بحبك يعنى

بحبك يعنى عايز اعيش معاكى انتى بس مش حد تانى

 وبحبك يعنى تبقى انتى مراتى و ملكة بيتى وحياتى كلها

 وبحبك يعنى تبقى انتى ام اولادى

 وبحبك يعنى تبقى انتى اخر حد اشوفه قبل ما انام واول حد اصحى اشوفه

 وبحبك يعنى ايدك مش تفارق ايدى طول العمر ان شاءالله ومهما واجهتنا ظروف صعبة نفضل مكملين سوا

 وبحبك يعنى محتاجلك طول الوقت وبتوحشينى فى كل لحظة حتى وانتى معايا

 وبحبك يعنى مش اعرف اشوف من الدنيا غيرك حتى لو حواليا الدنيا كلها

 وبحبك يعنى محدش ابدا ممكن ياخد مكانك فى قلبى او حتى يقرب من بعيد

 وبحبك يعنى انتى.. وانتى بس اللى بستناها واللى برتاح اول ما اشوفها

 وبحبك يعنى مش ممكن ابدا اكون مرتاح فى اى وضع احنا فيه مش جنب بعض..

 وبحبك يعنى عشان خاطر نبقى سوا باقى حياتنا استحمل اى حاجة تقربنا من بعض مهما كانت صعبة

 وبحبك يعنى والله والله والله ما بقيت متخيل حياتى غير وانتى فيها.. وما بقيت بفكر فى اى حاجة غير حياتنا سوا...

 وبحبك يعنى بدعى ربنا ليل ونهار انه زى ما علق قلوبنا ببعضها انه ما يفرقناش ابدا ويجمعنا سوا ان شاءالله على سنته

 وبحبك يعنى مهما حصل منك مش ممكن ازعل وهفضل كل مرة اطلع مبرر عشان انا عارف انك بتحبينى

 وبحبك يعنى لو فى يوم حسيت انى قلت كلمة ضايقتك هفضل طول عمرى اعاتب نفسى عليها

وبحبك يعنى مهما كتبت ومهما قلت مش هقدر أوصلك يعنى ايه بحبك زى ما انا حاسس بيها...

دكتور.. اتبرعت بدمك انهارده؟

"مثل المؤمنين في توادهم وتراحمهم وتعاطفهم مثل الجسد الواحد إذا اشتكي منه عضو تداعي له سائر الجسد بالسهر والحمى".. حديث شريف

كلامى فى التدوينة دى يمكن موجه للناس كلها لكن هخص بشكل خاص زملائى فى المجتمع الطبى..

بالتأكيد كلنا سواء كنا دكاترة أو طلبة روحنا مستشفيات وشفنا قد ايه المرضى بتعانى هناك.. معاناة المرض ومعاناة الفقر ومعاناة عدم القدرة على تكاليف العلاج ومعاناة الإهمال حينا ونقص الإمكانيات من المستشفى أحيانا..

يمكن كدكاترة إحنا نقدر نساهم فى تخفيف معاناة المريض بأكتر من شكل وأكتر من صورة سواء بتقديم الرعاية المطلوبة طبيعا ونفسيا أو بأوجه أخرى للأسف مش كلنا بينتبه ليها..

الأوجه دى هى الأوجه الإنسانية اللى للأسف كتير مننا بيغفل عنها رغم انها تكاد تكون واجبة علينا أكتر من غيرنا بحكم اننا شايفين معاناة الناس بعنينا ومقدرين أكتر من غيرنا لحجم الآلام اللى هما فيها.

الأوجه دى كثيرة ومنها مثلا الإنفاق للى يقدر انه يتبرع لمستشفى أو حتى لمريض ومنها مثلا محاولة توفير العلاج للمريض اللى مش قادر بأى صورة ممكنة ومنها طبعا.. التبرع بالدم.

انا هتكلم عن التبرع بالدم لأن دا موضوع حيوى وخطير جدا وفى بسببه ناس كتير بتعانى بسبب نقص الدم من المستشفيات أو بسبب ارتفاع أسعار أكياس الدم.

من المعروف إن أكياس الدم اللى الناس بتتبرع بيها بتتحفظ فى المستشفيات وبنوك الدم وبتخرج مجانا للمريض اللى داخل فى حالة طوارىء(حادث مثلا) و بتخرج بفلوس للمرضى الكرونيك(مرضى أنيميا تكسير كرات الدم الحمراء)..

وفى حالة واحدة فقط المريض الكرونيك ممكن يحصل فيها على دم مجانى.. ان يكون معاه حد من أى فصيلة يتبرعله ويتم استبدال كيس الدم الجديد بالكيس الملائم لفصيلته.

غير كدا بيضطر المريض لشراء أكياس الدم اللى محتاجها وأسعار كيس الدم بتتراوح ما بين 100-300 جنيه فى المستشفيات وبتوصل لـ 700 جنيه فى السوق السودا.. ومكونات الدم طبعا بيكون سعرها أغلى, كيس الصفايح مثلا بيوصل سعره لـ 700 جنيه لوحده!

ومع الظروف الإقتصادية بتاعتنا ومع حالة المرضى اللى كلنا عارفينها بيبقى صعب جدا انهم يوفروا تمن أكياس الدم.. وبالذات المرضى اللى بيحتاجوا نقل دم بشكل مستمر.

والمشكلة الأكبر كمان ان ساعات المستشفى مش بيتوافر فيها أصلا دم!

طيب احنا كأطباء المفروض نكون أول ناس تساهم فى حل المشكلة دى..

أعتقد انه واجب علينا كأشخاص مدركين لحجم المأساة اننا نحاول نساهم فى حلها.. مش كدا ولا ايه؟

الشخص العادى يقدر يتبرع بنصف لتر دم كل 6 إلى 12 أسبوع على حسب حالته الجسمانية والصحية.. هنخسر ايه لو اتبرعنا بشكل منتظم؟ وأخص بالذكر الدكاترة الذكور لأن يمكن الدورة الشهرية تكون عائق للدكاترة الإناث عن التبرع بصفة منتظمة(ومع ذلك اللى تقدر تتبرع حتى لو مرة أو مرتين فى السنة تتبرع)

اتبرع يا دكتور وانت فى المستشفى بتاعتك بشكل منتظم على قد ما تقدر.. اتبرع وانت ماشى فى الشارع لو لقيت عربية تابعة لوزارة الصحة أو جمعية رسالة (وبرجاء الحذر من سيارات الإسعاف مجهولة الهوية لأن الدم اللى بيجمعوه غالبا يباع فى السوق السودا).. اتبرع لو لقيت عيان محتاج كيس دم ومش قادر يوفره.. اكسب فيه ثواب وافتكر انك ممكن فى يوم تقف مكانه.

يا دكاترة احنا أجسامنا مش ملكنا.. دى ربنا خلقها وواجب علينا اننا نستخدمها فيما ينفع الناس ومش من الإنسانية أبدا اننا نشوف مريض محتاج نقل دم ومش قادر على تمن الكيس ومعهش حد يتبرع ونقف نتفرج..

وخليك فاكر ان كل كيس دم بتتبرع بيه ممكن يخفف معاناة 4 أشخاص بعد فصل مكوناته وانك يوم القيامة هتلاقى دا مردود عليك ان شاءالله واحنا فى عرض كل حسنة أعتقد J.

فى ناس بتخاف من موضوع التبرع دا عشان الـ  safety measures فى مصر ما شاءالله عالية J لكن خلينا نقول ان اللى بيتبرع مش أحسن مننا ولو كنا خايفين من عدوى فدا مش معناه اننا مش نتبرع لكن معناه اننا نحاول نجتهد فى شغلنا بالقدر اللازم لمنع المخاطر اللى من النوع دا.. ونخلينا كمان واثقين انه طالما احنا بنعمل شىء فى سبيل الله مش ممكن أبدا يصيبنا سوء.. وكدا كدا اللى مكتوبله حاجة هيشوفها..

أنا مش هقول أكتر من كدا عشان مش أطول والرسالة ان شاءالله وصلت وأنا واثق ان بين زملائى من هو أكثر منى حرصا على حياة الناس ومن أكثر منى رغبة فى تخفيف آلام المرضى وأن الدعوة ستنتشر باذن الله وستأتى بمردودها..

فقط أسألكم ان أقتنعتم برسالة التدوينة أن تساهموا فى نشرها بين زملائكم.

والله الموفق

no ba6na .. no cry

"مما إتفق عليه علماء التاريخ الطبيعى أنه عند دراسة كائن الطب الطفيلى لا بد من تقسيم حياته الدراسية الى مرحلتين أساسيتين.. مرحلة ما قبل الباطنة.. ومرحلة ما بعد الباطنة"... أحد علماء التاريخ الطبيعى.

النهارده الحمدلله كان آخر يوم ليا فى امتحانات الباطنة إلهى يا رب لا يعيدها سنة ولا يكتبها عليا تانى.. وميضرش لو تدعولى أنجح J.

المقولة السابقة هى بالفعل واقيعة تماما وصحيحة بنسبة 200% أو ربما أكثر.. فدراسة مادة بحجم وطبيعة الباطنة دون شك لها العديد من الآثار السايكوفيسيولوجية على كائن الطب الطفيلى وربما يصاحبها تغييرات قد تلازمه طوال حياته.. تغيرات تبدأ من بعض اضطرابات الشخصية ونهاية ب end stage renal failure من الضغط والسكر اللى لازم هيصاب بيهم طول السنة.. وطبعا مرورا بالـ erectile dysfunction عافانا الله وإياكم.

السنة دى اللى اتعمل معانا كدفعة خامسة بشرى فى الموكوسة(الاسم الحركى لجامعة 6 أكتوبر) ما اتعملش مع أى حد درس طب أو حتى مدرسهوش فى التاريخ بداية من أيام جدو فرعون الكبير اللى زمانه بيتعذب فى جهنم دلوقت لغاية آخر واحد هيدرس طب قبل يوم القيامة..

احنا ما يطلق عليه لقب "الدفعة المزعوطة".. ودا نظرا لأن الفعل المناسب لوصف اللى حصل معانا السنة دى هو فعل زَعَــطَ (زعط يزعط زعطا فهو مزعوط.. المعجم الحويط الصفحة اللى قبل صورة سيبويه على إيدك الشمين من تحت)..

السنة دى كان عندنا باطنة وأطفال وفى العادى المادتين دول بيتدرسوا فى حد أدنى سنة كاملة 10 شهور دراسة و شهرين امتحانات ودا نظام جامعة اسكندرية.. أو زى مثلا عين شمس (بيتدرس على سنة و 3 شهور) تقريبا..

احنا بقى وتقديرا للمستوى المتميز لطلبة جامعتنا العزيزة وتقديرا لأننا نتميز بـ IQ فوق المستوى بتاع القرود بشوية صغيرين.. فالجامعة اتكرمت علينا وقالت يمين على يمينكم باطنة وأطفال فى 6 شهور يا ولاد الـ..... .

وبكدا بقينا أول دفعة تتخرج فى التاريخ من غير ما تدرس باطنة والحمدلله.

المهم بقى فاكس اللى حصل فى السنة دى عشان أنا لو قعدت أحكى مش هبطل لك كتير ومش طالبة بقى.. الحمدلله ان امتحاناتها خلصت وذهبت بغير رجعة(ان شاءالله يعنى.. يا رب بس انجح J) وخلاص ما بقاش فى باطنة يا جودعاااااااااااان.

بس بجد السنة دى على ما بها من رخامة وقلة أدب وظلم كبير حصل فى حقنا الا انها يمكن أول سنة يكون ليا فيها ذكريات كتير بالشكل دا.. ذكريات فى الدراسة.. ذكريات شخصية.. ذكريات مع أصحابى.. ذكريات كتيييييييير جدا كانت أول مرة أعيشها السنة دى..

يمكن كان الأبرز على مستوى الدراسة ان ربنا أنعم عليا بفضل كبير من عنده وقدرنى  برحمته ومعونته انى اتعلم أقل القليل فى الباطنة رغم انى مش باخد كورسات والجامعة عندنا زفت.. لكن ربنا عوضها عليا من أبواب تانية كتير وعندى "شبه معلومات" قليلة عن "بعض" المواضيع فى الباطنة J.

طبعا ذكريات مواقف الإمتحانات لا تنتهى.. ويمكن كان أبرزها  امتحان الـlong case التيرم الأول مع دكتورة علياء وبصراحة مش عايز أفتكر بس يكفى إنى أقول انى كنت بمتحن أسهل حالة فى العنبر Bronchial Asthma ودى حالة مفيش فيها مساحةان الدكتور يحط عليك لكن هى أبدعت وأوجدت مساحة كافية انها تحط عليا بالجامد أوى كمان..

وبالتأكيد طبعا امتحان الديرما اللى كتبت عنه تدوينة مستقلة نظرا لأنه كان ابن حلال ويستاهل J.

وعلى المستوى الشخصى فى ذكريات كتيييييييييييييييييييير.. كانت busy year J بس انا مش هتكلم عن الجانب دا وأفضل أحتفظ بيه لنفسى والناس اللى شاركونى.. يكفى فقط إنى أقول ان كان فىذكريات كتير حلوة.. وذكريات كتير مش حابب أفتكرها..

ويمكن على مستوى الأصدقاء.. للأسف السنة دى حصلت تغيرات كتييييير.. خسرت ناس كتير من أصحابى منهم ناس كانت قريبة.. وفى ناس جديدة عرفتها.. وعادى يعنى طبيعة الحياة.. لا جديد تحت الشمس مع التأكيد على ان اللى راحوا كانوا أكتر مما ينبغى..

وطبعا من أهم الذكريات بتاعت الباطنة هى الهاش اللى عملته على تويتر للإمتحان وكنت بطلع فيه القرف اللى جوايا من المادة J #ba6na502

انا مش هلك كتير بقى وهجيب شوية تويتات من اللى كنت بكتبها فى ايام امتحان الباطنة J

L للأسف التويتات القديمة اتمسحت عشان الهاش مش كان نشيط ومحدش كان بيكتب عليه غيرى والتويتات الموجودة من أول يوم 4/7 بس L

يا رب ‪‪#ba6na502 ‪‪#clinical ‪‪#abyadYaWard

النفخ للجميع ‎‪#ba6na502‏

السح الدح امبو... ادى الواد لأبوه ‎‪#ba6na502‏ ‎‪#clinical‏ ‎‪#TeamA7eeeeeeh‏

الجدع اللى دخلنا الكلية دى قفل الباب علينا بالمفتاح وبعدين بلعه ‎‪#ba6na502‏ ‎‪#clinical‏ ‎‪#TeamA7eeeeeeh‏

الثورة موصلتش كلية طب لسه يا بشر ‎:(‏ ‎‪#ba6na502‏ ‎‪#clinical‏ ‎‪#TeamA7eeeeeh‏

شكشك مرزوقة تعالى جنبى وشكشك مرزوقة تعالى جنبى ‎‪#ba6na502‏ ‎‪#ba6naEffect‏

امتحان الحالات امبارح كان مسخرة الحمدلله ‎:D‏ دخلت لحالة لا أفقه عنها أى شىء.. و واضح ان الدكتورة كمان ما كانتش تعرف عنها حاجة ‎:D‏ ‎‪#ba6na502‏

انا هتخرج من الجامعة مؤهل انى اكون طبيب عالمى على قناة الفراعين ‎‪#ba6na502‏ ‎‪#a6fal502‏ ‎@Fair_Clever‏

فاضل نص ساعة ع الإمتحان وانا لسه فى أكتوبر ‎‫#هع‏ ‎‫#أنا_ضايع‏ ‎‪#ba6na502‏ ‎‪#ba6naClinical‏

تعرف ايه عن الكلوناس؟.. - ايوة يا بيه فين السؤال؟؟ ‎‪#TeamA7eeeeeh‏ ‎‪#ba6na502‏ ‎‪#ba6naClinical‏

ألح يلح إلحاحا.. أصر يصر.. إلحاحا ‎‪#ba6na502‏

أبوخ حاجة لما بعد الإمتحان تفتكر اجابات الأسألة اللى انت ما جاوبتهاش جوة ‎:(‏ الحمدلله ‎‪#ba6na502‏ ‎‪#ba6naClinical‏

قولتولى بقى ليه مش براجع قبل امتحانات الأورال؟؟ لأن المنهج أكبر من انه يتراجع فى يومين وانا مش عارف الافندية هيسألوا فى ايه 1/2 ‎‪#ba6na502‏

فبقول بلاش قرف بقى كدا كدا مش هخلص المنهج ومش عايز اذاكر حاجة ومش اتسأل فيها فادخل كدا وانا ورزقى يا افتكر يا مفتكرش 2/2 ‎‪#ba6na502‏

انهارده واحدة من اللى الاتنين اللى امتحنونى انا متأكد انها فلة فى الطب.. سألتنى ازاى اعالج الحالة من غير ما تقولى عندها ايه اصلا!!‎‪#ba6na502‏

عندى بس سؤال فنى.. علل: هى الديرما دى ازاى؟؟ ‎‪#ba6na502‏

نشيد ال#Derma القومى: "انا مهما قريت مش نافع.. انا مهما عملت هضيع.. ولا أى سؤال انا هجاوب.. دى مادة@#%$#^% يا وديييييييييييع" ‎‪#ba6na502‏

النهارده الحمدلله كما توقعت.. ما جاوبتش ولا سؤال فى الديرما ‎:D‏ وأعتقد انى أخدت صفر مكعب xD ‎‪#dema‏ ‎‪#ba6na502‏

من انهارده مفيش باطنة(بين قوسين يا رب أنجح) ‎:D‏ ‎‪#ba6na502‏ ‎‪#GoToHell‏

للأسف التويتات اللى أيام ما كنت بذاكر نظرى تويتر مسحها عشان قديمة ومش نشيطة بس هى دى اللى كانت حلوة L.. يلا مش مهم

كدا أقدر أقول الحمدلله..  NO BA6NA NO CRY

الديرما يا بشر و مشروع دكتور فاشل

الكلام اللى هكتبه فى التدوينة دى غالبا هيكون صادم حبتين لطلبة الطب أو أى دكتور بيشتغل يعنى فى المجال بتاعنا دا, لكن عموما هو دا اللى عندى..

بقى احنا ككائنات طفيلية فى كلية طب بيكون مننا ندرس بتاع ألف مادة على ما نتخرج وانا مازلت حتى الآن بتسائل عن الجدوى من دراسة بعض المواد بالشكل اللى بندرسها بيه دا.. و فى رأيى إن كلية طب محتاجة إعادة هيكلة جذرية عشان تبدأ تخرج دكاترة بدل ما هى بتخرج كائن undifferentiated كل المهارات اللى "قد" تكون عنده انه احتمال يكون بيعرف يقيس ضغط.. وبالطبع فى استثناءات اللى هى لا يقال عنها غير انها استثناءات.. لكن انا هنا هتكلم عن القاعدة العريضة.. ويمكن انزل عن مستواها شوية كمان عشان أوصل لمستوايا أنا :D

انا مش هتعمق فى تفاصيل لأن دى مقدمة فقط ويمكن بعد كدا ابقى اكتب تدوينة او اكتر عن كلية الطب من نظر طالب فاشل.. التدوينة دى أساسا عشان أحكى على المسخرة اللى حصلت فى امتحان الديرما بتاعى انهارده :).. أنا شخصيا انبسطت رغم انى مجاوبتش ولا سؤال ومكنتش عارف أى حاجة بس خرجت بضحك :D  أهو بقى تناحة كدا يعنى :D

الديرما دى(الجلدية يعنى) من البرانشات اللى انا لسه مش فاهم احنا بندرسها ليه.. يعنى هو فى كائن حى كاره نفسه واشتغل ديرما, طيب أنا مالى؟؟ ما هو اللى هيعالج حالات الجلدية.. أكيد مش جراح ولا ددكتور رمد مثلا هيحولوله حالات جلدية!(بالمناسبة انا بينى وبين الرمد خلاف عقائدى بس مش مجاله دلوقت :) )

انا كأحد الكائنات الحية مش بعرف انى احفظ حاجة انا مش فاهمها, ودا عادى فى ناس كتير كدا مش أنا بس وفى ناس برده بتعرف تصم اللى قدامها لو كان حتى كلام صينى هيحفظوه..

لكن كمان أنا مش بعرف أذاكر حاجة انا مش عارفلها مدخل من مخرج ولا فاهمها لمجرد انى محتاج الدرجات.. انا عارف ان دا هبل وانى بنقص درجات كتير جدا بسبب العك دا بس هو أنا كدا.. مش بعرف أذاكر حاجة مش شايفلها لازمة.. عشان كدا فى فروع كتير من الطب وقعت منى ومعرفش عنها حاجة تقريبا.. زى الرمد مثلا و الجلدية وغيرهم كتير يمكن مش فاكر..

ومش محتاج حد لطيف يقولى انى هبقى فاشل أو يعنى دكتور حمار زى ما بيقولوا لأن الآى كيو بتاعى كافى انى أعرف دى لوحدى..

الديرما لما جيت اذاكرها أول مرة حسيت انى بقرا كلام صينى والموضوع كان خراشو ع الآخر بالنسبالى وعبث لا يمكن السكوت عليه.. ولما دخلت الامتحان ولقيت نفسى مش عارف أحل كتير من ال MCQ اللى على الديرما أو يمكن معظمه عرفت انه من العبث انى أحاول حتى أذاكرها تانى..

عشان كدا لما جه وقت امتحان الأورال بتاع الديرما و الأندرو بدأت بمذاكرة الأندرو على اعتبار انه شىء قابل للفهم والتعامل الآدمى والحمدلله عملت فيه كويس بفضل الله تعالى.. ومكنت بصراحة ناوى اذاكر ديرما بس ضميرى بدأ يأنبنى على الساعة 10 بالليل كدا(ودا محصلش من زمان أوى.. ربنا يسامح اللى كان السبب بقى J ).. المهم قمت حاولت أقرى شوية حاجات فى الديرما وعرفت واتأكدت ان قرار عدم المذاكرة كان صائب تماما لأنه totally pointless..

المهم رحت الإمتحان انهارده وانا ناوى انى أقول للدكتورة انى مش مذاكر لأنى من النوع اللى مش بيحب يستعبط فى الامتحان.. عارف بجاوب مش عارف بقول مش عارف كدا واضحة وصريحة.. معنديش انا بقى الشغل بتاع والله لسه قاريها ومش  فاكر وهفتكرها واستنى بس يا دكتور والكلام دا.. فى داهية الدرجتين اللى الواحد هيتذل عشانهم وكفاية أوى سخافة انى أكون مش عارف..

هحكى بقى الإمتحان واللى حصل فيه ويكفى كمقدمة إنى أقول إن لو أنا اللى بمتحن نفسى ممكن لو هكرمنى أوى عشان أنا معرفة يعنى.. هدى لنفسى صفر كبير كدا وممكن يبقى صفر أوس 17..

- الدكتورة: قولى الـ primary lesion of petyriasis rosea..

- قلت: macule

لقيتها بصتلى كدا قلتها أيو الماكيول دا بتاع البيترايازيس فيرزيكالار.. مش عارف بقى بتاعت الروزيا.

- قالتلى طيب فكر كدا..

- قولتلها نوديول؟

بصتلى تانى فقلتلها مانا قلت لحضرتك انى معرفش!

- طيب الباثولوجى بتاع ال vitiligo

- جاوبت

- طيب ال theories بتاعته ايه؟

- قعدت أفتكر لأنى كنت قاريه بس مفتكرتش فقلتلها immune؟

 - قالتلى ايه طيب غير ال immune؟

- قلتلها معرش

- قالتلى طيب ليه العلماء قالوا immune؟

- قلتلها أكيد لقيوا autoantibodies :D

- قالتلى.. طيب أنتى باديز أجينست ايه؟

- قلتلها.. اكيد أجينست الميلانوسايت.

- قالتلى طيب أى أسباب تانية تعرفها؟

- قلتلها قلت لحضرتك معرفش!

- قالتلى طيب قول ال cells of epidermis

- قلتلها نعم؟؟!

- قالتلى السؤال تانى

- قلتها لأ معنديش أى فكرة الحقيقة

- قالتلى معندكش أى فكرة؟ طيب قوللى مش فاكر.

- قلتلها هكدب على حضرتك يعنى؟

- قالتلى طيب التريتمنت بتاع الهيربس زوستر؟

- قولتلها acyclovir  و systemic antibiotic عشان ال 2ry infection  و systemic antiallergic.(وبالمناسبة انا معرفش ايه التريتمنت انا كنت بقول كدا من عندى ومش ضامن ان الكلام دا ممكن يكون فيه اى حاجة صح)

- قالتلى.. acyclovir كدا؟ طيب ايه الدوز بتاعته؟

- قلتلها لأ معرفش.

- سألتنى سؤال تانى مش فاكره.. تقريبا قالتلى أوصف معرفش ايه كدا

- طبعا مكنتش عارف وقولتلها يا دكتورة انا ما ذاكرتش أصلا الـ آآآآآآآ.. ونسيت اسم المادة :D .. وبعدين افتكرت وقولتها الديرما

- قالتلى طيب انت كدا ريحتنى قوم بقى

بس وقمت ومشيت وانا مش متدايق على الإطلاق مع انى فى المعتاد بتدايق لما مش أجاوب كويس فى الشفوى(وانا نادرا ما بجاوب كويس يعنى) بس المرة دى مش متضايق وخرجت بضحك.

انا عارف ان الكلام دا ممكن يخلينى أنزل فى نظر ناس كتير من زمايلى بس اشطة مش دا اللى يهمنى ومش دا اللى بدور عليه ولا يفرق معايا أصلا J

وإلى لقاء قادم فى امتحانات أخرى إن شاءالله J

one day

one day, i'll see your smile when you're talking to me, i know it

one day, i'll feel within your words the same heat within mine, i know it

one day, i'll see you standing at the door waiting for me to come back home & hold you like we'll never let go, i know it

one day, you will be the one i see when i look at you not the one you want to show, i know it

one day, you will realize how much you mean to me, I know it

one day, you will come to me when things go wrong, I know it

one day, you will show me how much you love me, I know it

one day, you will be happy ‘cause we’re together that you will not want to see anyone else, I know it

one day, you will smiling all the time out of no reason, I know it

one day, you will be as happy as I want you to be & more isAllah, I know it

one day, you will feel like no other in the whole world receives the same amount of love from her spouse like you do, I know it

one day, we will live in a world where there’s just me & you.. we will see no one else even though the whole world was around us, I know it

one day, you will see how much I care & how sincerely I try to put a smile on your sweet lips, I know it

one day, you will understand that YOU & only you.. my past, my present, my future & the whole life to me, I know it

one day, you will rest assured that I can never let go of you nor can I ever betray you, I know it

one day, you we will look back at our memories together while we’re sitting at the sea watching the sunset & smile in silence and hole each other’s hands in real love, I know it

one day, I’ll get the chance to tell you every second how much I love you & how much I miss you even when you’re with me, I know it

one day.. one day.. one day…..

i'll keep waiting for that one day, because I know it’s coming inshaAllah & i know it <3

رقــيــــــة

the first contact image

3/7/2012