فى عيد ميلاد الريس..

انبارح كان يوم مش عادى..
رغم كل القرف اللى الواحد فيه دلوقت بس بصراحة انبارح انا كنت فعلا مبسوط.. كان يوم حلو جدا ويوم مميز اوى.. جيس واى؟؟
انبارح كان عيد ميلاد الريس..
آه والله عيد ميلاد الريس بنفسه.. وبما انى اعرف الريس كويس جدا.. وعلاقتنا ببعض الحمدلله جامدة جدا.. وانا شخصيا بحبه اوى وبتعلم منه كتير جدا.. بتعلم من ذكائه وفطنته العالية.. بتعلم من صبره وحكمته.. ونفسى اتعلم من كرمه واخلاقه(بس دى صعبة شوية)..
انا لما شفت خبر عيد ميلاد الريس على النت.. بصراحة ما كنتش مصدق نفسى.. انا عارف انه كان فى الشهر ده بس ما كنت فاكر اليوم بالزبط.. لكن لما لقيت على النت انه كان انبارح.. عرفت ان انبارح هيكون يوم مش عادى..
كان احلى حاجة لما اتصلت بالريس اباركله..(آه والله اتصلت بالريس اباركله.. مش مصدقين ليه؟؟)..
-الريس: اهلايا ايرانت ازيك
-انا: اهلا مستر بريزيدنت.. واحشنى جدا
-الريس: وانت كمان والله اخبارك ايه؟
-انا: الحمدلله تمام... كل سنة وانت طيب يا سيادة الريس
-الريس: وانت طيب يا ايرانت.. خير؟
-انا.. انهاردة عيد ميلاد سيادتك.. ايه هما ما قالولكش؟
-الريس: (يضحك) لا والله انا كنت ناسى خالص.. انت يا ايرانت مفيش منك.. فاكر عيد ميلادآ(بصراحة انا اتكسفت اقوله انى عرفت الخبر من على النت.. كان هيبقى شكل اهلى زبالة اوى)
-انا: الله يخليك يا سيادة الريس ده بس من ذوقك...
-------------------------------------------------
ده نص الحوار اللى دار ينى وبين سيادة الريس فى التليفون.. شوفوا قد ايه الراجل متفانى فى خدمة البلد دى.. الراجل قدم البلد عليه لدرجة انه نسى عيد ميلاده الشخصى.. انا فعلا مبسوط بجد انى فى دولة ده رئيسها...
ادامه الله ذخرا للوطن....
-------------------------------------------------
بالليل بقى نزلت من الشقة انا وmr. X(مدير المخابرات.. وده شخص غامض انا شخصيا مش اعرفه بس كنت معاه) وكمان كان معانا وزير الصحة ورحنا للريس فى البيت بتاعه(على فكرة الريس ساكن فى شقة فى الدور التانى مش فى قصر زى ما الناس فاكرة.. آه والله).. ولقينا هناك هيئات دبلوماسية من الاردن وفلسطين واحتفلنا مع الريس فى حفلة على الضيق كده.. بس والله كانت جامدة...
-------------------------------------------------

وبعد الحفلة الجميلة تباحثنا فى بعض امور الدين والدينا وكانت الحرب هتقوم بس ربنا ستر وسفير الأردن قدر مع تدخل الريس انهم ينهوا الموضوع بسلام وحقنوا دماء المسلمين(بجميع طوائفهم) وهو نصر آخر يضاف لقايمة انجازات الريس..
ورجعت انا و مستر اكس البيت وكان وزير الصحة روح قبلنا.....
------------------------------------------------
14/10/2009
المقال ده ان شاءالله هنشره فى الجريدة الرسمية(الدستور) سنة 2029
----------------------------------------------------------------------------------------------------------------------
-الريس.. صديق عمرى بكل ما تحمله الكلمة من معنى.. د. محمد حسن... واما عن سبب تلقيبه بالريس فده لاننا بنجهز للحكم فى العسرين سنة الجاية واحنا بايعناه على خلافة مبارك(اذا كان مات وقتها يعنى)
-mr. x... ده يبقى ــ....بلاش احسن
-وزير الصحة.. احمد هانى
-الجالية الفلسطينية.. انصارى وعصام
-الجالية الاردنية.. عمر
-انا.. انا بقى بمثل المعارضه.. ورغم انى بايعت الريس ووعدته بتاييده لغاية ما يوصل للحكم.. فأنا متفق معاه انه بعد ما يستلم الحكم هكون انا المعارض الرئيسى فى دولته وفى الغالب هعمل ثورة عليه واقلب عليه الشعب
انا بس عايز اقول لمحمد كل سنة وانت طيب وربنا يوفقك فى الدنيا و يجعلك من رفقة الرسول (عليه الصلاة اولسلام) فى الجنة فى الآخرة باذن الله..

تجربة مش تحب تمر بيها.. ابدا

حياة الانسان عبارة عن تجارب متتالية بيعيش فيها ويمر بكل تفاصيلها.. وبتخلص التجربة وتبدأ غيرها.. مش دايما كل التجارب بتكون من نفس النوع.. لا.. التجارب بتختلف والخبرات اللى بتستفاد منها بتختلف كمان.. يعنى فى تجارب دراسية.. تجارب فى اكتساب الاصدقاء وكمان خسارتهم.. تجارب عاطفية ويمكن دى النوع الاكتر شيوعا بين التجارب.. لان فى انسان جاهل مش متعلم وفى انسان منطوى مش اجتماعى.. لكن مفيش انسان قضى حياته كلها من غير ما يعجب ببنت الجيران على الاقل(بالمناسبة كل بنات الجيران بتوعنا اكبر منى)...
الجميل فى التجارب اللى الانسان بيعيشها انها غير انها بتصقل خبراته وتزود قدراته بتعلمه كمان انه يتصرف بالشكل المناسب فى كل تجربة مهما كانت غرابتها..
يعنى مثلا اذا انسان اكتسب مجموعة من الاصدقاء فى مرحلة من مراحل حياته وما قدرش انه يتعامل مع الصداقات دى بالشكل المناسب وخسرها او خسر بعضها.. تجربة زى دى التصرف فيها بيختلف من حد للتانى.. يعنى واحد خسر تلاتة اربعة من اصحابه الكويسين.. عادى.. البشر على قفا من يشيل.. فى حين ان ممكن حد تانى يخسر واحد بس من الاصحاب اللى فعلا كويسين ويتأثر أوى بالموضوع ده ويحاول بكل وسعه انه يستعيده مع انه ممكن يكون عنده غيره كتير.. بس خسارة صديق كويس فى ومن صعب تلاقى فيه انسان كويس اساسا ممكن تفرق مع بعض البقر.. عفوا.. البشر..
كمان اذا حد مننا فقد شخص قريب منه.. خلينا نقول حبيبة او حبيب مثلا.. الشخص ده خلع وطلع على فوق ومفيش سكة يرجع منها.. او انفصل عننا بلا عودة.. تجربة زى دى تهد اجدعها جبل.. يمكن الناس تعتبر المثل تافه لكن مارايا كارى(المغنية المفضلة عندى) لما جوزها الاول انفصل عنها(ما هى دى زى ما يكون مات) مرت بانهيار تام استمر معاها لمدة سنتين وكان هيهدد حياتها الفنية والاجتماعية كمان.. لكن هى قدرت تتعامل مع التجربة دى ببراعة.. او خلينا نقول ان رحمة ربنا بيها(حتى وان كانت كافرة فربنا ما خلقناش عشان يعذبنا.. وبعدين العبرة بالخواتيم)هى اللى هدتها لانها تخرج من الازمة دى وتقاوم الانهيار ده وطبعا ده مش حاجة سهلة.. الا انها اتعاملت بشكل ممتاز مع التجربة دى..واختارت انها تقاوم الاحباط والاكتئاب وترجع اقوى مما كانت وهو ما تحقق بالفعل
لكن الجميل بقى نوع غريب من التجارب فعلا غريب.. أوى
بصراحة هو نوع مش سهل على الاطلاق ومش اى حد يعرف يعدى منه.. وانا شخصيا مش متخيل نفسى اذا فى يوم مريت بتجربة من النوع ده هقدر اتصرف فيها صح ولا لأ..
النوع ده من التجارب انا بسميه (لت جو اوف بوسيشن) او سيب حاجتك يعنى..
انا عندى مثال حى وحقيقى على مثل النوع ده من التجارب لكن للاسف الشديد مش من حقى انى احكى التجربة الاصلية لانها مش حاجة ملكى واصحابها مش ادونى اذن لانى اتكلم عنها.. حتى لو كان من غير اساميهم لازم احترم خصوصياتهم.. لكن انا هحط مثال قريب جدا زى قصة او حاجة خيالية يعنى هحاول اخليه واضح الا انه مش هيوضح الفكرة كاملة زى القصة اللى حصلت فعلا.. يعنى هتضطر حضرتك انك تشغل الجزء المعطل فى دماغك اللى بيسموه المخ عشان تكمل الحلقات الناقصة(ما تقولش دى قلة ادب.. انا ما قلتلكش اقرأ)
-خلينا نتخيل فارس من العصور الوسطى من بتوع الدروع والسيوف والخيل والحاجت الجامدة اللى الواحد اتحرم منها دى(نحمد ربنا على عصر القرود اللى احنا عايشين فيه-التسمية لمصطفى محمود-).. الفارس ده كان عنده فرس او خليها فرسة احسن(علشان فى موجة شذوذ ماشية فى البلد وانا مش عايز اتفهم غلط).. الفرسة دى اتولدت فى مزرعته وهو اللى رباها وكبرها وروضها ودربها وخلاها خيل..ة يعتمد عليها فى اعتى المعارك.. طبعا معروف ان الانسان اللى بيربى حيوانات بيرتبط بالحيوانات دى وبيتعامل معاها احيانا كانها انسان ويمكن بيعاملها احسن من البشر.. مش من الصعب اننا نتخيل ارتباطه بالفرسة دى هيكون عالى قد ايه وطبعا ارتباط الفرسة بيه كمان.. الارتباط بينهم(بحكم العشرة) هيكون عالى لدرجة انه لولا الاختلافات فى توزيع التضاريس كانوا اتجوزوا..
وفى يوم ينتشر وباء(انفلونزا الخيول مثلا.. اهى حاجة على الموضة)فى مزرعة الفارس ده ويهدد حياة كل خيوله بالخطر.. وعشان الفيلم العربى يكمل والوكسة تتحبك.. الوباء ملهوش علاج.. وعشان ما حدش يستظرف.. الفارس مش يقدر يبعد عن المزرعة...وبكده مفيش قدامه غير حل من الاتنين.. اما انه يتخلص من الخيول السليمة عنده(بما فيهم الفرسة المفضلة) او انه يطخهم كل واحد رصاصتين ويبقى (عليا وعلى احصنتى.. حسب مبدأ شمشون)...
بعد تفكير طويل وبعد ما الفارس جرب كل الحيل لقى ان مفيش قدامه غير انه يبيع خيله السليم لفارس تانى عشان يحميهم من خطر الوباء اللى عنده ده..
بالنسبة للخيل كله.. ما كانش فى مشكلة لان البرسيم واحد فى كل المزارع.. انما الفرسة الموضوع معاها مختلف.. لا الفارس هيعرف يتنازل عنها بسهولة ولا هى هتحب تسيب البيت اللى طلعت لقت نفسها فيه.. واللى فعلا "لقت نفسها" فيه.. وهنا بيكون على الفارس انه يثبت انه فارس بجد.. بيكون لازم عليه انه يدخل فى التجربة ويسيب الفرسة.. بس الموضوع مش سهل..
كان لازم يهىء نفسه لانها هتروح ومش راجعة تانية.. كان لازم يبقى عارف انه لما يشوفها مع الفارس التانى مش هيكون من حقه ياخد زيرو لانها ببساطة غيرت عنوانها فى البطاقة.. وكان الاصعب من ده كله لازم عليه انه يفهمها(على قد عقلها الحصانى) انها هتسيب المكان اللى عرفت فيها نفسها وهتتنقل لمكان جديد.. عشان سلامتها.. كان لازم انه يقنعها انها تنسى المكان القديم والفارس القديم وتعيش فى فى مزرعة الفارس الجديد على انه المكان اللى نشأت فيه..وتعمل فورمات للميمورى كلها.. يعنى من الاخر كان لازم يختار حياة الفرسة اللى طلع عين اهله فى تربيتها على سعادته بوجودها قدامه.. وخصوصا ان وجودها مش هيطول لان الوباء كان شديد.. وملهوش علاج..
الطريف فى الموضوع ان الفرس وان كان ارقى الحيوانات(من وجهة نظرى طبعا) الا انه بيفضل فى الاخر.. من الحيوانات.. يعنى بعد فترة هتتعود على المزرعة اجديدة والفارس الجديد وبطبيعة الحال هتنسى الفارس القديم.. فى حين ان الفارس هيعيش عمره كله يفتكر الفرسة مش عشان عينيها بنى.. لأ.. عشانه تعب فى تربيتها وتعب على ما عمل منها فرسة تستحق يخوض تجربة زى دى عشانها..لأنه كمان كان لازم يبقى عارف انه لما هيشوفها فى الغابة وعلى ضهرها الفارس الجديد وهيا بتطيع اوامره كما لو كان هو.. بكل بساطة يتحكم فى نفسه ويعمل كنترول.. وحتى لو في يوم الفرسة هاجمته عشان تدافع عن الفارس التانى.. لازم يعمل كنترول اكتر.. ويستحمل

بس يا ترى بقى الفارس قدر انه يخوض التجربة دى.. ولا طلع سكه؟؟
قدر انه يتنازل بكل بساطه عن مشروع تعب فيه عمر وعن فرسة مش هيعمل زيها تانى؟؟
ولو كان قبل انه يدخل التجربة دى.. يا ترى كان هيوصل فيها لغاية فين؟؟ وهيكون ايه اخره؟؟
ده بقى اللى مش من حقى اقوله خالص... بدل ما الفارس والفرسة يضربونى بالحدوة

الجميل فى النوع الاخير من التجاري البشرية ده ان فيها الشخص بيواجه نفسه.. عشان تعدى من التجربة الاخيرة دى.. او عشان الدقة عشان تعدى التجربة الاخيرة دى.. لازم انت اللى تاخد من نفسك حاجة ما كنتش متصور ان اصلا كان ممكن حد تانى ياخدها منك.. لا والاجمل انك انت اللى بتقدمها للحد التانى وبتفصلها على مقاسه كمان..
مع احترامى لكل البشر.. كتير مننا ممكن يفشل فى تجربة زى دى وعشان كده انا بدعى ربنا من قلبى ان محدش يمر بحاجة زى دى.. يعنى احنا مش ناقصين بلاوى

ملحوظة صغيرة...
-انا عبرت بمثال عن قصة فارس عشان انا عندى تقدير خاص للفرسان.. نظرا لانهم رمز للرجولة اللى بجد من وجهة نظرى
-واما عن الفرسة ف ده له سببين..
.. اغلى حاجة عند اى فارس بيكون فرسه.. وعلى الاخص لو كان هو اللى مربيه
.. تانى حاجة انى نفسى يبقى عندى فرس.. ان شالله حتى اشتريه حمار وابقى اركبله قطع غيار.. بس يبقى عندى فرس

عندما يتحول الانفتاح الى... انفشاخ

انبارح وانا بتسكع(من تسكع مش سكع) على الفيس لقيت واحد زميل ليا فى الموكوسة بس مش منضاف عندى.. قولت ادخل على البروفايل بتاعه اتفرج الدنيا عاملة فيه ايه.. ودخلت.... ويا ريتنى ما دخلت
اول حاجة بصيت عليها(وكانت اخر حاجة برضه) كانت الجروبات بتاعته.. لقيت اول جروب عنده اسمه "عايزين حرية جنسية".. قلت وماله.. ندخل نتفرج العيال دى عايزة ايه... ولقيت العجب يا بشر!!!


-صورة الجروب عادية.. عبارة عن ولد من غير تى شيرت واقف عند البحر مع بنت من غير بنطلون(بس فيكتوريا سيكرتس سايبة بصمتها)
-الجروب فيه عدد لا نهائى من الادمينز كلهم بيحملوا لقب (freedom defender) تحت اساميهم
-فى خمسة ادمينز من بلاد واتجاهات دينية مختلفة وانعدام فكرى واحد


بدأت اقرأ الرسالة بتاعة الجروب عشان اشوف العيال دى بتزعق ليه.. ويا ريتنى ما قريت..
البشاوات بتوع الجروب بيطالبوا بحرية جنسية تامة.. يعنى يبقى من حقك بشكل قانونى تشقطلك شرشر من شارع جامعة الدول/ العقاد/ الهرم او ما تيسر وتطلع بيها على بيتكم عادى والحياة فل.. وكمان بقى بيطالبوا بحقوق الشواذ الجنسية من النوعيين.. يعنى عايزين يسمحوا بالشذوذ ويبقى حاجة عادية زيها زى الجنس الطبيعى...


الكلام ده من الجروب
-------------------------------
Right to eat = Right to fuck= RIGHT
straight=gay= human
male = female=human
{not eastern slavery marraige system}
that is logic and simple math
those who oppose simple math are Criminals
cuz they oppose God,s law
-------------------------------


-كون ان فى شوية شواذ(لفظ شواذ بيطلق خطأ على الخولات.. وهو ده المصطلح السليم للاشكال دى) يطالبوا بحقهم فى انهم يتلعب فى اساسهم فده شىء عادى وموجود من ايام سيدنا لوط.. انما اللى يفقع بقى بجد الحتة اللى جاية...


الكلام ده من الجروب
-------------------------------
لا لأي خصوصيه عربيه او قبليه بدائيه متخلفه
تريد ان تخرج بنا من منظومة الانسان
نحن نطالب بابسط تفعيل لمبادئ حقوق الانسان




لمبادئ و حقوق نؤمن ان الله خلقنا علي هذه الارض
نستحقها و نملكها
الحق في الحياه
الحق في الاعتقاد
الحق الجنسي


الذين يعادون الجنس هم اعداء للطبيعه
و للانسان
و لحقوق الانسان
-------------------------------
الحق الجنسي للشعوب الشرقيه هو حتميه منطقيه طبيعيه
امنا الطبيعه تحرسه و تحميه و ستفرضه فرضا مع الوقت
خاصه مع الفقر و العنوسه و الارهاب و الدش و الانترنت و
الحرب الدائره علي الظلام و قوي الظلام
-------------------------------
بلادنا تعاني من ارتفاع شاااهق
لمعدلات الفقر و العنوسه و الزياده السكانيه
و العنف و التشنج و الكراهيه
الحريه الجنسيه ستكون حلا
واضحا صريحا حاسما قاسما للشر بالبلاد


فلنتسلح بالحب في مواجهة الكراهي
-------------------------------


لا ولا الحتة اللى جاية دى كمان.. تفقع بلد.. لأ.. قارة بحالها..


الكلام ده من الجروب
-------------------------------
هذه الجروب تطالب بمناظره علنيه مكشوفه مع شيخ الازهر و لفيف من علماء المسلمين مجتمعين حول حريتنا الجنسيه و صحيح الدين الاسلامي
-------------------------------
اننا و من خلال هذا الجروب نمثل نقطه ساطعه للنظافة و
الحريه و الحضاره
نمسك بتفاحة الحق الجنسي
او الحق الضائع عن شعوبنا المنتهكة كل حقوقها زورا باسم الاسلام
لقد دئبوا انتهاك اعراضنا كما دئبوا تزييف و تحريف الدين الاسلامي السمح و الحنيف
تلك هي اخلاقهم
لكن الرجال يمتنعون
الرجال فقط يأبون ذلك
-------------------------------


وعشانهم بقو مش قادرين يستنوا يوم كمان ومتشوقين على حد قول هيفاء... اسمعوا دى كمان...


الكلام ده من الجروب
-------------------------------
مظاهره مليونيه في ميدان التحرير و تحديدا امام السفاره
الامريكيه بالقاهره
سنة 2015
تندد بقمع حقوقنا الجنسيه
مصحوبه بعصيان مدني عام و شامل في جميع محافظات مصر
تطالب بشقق للايجار بالساعه و بحماية الحكومه
-------------------------------


.انا شايف ان الكلام مش محتاج تعليق اصلا.. كل صاحب عقل من نفسه هيبقى عارف اللى المفروض ينقال.. لكن فى كام سؤال صغيرين هحطهم...


1)هما بيقولوا ان "الرجال يأبون ان تستباح حقوقهم".. انا بس عندى سؤال للاخوة الخولات.. هو لما الراجل يتحط عليه.. هيتسمى راجل بأمارة ايه بالزبط؟؟؟


2)هما بيقولوا انهم دعاة "النضافة".. نضافة ايه بالزبط اللى بيتكلموا عليها؟؟.... هو لما الشاب يمارس الشذوذ مع شاب والبنت تمارس السحاق مع بنت.. بالزمة دى مش فكرة تجيب الاشمئزاز من الاساس؟؟


3)واضح طبعا ان فى خولات من كبار الخولات الاجانب(او العرب) من المنتمين لديانات تانية بتدعوا لـ(مواجهة الكراهية بالحب والتسامح) هما اللى ورا الترويج للشذوذ من خلال الجروب ده.. لانهم حشروا الدين الاسلامى فى النص واكدوا على ان تعاليم الدين الحنيف لا يمكن ان تتعارض مع طبيعة وبشرية انسانية... على حد قولهم...


واخيرا تعليق صغير...


-الحاجات اللى بيطالبوا بيها دى هى البهيمية والحيوانية بعينها.. لان الحيوان وحده هو اللى مش يعرف يكبت غرايزه وشهواته.. وساعة ما بتطلب معاه.. فى وقتها بيخلص.. مهما كانت الظروف اللى حواليه(باستثناء بعض الحيوانات الراقية زى الجمل والحصان).. يعنى هما فعلا اللى بيشدونا للبهيمية مش للـ "نضافة" اللى بيقولوا عليها دى...


-الاولاد دى عيال فى قمة الجهل ومثال حى للشباب اللى ال"بيئة" الحالية بوظت دماغه وخلته يفكر باعضائه الجنسية بدلا من عقله وبقى شغله الشاغل هو انه... يتنطط...
اللى هما بيطالبوا بيه ده دليل على جهل صريح وانسياق اعمى وراء اصحاب مصالح معلومين هدفهم القضاء على ما تبقى من الدين.. وابسط دليل على خطأ الولاد دول ان اللى هما بيطالبوا بيه ده مخالف للفطرة اللى ربنا خلقنا عليها..
خلونا نرجع لفطرتنا.. ونسأل نفسنا ونشوف اذا كان حد فينا يقب ان اخته تتشقط من الشارع وتروح شقة مفروشة.. او يقبل انه يمارس الجنس مع ولد.. او بنت تقبل انها تمارس الجنس مع بنت؟؟
شىء اصلا بعيد عن مجرد التصور.. يبقى اذا مخالف للفطرة.. يبقى اذا غلط.. بغض النظر عن اذا كان الاسلام يقبله او يرفضه.. وان كانت النقطة دى مش مجال حديث اصلا لان مفيش حمار بقرنين ممكن يقبل حاجة زى دى...


-الحروب ده مثال حى على تحول "الانفتاح" الى... "انفشاخ"

ردا على سؤال استاذى العزيز/ ابراهيم عيسى

استاذنا الجميل والكبير ابراهيم عيسى كان سأل سؤال فى احد مقالاته اليومية فى الدستور والسؤال كان بيقول.. "كل رئيس بييجى فى الحكم بيطلع السبب فى الحال اللى البلد فيه على الرئيس اللى كان قبله.. يا ترى لو جمال مبارك مسك... هيقول ايه؟؟"
رودا على سؤال استاذى العزيز.. انا فكرت فى انى ارد من خلال دولتنا الخيالية "مصير المحروتة".. والرد ده طبعا بيعبر عن تصورى انا لابطال دولتى.. وكالعادة اى تشابه فى الشخصيات او الاحداث فهو مقصود وعن عمد وليس اكثر.....
-------------------------------------------------------------------------------------------------------------------------------------------------------------------------------

دولة مصير المحروتة
التالتوية العامشة
امتحان مادة اللغة العربية
الزمن المسموح: لغاية ما تخلص
------------------------------------------------------------------------------------------------------------

السؤال الاول.. التعبير
*اكتب فى احد الموضوعين الآتيين..
1)بعد ان انتشر الخراب والفساد فى مصير المحروتة فى عهد الرئيس الراحل حسين مبروك, جاء وريثه جميل وكلل توقعات العالم بالنجاح واعاد النهضة والبناء والتعمير الى الدولة وهو ما نراه جميعا حولنا فى تغير علم الدولة ونشيدها الوطنى وحل مشكلة الحشيش والعديد من المشكلات الخطيرة التى واجهت الامة..

2)يعد جميل مبروك رئيس جمهورية مصر العربية هو الرئيس الاكثر تأثيرا فى تاريخ الدولة رغم ان مدة حكمه لم تتعدى الاشهر الثمانية الا ان عبقريته فاحت وناحت على ام البلد مما يبشر بقضاء مدة حكم مليئة بخطى الاصلاح وام صلاح..
------------------------------------------------------------------------------------------------------------

السؤال التانى.. القراءة
*من موضوع.. "انا وبابا"
(وكان جميل مرافقا لوالده الراحل الرئيس حسين مبروك يتعلم منه ويستزيد من خبرته دون ان يعلم الرئيس الاب ان عبقرية ابه ستفوق عبقريته وان انجازات الصبى الناشىء سوف تتخطى كل ما وصل اليه خيال الوالد العجوز)
-اجب عن الاسئة الاتية..
1)اذكر مواقف من حياة جميل الطفل ذو السابعة والتى كانت ذات عظيم الاثر فى قرارات اتخذها والده وثبت صحتها.
2)برهن على عبقرية جميل الشاب من خلال اعادة سرد دوره البطولى فى انقاذ والده من محاولة الاغتيال الفاشلة فى "اديداس يا ماما".
3)كان لفكر جميل الاقتصادى عظيم الاثر فى انتعاش الاقتصاد المصير المحروت رغم ان فكره هذا قد بدأ فى التدفق قبل توليه الحكم.. اذكر خمسة وعشرين موقفا توضح ذلك.
--------------------------------------------------------------------------------------------------------------

السؤال التالت.. القصة
*من قصة.. كفاح شعب مصير المحروتة
(وكان جميل-حتب يصول ويجول على العجلة الحربية وسط الهكسوس كالاسد المغوار لا يهزه خوف ولا يردعه حمار, وظل يحارب وحده جيوش الهكسوس رغم قضائهم على جميع افراد الجيش الا انه استطاع فى النهاية القضاء عليهم جميعا ولا اجدعها فيلم هندى لان الهكسوس لم يكن لديهم اى عجل او موتوسيكلات 4 راكب واتقطع نفسهم من الجرى ورا عجلته لغاية ما تعبوا وفيصوا وتم تحقيق الفوز لمصير المحروتة)
-اجب عن الاسئلة الاتية..
1)اكتب فيما لا يقل عن 6 برديات كيف ان المخترع الفارس الملك "جميل-حتب" قد قام بوضع تصميم العجل الحربية واللتى ادت لانتصاره فى الحرب.
2)انحت عشر احجار توضح فيهم الخطة العبقرية التى وضعها "جميل حتب" والتى ضحى فيها بالجيش المصرى مناجل تأمين قضائه على الهكسوس واهو كله يهون عشان عيونك يا مصير يا محروتة.
3)قم بصنع مسلة بارتفاع عشر طوابق تحكى فيها عن انجازات الملك "جميل حتب" فى العام 2012 قبل الميلاد بداية من الساعة 7 مساءا وحتى 9 مساءا من الاول من ابريل.
-------------------------------------------------------------------------------------------------------------

السؤال الرابع.. النصوص
*من نص.. يا جميل يا جميل

يا جميل يا جميل..بنحبك كتير
يا جميل يا جميل..والله دا كتير
يا جميل يا جميل.. تتلف فى حرير

-اجب عن الاسئة الاتية..
1)اكتب الجزء الدال على انجازات الرئيس جميل فى حل ازمة فلسطين اللى ابوه احتاس فيها 30 سنة
2)صف الحالة النفسية التى عبر عنها الشاعر اثناء تأمله فى جمال جميل
3)اكتب 28 بيت من تأليفك فى عظمة الريس وما تنقلش كلام اللى قدامك لانك هتتقفش
-----------------------------------------------------------------------------------------------------------

السؤال الخامس.. البلاغة

ايا جميلا قد فاق جماله الجمال
يا من تنزلت علينا لحمة واموال
يا من تزقزقت باسمك العصافير عند الشجدرة اللى فوق البقال

-اجب عن الاسئة الاتية..
1)استخرج من الابيتا لون شعر جميل مبروك الرئيس والزعيم والقائد
2)من السطر الاخير وضح المجهودات العظيمة التى قام بيها الرئيس جميل واللى خلت البقال يزرع الشجرة اللى وقفت فوقها العصافير تزقزق باسم جميل
3)وضح الجمال فى كلمة "لحمة" فى السطر الثانى(حاول تفتكرها من كتب التاريخ)
------------------------------------------------------------------------------------------------------------

السؤال السادس.. النحو

(نعم الخالق علينا لا تعد ولا تحصى.. فقد وهبنا رئيسا عقمت عن الاتيان بمثله الامم.. وهو يقودنا من تقدم الى تقدم ومن زهزهه وفخفخه الى زهزوه وفخفوخ.. والحياة بقت بكل الالوان مش بمبى بس زى ما كانت فى عهد والده)

-اجب عن الاسئة الاتية..
1)اعرب كلمة "رئيسا" على ان تكون فاعلا و رافع ليس مرفوع(اتصرف بقى انا مالى)
2)اثبت بالادلة ان "هو" لا يمكن ابدا ان تعود على اى حد تانى غير رئيسنا المحبوب
3)ادخل كلمة "جميل" فى اربع جمل مختلفة بحيث يكون فى احدها مبتدأ مقدم, وفى الثانية خبر مقدم وفى الثالثة مضاف اليه مقدم وفى الرابعه اسم ان مقدم
4)وضح فى ضوء الاشهر الثمانية الماضية من حكم رئيسنا العادل جميل مصير واضع الامتحان والذى جعل كلمة رئيسا منصوبة وليست رافعة(20 سطر كفاية)
-----------------------------------------------------------------------------------------------------------

this's how i made my decision

it's a true story..

--------------------------

--------------------------

--------------------------

-------

when i was 11 i was brought a plant of kinds to take care of,,

at the beginning i was delighted with it and took good care of it,,

time passed and my interest in it started to weaken,,

after a year or two i started to neglect it totally,,

i almost forgot to water it and give the propper nutrition,,

its leaves went yellow and shrinky,,

then i remembered that it had had no water for months and i rewatered it,,

its leaves went healthy again with the first drops of water, or let's say right after i finished watering it,,

then i spent a little paying quite good attention to it,,

time passed and i started to neglect it again,,

it's leaves went yellow and shrinky again,,

not shortly after, i remembered to water it,,

with the very first drops of water, its leaves went green and healthy again,,

the story continued on the same routine,,

times of care and times of neglecance,,

times of health and times of weakness,,

the point is that,, it never died,,

it was always there waiting for the drops of life,,

though it knew it would suffer hard times of lack of water,,

it never quitted,, never gave in,, never surrendered,,

always kept holding the hope so tight,,

waiting for the moment its roots would get wettened again,,

waiting for the time it would feel alive again,,

not because it liked that kind of life,,

not because it was so idiot to agree to such treatment,,

but only because it knew the moments of wet soil deserved to endure the times of fatal lack of water,,

only because it knew it could take it,,

حوار "الوريث" مع شباب دولة "مصير المحروتة"...

عودة مع فصل جديد من مسرحية بتدور احداثها فى دولة من دول العالم القديم هى الافضل على الاطلاق بين الدول اسمها "مصير المحروتة"...
-------------------------------------------------------------
الشخصيات..
-محمود حسين مبروك.. الرئيس
-جميل.. الابن الاصغر
-حبوب العدل.. وزير الداخلية
-------------------------------------------------------------
-فى دولة "مصير المحروتة" قاربت الفترة الرئاسية الحالية على الانتهاء وأعلن الرئيس "حسين مبروك" عن عدم نيته فى الترشح لفترة رئاسية جديدة (كالعادة) واعلن عن عدم تحدثه مع ابنه الاصغر "جميل" فى موضوع التوريث, وامتلأت وسائل الاعلام بأخبار لقاء بين نجل الرئيس المعروف فى الاوساط السياسية بلقب "الوريث"وشباب الدولة فى لقاء عبى شبكة الانترنت فى حوار مفتوح بين الشباب ونجل الرئيس الشاب ذو الاعوام الخامسة والاربعين(مش ذنبه ان ابوه طول فى الحكم), والندوة كانت فى اطار حرص نجل الرئيس على التواصل مع الشباب باعتبارهم جيله وهما مستقبل "مصير المحروتة"..
-شروط الاشتراك فى الندوة..

1)تسجيل ال ID الذى يتم استخدامه فى المحادثة قبل موعدها بشهر على الاقل لدواعى امنية.
2)مرور عام على الاقل على انشاء ال e-mail المستخدم فى المحادثة.
3)تكون المحادثة بالصورة والكتابة وليس الصوت(ما هو مش مضطر يسمع اصوات البقر.. اقصد البشر)
4)شهادة تحمل توقيع خمسة من اعضاء الكونجرس بالاضافة لتوقيع سعاد حسنى او سوزان تميم(ايهما ايسر).
5)الحضور بالملابس الرسمية.. بنطلون low waistوT-shirt glitter للولاد وكات واسترتش للبنات ويفضل brands معتمدة.
6)ممنوع تماما القرصنة على السيرفر المستضيف للندوة واللى هيعمل كده هيتجاب من قفا امه(على حد تعبير حبوب العدل).
7)انطلاقا من مبدأ الحوار مع الشباب هتكون اللغة المستخدمة هى لغة الشباب ولمن لا يتقنها يجب الرجوع لقايمة الاعمال الكاملة لـ"نجم الجير" ودراستها.
8يمنع تمام الـ download قبل الندوة بشهر والى بعد نهايتها باسبوعين لضمان سلامة ال DATA المنطلقة اثناء الندوة وعدم حدوث اى "تقل" للشبكة يأثر على مهمة موتسيكلات الحراسة الايكترونية داخل الشبكة.

ويتمنى لكم السيد جميل ندوة ممتعة ويعبر عن رغبته فى حضور جميع فئات الشعب وبخاصة شباب القرى والمراكز الصغيرة ويبدى اهتمامه الخاص بحضور شباب فئة "معدومى الدخل" بعد اختفاء طبقة محدودى الدخل من الدولة..
-----------------------------------------------------------------------------------------------------------
فى الندوة..

-جميل: مساء الخير على اجدع شباب فيكى يا محروتة.
-الشباب: خمسة مسا يا جيمى.
-جميل: انهاردة احنا عاملين القعدة دى عشان نلخص فى حوار الحكم ده ونرسيكم على التيتة.
-الشباب: واحنا اتلمينا كلنا وملينا السايبرات والقاعدة ورد بس شهيصنا انت.
-جميل: بصوا بقى, انتوا عارفين ان عمكم حسين خلاص كبر وعجز ومبقاش فيه حيل يحكم, يعنى بالعربى سلم نمر.
-الشباب: ده احنا اللى سلمنا نمر وهو لسه قاعد بصحته, ده فيه صحة مش عندنا يا عم.
-جميل: مهو نقكم ده جاب اجله خلاص وبدأ يخوخ, سيبكم انتوا من البقين دول انا قاعد معاه وراسى على الليلة كلها, الراجل خلاص هيحل عن قفانا قريب.
-الشباب: يا رب احفادنا يلحقوا اليوم ده.
-جميل: انا لميتكم انهاردة عشان نتكلم فى الجد, بصوا انا همسك الحكم من بعد ابويا, بس مش بالتزوير لا سمح الله وانما انتوا هتنتخبونى بكامل ارادتكم فى انتخابات حرة نزيهة.
-الشباب: **********

(يظهر كلام بخط احمر على الشاشات يقول: "عرفناك يا عمر يا طيبانى".. وبعد ثانية واحدة تسجل الشاشة خروج احد الشباب الحاضرين الندوة مع ظهور علامة جمجمة مكان ال ID بتاعته)

-جميل: فككم من الكلام اللى ملهوش لازمة ده, انا جبت لكم برنامج انتخابى فيه حلول لكل مشاكل مصير المحروتة الرئيسية وحلول جذرية وقابلة للتنفيذ وهى دى اللى هتخليكم تنتخبونى.
-الشباب: غنى يا نجم.
-جميل: انا لخصت مشكلات مصير المحروتة الرئيسية فى ست مشكلات رئيسية هى سبب تخلف الدولة وتأخرها عن دول العالم المتحضر.
-الشباب: عيش وعيشنا يا برنس.

-جميل:
1)المشكلة الاولى والخطيرة جدا.. علم مصر.. شكله مش بيعبر عن اى معنى وانا من خلال دراستى فى الجامعة الامريكية ما لقيتش ليه رابط باى من الاحداث التاريخية الهامة فى الدولة(انشاء قرية مارينا, تعمير شرم الشيخ, بناء الماجيك لاند....).. وعشان كدة انا اخترت وزير الثقافة الفنان "فايق الدكر" عشان يرسم العلم الجديد للدولة وانا كمان عجبتنى لوحة راسمها بتعبر عن مصر عبارة عن عمود احمر طويل على خلفية زرقا وحواليه نقط بيضا وسودة.. وبكدة نكون اتغلبنا على المشكلة الخطيرة الاولى..

2)المشكلة التانية المهمة اوى.. النشيد الوطنى بتاعنا قديم وملهوش معنى وعليه انا شفت ان من اهم خطى الاصلاح اننا نغيره, فكرت اننا نخلى الشاعر العظيم "فرفور حلاوة" يكتبلنا النشيد الجديد وبعدين نعمل استفتاء عشان تختاروا انتوا يا شباب المستقبل مين اللى يقدم النشيد بصوته.. الهضبة ولا نجم الجير.. وبكده نبقى حلينا مشكلة النشيد فى جو ديمقراطى سليم.

3)المشكلة التالتة.. ازمة المصايف.. طبعا فى الصيف الدنيا بتبقى حر اوى والناس محتاجة تصيف والساحل ومارينا اتملوا ومبقاش فيهم مكان.. عشان كده فكرت انى اشيل المدن الساحلية(بورسعيد, دمياط, رشيد, الاسكندرية.... لغاية السلوم) ونحولها لمصايف وهنتهم اهل المدن دى بالتآمر مع المستعمر ايام غزو الهكسوس اللى كان فى الجنوب وبكده نقدر نعدمهم بعد محاكمات عادلة ونفضى المكان خالص للمصايف.

4)المشكلة الرابعة.. تحديد كمية الـ download.. ودى حلها بسيط جدا.. احنا هنشجع المواقع اللى بتنشر الافلام بصيغة الـ rmvb عشان مساحتها بتبقى صغيرة وبكده مش هنحتاج الـ torrent فهنلاقى ان ال 25 جيجا مكفيين وزى الفل وهيفضل كمان منهم لتحميل الاغانى و "اللذى منه".. وبكده اتحلت الازمة اللى داخ فيها هتلر.

5)نيجى بقى للمكشلة الخامسة والاهم والاخطر على الاطلاق.. الحشيش.. رغم ان دولتنا المحروتة بتحتل المركز التانى بعد افغانستان كتانى اكبر سوق للحشيش فى العالم الا ان النوعيات الموجودة فى السوق مضروبة ومليانة ملوخية وده اسمه اهدار للمال العام لما الشاب يروح يدفع الـ 120 جنيه فى قرش مضروب, وبصراحة الازمة دى اخدت منى وقت طويل لحلها بس لقيت حل كويس جدا, انا هعمل بطاقات تموينية للشباب بحيث ان كل شاب يحصل على فرش حشيش كامل شهريا من الدولة زى الزيت والسكر اللى ابوه بياخدهم, وكمان هندعم الحشيش اللى فى السوق ونحسن نوعيته عشان يكون فى متناول الجميع وهنعاقب اى dealer نلاقى عنده صنف تعبان.. وبكده يبقى اقدر اطمنكم ان الازمة دى هتتحل تماما.

6)المشكلة الاخيرة.. البطالة.. ودى حلها ابسط من البساطة لدرجة انى مستغرب ان محدش فكر فيه.. الحل يتلخص فى انشاء ثلاث شوارع فى جميع محافظات مصر تحمل الاسماء التالية.. (شارع الهرم-شارع جامعة الدول العربية-شارع عباس العقاد).. وبكده الشباب من جميع المحافظات هيلاقوا شغل جامد فحت.
طبعا بعد حل المشكلات دى هننطلق بسرعة الريح(ايا كان مصدره) للعالمية وهنقدر فى وقت بسيط جدا نسبق الدول التانية..

(ورغم ان الندوة مكتوبة وغير مسموعة تتعالى الاصوات من جميع الاجهزة المشتركة فى الندوة-بقدرة قادر-بتهليل وتصفيق حاد لنجل الرئيس على افكاره العبقرية التى من شأنها اصلاح الدولة تمام بعد مسيرة اصلاح والده)

(يتنبه الوريث لان التهليل مصدره "الهتيفة" بتوعه اللى جابهم معاه وان شباب الندوة كان اخر تعليق ليهم بعد المشكلة الاولى بيقول.. "معاك معاك ومعاك قلوبنا". وان جميع المشاركين قد اختفوا تماما من الندوة دون تفسير)

(فى اليوم التالى يشاهد الوريث خبر على قناة ال WWC يتحدث عن انتحار جماعى لشباب مصير المحروتة ما بين الحرق والشنق وضرب المطاوى والقفز من على جبل المقطم والهرم الاكبر فى ظاهرة غير مسبوقة وغير مفهومة راح ضحيتها 100% من شباب الدولة)

the girl i would marry

like any man on the earth,, i want to marry and have a quiet life with a good girl,, not now yes,, but someday i will,, but when this day will come??

well,, i believe it will come when i find the girl who has all that i'm looking for in a girl,, and i don't ask for too much..

i want my girl to be..

-girlish.. like girlish..

-loyal to me for i will be very loyal to her..

-sees no man on the earth but me while she knows i'm not the most perfect creature on this soil,, but it seems fair coz i will not see any other girl but her..

-loves me as if our love is something regeneratable every day and every moment,, i swear my love won't be something less..

-if it happens and she gets upset with me,, she must respect me in her anger as she does in her satisfaction,, for i can never treat my woman badly and i expect the same..

-she must know that i am her shelter and her resort,, i don't like strangers between us,, and i guarantee she'll get the same from me

-i need her to be a lover,, a wife,, a friend,, a warm embrace and to be the heavens that softly takes away all the misery this world left in me,, and i will make her my princess,, and i mean it..

-i want her to feel that i'm everything she has coz she will be everything i have..

-i want her to never hurt me,, whatever happens,, coz i can't stand hurting the one i love,, and hurts from the loved ones always killed me...

when this girl exists(not such a girl),, my day will have come,, and i will have married,,

but since i deep inside believe this girl can never exist,, not in this lifetime at least,, i will enjoy my loneliness for the very ever,, waiting for the one who will never come...