرق لجرايم منظمة ودا PSYCHOTIC.. حتى القتل اللي اتعمل في الفيلم كان قتل انتقامي جنوني مش قتل اجرامي مخطط ومبتدع زي جوكر 2008.

-    دا برده بياخدنا لنقطة مهمة وهي ان الفيلم مش بيقدم جرعة اكشن وادرينالين عالية.. هو فيلم هادي نسبيا لأنه بيحكي قصة حياة الشخصية.. مش فيلم اثارة زي عادة شخصية الجوكر ما بتتقدم.. لكن مع ذلك ف الفيلم مش ممل اطلاقا ومحسيتش بالزهق وانا بتفرج.

-    مشاهد القتل في الفيلم معمولة بجودة وحرفية عالية جدا وفيها دموية شديدة وهي مش مشاهد كتير لكن معمولة كويس بصراحة وهيكون في مشكلة للناس اللي بتخاف من القتل والدم.

-    الكاتب هنا طرح شخصية الجوكر أقرب للشخصية اللي قدمها جاك نيكيلسون في batman begins .. تقريبا نفس سمات الشخصية.. نفس الأسلوب في الرقص وحركات الجسم و الضحكة (هيث كان بيضحك بشكل مختلف على فكرة ودا مش تحيز الأفلام موجودة).. دا مش مأخذ على الفيلم ولا واكين هو بيقدم الصورة النمطية عن الجوكر ودا كان طبيعي وعمله بشكل ممتاز جدا والجميل فيه انه كان أداء فيه لمحة اكتئاب مسيطرة على كل حركاته بعكس ال euphoria   اللي كانت موجودة في أداء جاك نيكيلسون وطبعا الاختلاف دا لأن واكين هنا بيعرض جوانب وخلفية الشخصية وقت تكوينها اما جاك فكان بيعرض الشخصية بعد ما اتكونت ووصلت لذروتها.

-    موسيقى Hildur Guonadottir كانت من أبرز عناصر الفيلم.. حقيقي كانت مميزة ومناسبة جدا سواء من حيث ال tone أو استخدام آلات النفخ ك theme music واللي كانت مناسبة جدا لمشاعر الحزن والكتئاب الموجودة في الشخصية.. انا استمتعت بيها جدا

-    ظهور روبيرت دينيرو في الفيلم كان لطيف بصراحة وعمل دوره كالعادة بامتياز رغم اني مش من الفانز بتوعه بس لعب الدور بحرفية شديدة وحسيت اني بتفرج على دونالد ترامب المهرج التليفزيوني مش الرئيس الأمريكي الفشيخ.

اما عن المآخذ على الفيلم فمن وجهة نظري تتلخص في الآتي:

-    الكتابة كانت محتاجة تدي عمق للأحداث وابعاد الشخصية أكتر من كدا.. في فترات كنت بحس المشهد محتاج كام دقيقة زيادة عشان تعيش الحالة بتاعته زي مثلا مشهد المهرجين في القطر و مشهد الفوضى في جوثام في النهاية كان يستحق اكتر من كدا .. الكتابة كانت محتاجة تنقيح شوية والفيلم كان محتاج يمكن نص ساعة كمان

-    اما المأخذ الأهم في وجهة نظري واللي هو خطأ برده في الكتابة.. فكان الربط اللي حاول يعمله الكاتب مع شخصية الجوكر في فيلم the dark knight.. مشهد قتل توماس وين و زوجته في آخر الفيلم في احداث الشغب بتاعت جوثام..

على كلام الفيلم دا الاحداث دي حصلت والجوكر كان شخص ناضج كبير في حين بروس وين اللي هو هيبقى باتمان كان لسة طفل.. فلو افترضنا ان الجوكر هيفضل في اركام 20 سنة مثلا على ما بروس يكبر.. هيخرج وهو too old to perform يعني.. لو كان عايز يعمل الربطة دي يبقى كان مفروض يجيب ممثل للجوكر صغير في السن.. ودا صعب طبعا.. فانا شايف ان الربطة كانت غير موفقة بالمرة من وجهة نظري حتى مع اعتبار الرمزية اللي فيها بان ابو باتمان مات بسبب الفوضى اللي خلقها الجوكر.. لأ.. مظبطتش

-----------------------------

دي كدا كانت ابرز الحاجات اللي حبيت اقولها عن الفيلم..

اجمالا هو فيلم كويس والبطل بتاعه ابدع جدا في الدور وفيلم مش ممل طبعا.. لكن.. ودا بالنسبالي انا يعني..

انا بشوف the dark knight حوالي 10 مرات في السنة من وقت ما اتعمل لحد دلوقت.. الفيلم دا اعتقد ممكن اشوفه مرة او مرتين كمان بس مش اكتر من كدا.. مش لأنه وحش هو قطعا مش وحش.. بس هو بيقدم جوكر مختلف عن الجوكر اللي انا مرتبط بيه.. او ربما ودا الأدق ان هيث ليدجر كان بيقدم جوكر مختلف عن الجوكر اللي اتكتب في كل الافلام التانية

just like today

 a whole year.. since..
the beginning of the ends
the beginning of all beginnings 
the ages of wreck and ruins
the era of no longer the same
the start of the long nights
crying the heart out
the bleeding eyes
sleep deprivation
being insecure
living misery
walking dead....

الحياة مش بلاتوه

من سنة كدا تقريبا كنت مع قريب ليا صادفته بعض الظروف النفسية السيئة المصاحبة للامتحانات في الثانوية العامة ومدخلش بعض الامتحانات في سنتها.. ولأننا عائلة طبية بحتة فاستقر الرأي اني اخده لطبيب نفسي كفء عشان يحصل على الدعم اللي محتاده بشكل سليم.. وفعلا روحت معاه في أول زيارة

انا فاكر كويس يومها الجزء دا من الحوار:

-         الدكتور: انت ايه مشكلتك؟

-         الولد: مدخلتش الامتحانات وضيعت سنة من عمري.

-         الدكتور: وايه السنة في عمرك؟ سنة واحدة من عمر كامل.. فين الخسارة؟

--------------------------------------------------------------------------

في الوقت دا انا كنت بمر ب transform  كبير في حياتي بخصوص موضوع الدايت اللي بعد كدا اكتشفت ان الرحلة دي غيرت ال mindset بتاعتي بشكل جذري وخلتني انظر للحياة والأمور والمواقف المختلفة بشكل مختلف

وبعد الأحداث دي بفترة بسيطة جدا مريت بفترة من اصعب فترات حياتي وأحداث هتفضل معلمة فيا لحد آخر يوم في حياتي وأعتقد أثرها هيفضل معايا مطبوع على عظامي في القبر من شدتها..

بره دي كانت من الحاجات اللي خلتني بالmentality  الحالية وال mindset اللي انا عايش بيهم دلوقت..

--------------------------------------------------------------------------

انهارده جالي خبر مش لطيف وبالنسبة للبعض يعتبر كارثة وازمة كبيرة.. وطبعا انا upset to death بس مع ذلك انا قررت اني هبص للموضوع في اطاره واديله حجمه فقط

لقيت ان الموضوع دا يتحط في قايمة الجوانب السلبية لحياتي في الفترة دي.. او الاحداث السيئة يعني.. وهو وان كان جاي في وقت معنديش فيه مكان لحزن او اكتئاب أكتر من الموجودين.. الا انه الحمدلله على كل حال يعني

لما فكرت قلت ان دا حدث واحد سيء.. مش حدث هين طبعا لكنه حدث سيء.. وفي اللي ممكن يتعمل بخصوصه.. يبقى اذا حجم الخسارة منه مش عظيم أو كارثي ومش نهاية الكون ولا آخر الحياة.. it’s just another chapter in life

من أهم الحاجات اللي استفدتها من ال transform اللي ربنا أكرمني وانجزته في شكلي وجسمي اني ادركت وشوفت ازاي الحياة دي ups & downs وان الواحد مش بيتنقل من نقطة لنقطة في خط مستقيم.. بالعكس.. لازم بيمشي ويقع ويقف ويقع تاني ويقف تاني.. الفكرة بس انه يكون حريص ان  اخر فصل في الرواية يكون وقوف مش وقوع

في الدايت كانت بتيجي أيام بلتزم جدا وايام بخربها بغباء وارجع بعدها التزم وهوب يالا بافالو وبعدين التزم.. الكوكتيل دا نتج عنه اني اتحولت من chubby and saggy  لشخص تاني fit and muscular

فكذلك الحياة.. بتقع وتقوم لحد ما توصل واي وقعة مهما كانت فهي أضعف من انها تكسرك حتما.. واي وقعة مهما كانت في طريقة للوقوف بعدها..

المطلوب بس يكون عندك ال mindset وال mentality المطلوبين.. وقبل كل شيء.. توفيق ربنا طبعا

لو كسلان تخس

الناس بتسمع كلمة دايت او تخسيس اول حاجة بتيجس فيي بالها انها لازم تقوم من مكانها وتسيب ال comfort zone و تنزل كل يوم تمشي ساعة/نص ساعة/ساعتين.. حسب الرواية وانه لازم يكون مشي سريع مش مشي عادي ومحدش يعرف ايه الفكرة في انه يكون سريع

اللطيف بقى انك مش محتاج تمشي عشان تخس.. آه والله.. في الواقع مش محتاج الرياضة أصلا عشان تخس

خسارة الدهون محتاج نظام غذائي متوازن محسوب السعرات بفرق سعرات سلبي

الرياضة عليها ٢٠-٣٠% فقط من عملية خسارة الوزن.. والرياضة هنا مقصود بيها تمارين المقاومة باوزان

الفايدة الكبرى للرياضة هي انها بتعمل reshape او بتحسن شكل الجسم بعد عملية خسارة الوزن

باختصار.. الدايت حاجة بتعملها وانت قاعد مكانك

#reshape #stayfit #fitlife

خسارة الدهون والتغذية الصحية

الدايت وخسارة الوزن مش مرتبطين بالأكل الصحي لكن مرتبطين بالسعرات

انت ممكن تخس وانت بتاكل اكل شارع طالما حاسب سعراتك وعامل فرق سعرات.. لكن في حاجتين:

اول حاجة ان دا مستحيل لأن الاكل السريع عبارة عن دقيق و دهون بكميات كبيرة.. وبالتالي اقل كمية منه فيها سعرات كتير.. فلو انت عايز تاكل نفس الاكل الغير صحي وتخس هتلاقي انك عشان تعمل كدا محتاج تاخد كميات اكل صغيرة جدا غير مشبعة وبالتالي هتفشل

السبب التاني هو ان الاكل الصحي فعلا مش مرتبط بنزول الوزن لكنه مرتبط بالصحة عموما.. الدايت السليم انك تخسر دهون و تزود كتلة عضلية وترفع كفاءة جسمك في اداء وظايفه.. الباتيه و الشيبسي مش هيقدمولك دا... عشان كدا الاكل الصحي مهم وقت الدايت.. وفي كل وقت في الواقع

الصورة اللي تحت فيها قسمين.. قسم فواكه بقيمة ٥٠٠ كالوري.. وقسم حلويات بقيمة ٥٠٠ كالوري.. بالنسبة لخسارة الوزن دا زي دا طالما من سعراتك.. بالنسبة للصحة؛مع الحلويات انت بتدخل سكر بسيط سريع بكل مشاكله + باقي الألوان الصناعية وللمواد الحافظة.. في حين انك مع الفاكهة بتدخل سكريات اكثر تعقيدا وبالتالي افضل للجسم وبتدخل الياف وفيتامينات ومعادن وعناصر كتير بيحتاجها الجسم

#الدايت_فهم_مش_حفظ

#stayfit #fitlife #inshape

going back

cannot not keep going back...

tearing him apart

night after night

in the shadow of the dark

a touching moment - dear teacher

last night in the gym, while doing the lat. dumbbell raise, it's quite a nasty exercise for almost everyone

i was trying a new higher weight than usual which made it even worse

so, as it happens, one of the guys at the gym came to help.. this happens all the time

the thing is.. this time the guy was not just a guy, he was a man.. and a very honorable one if i may

he was my English teacher in secondary school who goes to the same gym.. this might be something ordinary and happens like all the time, we all help each other do the hard lifts.. but this one touched me..

he was my teacher and a very pioneer one back then, he taught me, helped me upgrade my knowledge and language.. this was like 15 years ago or more

and now he is there again, right on time to help me upgrade and become a better version of whatever I'm up to..

i am much more than happy and proud to be one of your students dear Mr. Waleed Assad which i will be thankful for till the very last day of my life

دايت الكنافة

البوست دا كنت حطيته على جروب سفاح الفات في نص رمضان كدا عشان نوضح للناس ازاي ممكن تاكل من حلويات رمضان من غير ما تخرب الدنيا والحمدلله البوست كان موفق لدرجة انه حصلت بسببه مفاجأة سعيدة ليا انا شخصيا هحطها في الآخر

------------------------

صباح الخير

طبعا الهدف من الجروب بشكل أساسي هو اننا نتبادل الخبرات في مجال التغذية الصحية و ال healthy lifestyle عموما ونغير شوية مع بعض المفاهيم اللي قد تكون خاطئة واحنا متبنيينها

امبارح انا عملت بوست عن ازاي تاكل حلويات في رمضان من غير ما تخرب الدنيا و البوست واجه معارضة من أعضاء كتير قبل حذفه وان كنت أظن ان دا مش سبب الحذف

احب أوضح شوية حاجات بخصوص الموضوع دا هبدأ بوصف لليوم بتاعي امبارح وازاي دخلت فيه الكنافة و هقفل بكام ملحوظة كدا

مبدئيا انا امبارح قررت اني عايز اكل كنافة.. والقرار دا كان من قبل الفطار مش عشوائي وبناءا عليه حطيت البلان بتاعت اليوم وشكلته بالطريقة اللي تخلي الكنافة في صفي مش ضدي

لما اخدت القرار دا قولت خلاص كدا الفطار والسحور مش هيكون فيهم كارب باستثناء السلطة.. لا رز ولا عيش ونقلل كمية الفول شوية في السحور

وكمان هنأجل اكلها يكون قبل التمرين

وكمان امبارح كانت تمرينة رجل ودي تمرينة عنيفة مش زي تمرينة الدراع مثلا

الفطار كان سمك مشوي و سلطة فقط بإجمالي ٤٥٠ كالوري

السحور كان بيض وقريش و فول بإجمالي ٦٠٠ كالوري 

وفقرة الكنافة.. ٢٠٠جم ع الميزان كانت مع كوباية كافيين قبل الجيم بحوالي ٧٥٠ كالوري

كدا انا قفلت اليوم ب 1800 كالوري مع التمرين وانا ال maintenance بتاعي اصلا ٢٤٠٠+ يعني في ٦٠٠ deficit + حوالي ٣٠٠ تقريبا َن التمرين يعني حضرتك انا اكلت كنافة و عملت ما يقرب من ١٠٠٠ كالوري ديفيسيت

-----------------------------------------------------------------

ملحوظة ١: لازم تاكل عشان تخس.. دي فلسفة الجروب و نظام حياة

ملحوظة ٢: انا حاليا مش عامل دايت لخسارة الوزن انا ماشي maintenance و بدور الماكروز و الكالوريز. 

ملحوظة ٣: انا بدأت مشوار الدايت من اكتر من سنة وحاليا عندي شيء من خبرة بسيطة في اني اكل ايه وامتى.. إلى حد ما يعني

ملحوظة ٤: دا مش هيكون كل يوم.. مرة او اتنين في الأسبوع في ايام التمارين القوية زي الرجل او يوم تمرينة الضهر والبنج او ومناسب للناس اللي بتلعب PPL

ملحوظة ٥: السكر مضر لكن انت حتى اثناء الدايت ليك كمية سكر لازم تاخدها من مصادر صحية طبعا لكن الفكرة انك مش بتقطعه

ملحوظة ٦: السكر و الدقيق و الدهون الغير صحية مضرين طبعا.. لكن لما تاكل مرة من نفسك مش هتموت

وأخيرا.. الفكرة في الدايت انه نظام حياة مش وجبة وانت بتصلح بيه نظام حياة غلط
انت كنت كل يوم بتاكل غلط عشان كدا كنت تخين وصحتك بايظة.. دلوقت بتاكل كل يوم بشكل صحي عشان كدا صحتك ووزنك أفضل

القاعدة بقى ان مفيش وجبة واحدة صحية هتصلح العك ولا وجبة واحدة مضرة هتبوظ الدايت.

لو انت مش عاجبك الكلام او انت من هواة جلد النفس شوف الصورة اللي فوق دي كويس

لو انت نظام اكلك زي الصورة في النص ومتخيل انك كدا صح.. راجع نفسك

 دا كان تعليق أ. إسلام إدريس شخصيا (سفاح الفات) على البوست بتاعي
حقيقي فرحت بيه جدا

reasons for love

a little tip for life:

love is not a gift

it's something you have to earn rather than something you just get

even the love of own bloods, it's something you have to work for

so, don't take your supposedly beloved-ones for granted, they won't just love you because they have to, no no no.. it doesn't work this way.. never work this way 

love needs reasons.. so, make sure you give reasons

a picture worth a thousand words

wish i knew how to draw

wish i knew how to play with brushes

wish i were good with papers and colors

it would've helped me tell better

would've helped me describe the way i am

what i have become

i would draw a man of shadow

with a hat and missing pieces of his figure

all over

showing his decaying soul

as he barely moves forward

like he were pushing his feet

one by one

to make take small steps

i would draw another shadow

of someone sitting in silence

by the shore at the sunset

staring in the nowhere

with those overwhelmed heart and mind

just wish i could speak in pictures

and say without words

talk it all out with just a few lines

it would've been great

it would've been sweet

عفريت العجلة

تحذير: هذا البوست يحتوي على hate speech وغير مناسب لمحبي مدينة دمنهور مع التأكيد على عدم الانتقاص من الاشخاص.

----------------------------

مصر فيها مدينة عايزة الحرق اسمها دمنهور.. كل ذكرياتي معاها عايزة الحرق

من يومين كدا كنت هناك للأسف الشديد يعني.. وانا راجع حصل موقف يتماشى مع ذكريات البلد عندي انا هحكيه بس مش عشان الموقف لكن عشان جزء من تفاصيله يستحق الوقوف أمامه.. هعرضه على صورة حوار

كنت راجع بالليل واكلت حفرة محترمة كدا فيما يبدو انها تنت الجنط بتاع فردة كاوتش والعجلة طبعا قعدت تسرب الهوا لحد ما فضت خالص وما أخدتش بالي لأنها عجلة خلفية مش أمامية في عربية جر أمامي.. المهم يعني

الكلام دا حصل تقريبا اول ما طلعت من دمنهور وفضلت طول الطريق ماشي بالعجلة فاضية والحياة جميلة وزي الفل

وبعدين لما قربت على رشيد واحد راكب موتوسيكل قاللي: "يا اوستاذ العجلة نايمة".. فطبعا انا ادركت انها نايمة من وقت الخبطة وقلت طيب انا داخل على منطقة فيها حوالي 4568 واحد بتوع كاوتش.. هبقى أقف عند اي حد يزبطها

عديت على أول اتنين لقيتهم قافلين قلت خلاص شكل الناس نامت لما اركن على جنب وأغير الكاوتش

ركنت في مكان ما أخدتش بالي انه ضلمة خالص.. ضلمة من غير اي نور حتى وللأسف الأرض بتاعته مش مزبوطة فيها حتت عالية وواطية..رفعت العربية على الكوريك وخلعت الفردة النايمة وجيت اركب الاستبن (مش مرسي ربنا ياخده..فردة الكاوتش الاستبن) لقيت ان الأرض عالية والكاوتش مش هيعدى.. ايموشن أحيه

طبعا جربت كل الطرق السلمية والعنيفة ومفيش فايدة وانا عارف انه مفيش فايدة.. المشكلة دلوقت ان العربية على 3 فرد يعني مش هينفع أنزلها وأزقها لمنطقة تانية.. طيب هتعمل ايه يا قرمط.. هتعمل ايه يا قرمط

فجأة.. سمعت صوت بيقول: "عايز مساعدة؟"

غالبا أول مرة ال عقلى طنش الصوت عشان أكتر حاجتين بخاف منهم هما الضلمة والعفاريت وانا واقف في حتة مفيهاش أي نور من اي نوع غير نور الانتظار بتاع عربيتي ولو في عربية معدية ولا حاجة.. وحتى ما ادركتش دا غير وقت ما سمعت الصوت

الصوت اتكرر تاني: "عايز مساعدة؟"

طبعا هنا بقى ما كانش ينفع اطنش.. بصيت حواليا اشوف الصوت جاي منين فوجئت بأني واقف لوحدي في الضلمة

- يا أستاذ

دمي نشف طبعا وأخدت بالي لأول مرة انه صوت أنثوي لشابة تحت العشرين غالبا

فضلت ابص حواليا

- أنا هنا أهو

بصيت واخدت بالي اني تقريبا راكن جنب سور من بوص وشجر بتاع بيت فيما يبدو والصوت جاي منه.. طبعا قلت بسم الله الرحمن الرحيم وانا منتظر القرون والديل والحاجات دي

أخيرا الحمدلله شوفت الصوت جاي منين وطلعت فيما يبدو بشر مش عفريت.. بنت تيجي 16 سنة كدا

- محتاج مساعدة؟

- لا شكرا الله يخليكي

- أناديلك بابا ولا اخويا ولا عمي؟

- لا الله يخليكي متشكر

- طيب براحتك

رجعت أشوف ههبب ايه في العربية وبعدين سمعتها بتقول:

- هو انا ممكن أكسر الإزاز دا؟

- نعم؟

- ممكن أكسر الإزاز بتاع العربية؟

فطبعا انا برده مش فاهم ولسة مش متأكد انها بني آدم ولا عفريت.. وكدا بقت الاحتمالات اتغيرت شوية وبقت انها تكون عفريت أو بني آدم أهبل

المهم.. بصيتلها وانا مش فاهم في ايه

- خير؟ ليه؟

- أصل عليه حاجة وحشة أوي!

بصيت على الازاز مش شايف حاجة في الضلمة.. بصيتلها وانا مش شايفها أصلا كويس.. وبعدين افتكرت اني معلق عندي ميدالية فيها راس الشيطان

طبعا دمي نشف ان دي الحاجة اللي شافتها ومضايقاها وقلت يا سوادك يا قرمط

- أصل في على الإزاز حاجة وحشة أوي.. الشعار

- نعم؟

- الشعار دا وحش أوي

أخدت بالي انها قصدها على شعار الزمالك اللي لازقه على الإزاز بتاع العربية

هنا بقى اتأكدت انها بني آدم لأن مفيش عفريت أهبل

- يا ستي هو انا في ايه وانتي في ايه.. ادخلي.. ادخلي جوا بيتكم

وبعد جرعة الأدرينالين المهولة دي نزلت العربية من على الكريك وتقريبا شيلتها مكان العجلة الرابعة ورجعتها ورا شوية ورفعتها

جيت أركب الكاوتش.. لقيت لسة الأرض عالية (فاصل من السباب)

بعدين كررت موضوع اني أحركها.. ولك ان تتخيل اني برفعها وبزقها وبوقفها كل دا لوحدي.. انا والادرينالين

وبعدين الحمدلله وصلت لمنطقة مناسبة.. رفعت العربية تاني.. غيرت الكاوتش اللي أخيرا ركب بعد ما كنت اتأخرت ساعة على ميعادي..

طبعا فضلت طول الوقت بحاول أجمع شكل سواق الموتوسيكل في دماغي عشان لو قابلته اقتله.. مانا جاي من دمنهور وأم الكاوتش نايم حبكت يعني تقولي أصحيه!

نزلت العربية من على الكوريك.. هوب.. العجلة فرشت على الأرض.. طبعا أنا مش فاهم.. مستحيل يكون الاستبن فاضي مش بتحصل.. ومش هيكون فاضي خالص غير لو مخروم.. بصيت على العجلة اللي انا خلعتها وبعدين أخدت بالي

انا ركبت فردة الكاوتش النايمة تاني

End Of Text/embolism