غوغائية العموم.. و عموم الغوغاء

ازواق الناس بتختلف وكذلك ارائهم من شخص للتانى.. واحيانا من مجتمع للتانى.. ودايما بيكون من الصعب انك ترضى كل الازواق بحاجة واحدة.. يعنى صعب انك تجمع كل الناس على واحدة.. وبيفضل دايما الناس متفرقين بين حاجتين او اكتر.. وده معناه ان بيكون فى اغلبية بتحب حاجة واقلية بتحب حاجة تانية(دى مش قاعدة بس ظاهرة).. طبعا ده فى الازواق ودى حاجة انا مش من حقى اعلق عليها انطلاقا من مبدأ ان كل واحد حر فى اللى هو عايز يعمله و .. ام الناس(على رأى ميلودى).... يعنى خليك براحتك

انما كمان من الملاحظ بقى بجد ان فى معظم الاحيان الاغلبية بتتجمع على الحاجة الوحشة والاقلية هى اللى بتنتقى الصفوة.. والامثلة على دى كتيرة اوى..
يعنى مثلا...

-الرسول (عليه الصلاة والسلام) رفضه ورفض دينه معظم البشر وتجمع حوله الاقلية فى الدنيا.. رغم انه جاء باعظم ما نزل على الارض.. دين كامل شامل لا عيب فيه ولا نقص ولا تحريف ولا تعديل ولا هوى.. دين ربنا قال عليه "فى لوح محفوظ". دين ربنا بعته يكون هداية للناس مذ بعثة محمد عليه الصلاة والسلام حتى نهاية الزمان الا ان يرث الله الارض ومن عليها...

-مثال تانى.. فى دنيتنا الجميلة دى نلاقى لو فى فى التليفزيون حلقة لعالم جليل(مصطفى محمود مثلا) او شيخ عنده من العلم بحور وبحور زى الشيخ القرضاوى على سبيل المثال.. تلاقى ان عدد مشاهدين الفقرات دى ما يتجاوزش بضع مئات فى حين انه فى نفس الوقت بيكون فى كام عشرة الاف بيتفرجوا على فستان هيفا بتاع الكليب الجديد واللى جابته من عند الترزى بس نست ديله ورجله ووسطه وهو اساسا كان مفتوح من فوق من غير صدر(لزوم التهوية)....

-مثال تالت.. حتى على مستوى التفاهة بنختار دايما اسوأ انوع التفاهة ونستتفه بيها.. يعنى مثلا كلنا شفنا الحرب العظيمة اللى شهدتها مصر مؤخرا بين جمهور عمرو دياب و جمهور تامر حسنى وبدون التنويه عن ان الحرب اللى قبلها على طول كانت حرب اكتوبر 1973(يا رب يكون شباب اليومين دول عارفينها).. نلاقى ان كان الموضوع جد و"لازم تشترى البوم عمرو" و "تامر حقق 3000000 برطوش" وحاجات من دى وحملات شعبيه ودعاية.. بصراحة جاتهم خيبة..
انا مش بقول ان الفن تفاهة.. بالعكس.. الفن شيطان(حسب وصف دكتور مصطفى محمود).. بس انا شخصيا بحب الفن بكل صوره(باستثناء الرقص.. اذا اعتبرناه فن اساسا)..اذا كان تامر ولا عمرو فان الاتنين مع احترامى مش بيقدموا قيمة فنية تستحق كل ده.. يعنى هما الاتنين اذا قيمنا ادائهم "فنيا" وليس "جماهيريا" هنلاقى ان مؤشراتهم تجتهد للخروج من دائرة السالب للوصول للصفر...
فى حين نلاقى قلة بتسمع الفنانين الحقيقيين امثال(كاظم-فيروز-اصالة ايام ما كانت اصالة-عاصى-صابر الرباعى-ناظم الفزالى-محمد عبد المطلب....).. يعنى حتى فى امور الترفيه اخترنا السىء...

-وطبعا مفيش مثال احسن من اختيار غالبية الشعب المصرى ل "كيلوباترا" يدخونها.. اى نعم لاسباب اقتصادية الا انى اعرف ناس وضعها كويس جدا وعندها كليوبترا احسن من السجاير التانية.. يعنى حتى فى القرف مقرفين!!!


طبعا محدش يقول ان ربنا خلق الناس كده.. لان احنا متفقين فى ان الانسان مسير فى امور(الاسم-اللون-الشكل-العمر.. ودى لا يحاسب عليها) ومخير فى امور تانية.. اللى هى بقى ما يتعلق بالاختيارات الشخصية(طريقة كسب الرزق-طريقة التعامل مع الناس-الاختيارات المختلفة.. ودى اللى بيتحاسب عليها).. اذا فهى صفة ان الجموع تميل للغوغائية وان الرقى من صفات الخواص.. وعشان كده الناس اللى فعلا مبدعة وفعلا تستحق التقدير بيكون حظها فى الدنيا قليل وغالبا بتعيش حياة صعبة ومغمورة.. لان دول ربنا اصطفاهم يكونوا اهل الجنة.. فى حين ان الغوغاء بيئتها الدنيا والغوغائيين جنتهم فى الارض...

cursed life

long ago

misery and sadness

pain and tears

a desperate search

for the non-existing truth

never seemed to get close

never seemed to be real

days pass

over and over again

pain and tears

sadness and sorrow

endless suffer

troubleful times

seeking salvation

even seems in vain

many tries

a lot of patience

more pain

more suffer

still many tries

times of faking the truth

times of non-existing hopes

and soon enough

all seemed to be in vain

finally a pale light

shows in the horizon

giving strength to go on

giving hope to breathe

getting closer to it

too many secrets reveal

a secret that it's impossible to reach

a secret that it's just more pain

however so sweet it seems

a secret that only death is the way

a secret that only death is the way

now what

bound to a promise

a promise to be bound

to that will never be

crippled by the ashes

of all that used to be

seeking salvation

no more

just giving in

just bleeding tears

obeying the wave

wherever it goes

whenever it leaves

the end of the story

just revealed

nothing more than

the very beginning

just some more pages

filled with pain and despair

then more and more

pain and despair

raining blood and tears

a sudden end

without a change

leaving only nothing

nothing to remain

nothing to remain

nothing to remain

it's all about choice

when u r suspended between two things u can't survive without any,, yet it's impossible to have them both simultaneously..

both are essential,, both are vital,, both u can't give up on,, both u can't gather together... and both will go away in time if u don't find an absolute solution to this trouble..

i'm kinda in this situation,, well not kinda,, i'm already in this and i can't find that absolute solution,, and i think things r just gonna screw on me and as usual i'll be the only loser at the end...

i'm really confused and can't think clearly..

harry potter and the half-blood prince

well, i'm just back from the cinema where i watched the movie i was eagerly waiting for for over two years, "harry potter and the half-blood prince"...

i have to admit that i'm totally disappointed,, the director,, sorry the stupid ass who's called the director insists that he should do everything but not the stuff mentioned in the original perfect novel by J. K. Rolling, he's talented in turning any successful story to a fail movie and boring empty one..

i don't know what he does think he's doing?? what the hell runs in his damn mind when filming the HP series??

i'm really amazed,, what if JK didn't describe every little detail in the story??

i always believed that harry potter movies would be great even if they were made without directors, for JK made it easy even for the decoration staff to direct the movies successfully...

i have some comments on the performance of the actors in this movie..

-Daniel Radcliffe(harry potter),, the worst performance all over the series,, he acted as if he was a beginner not a professional actor, he's performance was so weak,, empty of any sense.. i believe this is the made of the director..

-Emma Watson(hermione),, i feel like she was absent!!! where's the exceptionally brilliant hermione???,, her performance really lacked everything that made her the Emma we love.. very much disappointing em..

-Rupert Grint(ron).. quite good performance in comparison to a bad movie..

-Michael Gambon(dumbledore),, really words refuse to come out??? where's our serious, strict headmaster?? the 6th part dumbledore should have been the most serious,, strict,, powerful of all(except when he dies, he should be weak).. sorry Sir. Michael,, i saw a clown in the movie not Hogwarts powerful headmaster..

-Alan Rickman(snape).. although ur role was eaten in the directors belly,, u showed a brilliant performance as usual...

-Tom Felton(draco malfoy).. the best actor in the movie,, u really gave an outstanding performance and did u role so perfectly,, even though the stupid director tried to make ur role so mysterious that no one can understand what's happening.. great performance tom..

-Helena Carter(bellatrix),, brilliant performance as usual,, u r such a great actor and u play Bella like no one else can do..

the rest of the staff were absent thanks to the genious director,, he can't direct even an animation movie, so it's hard for me to understand why WB lets him spoil the story..

some questions for the ass.. David Yates..

-are you sure you read the "harry potter and half-blood prince" we read??

-who told you that dumbledore should smile like a clown and give silly comments which are supposed to make the audiences laugh??

-tell me mr. ass,, where's dumbledore's very famous semi-lunar glasses?? i bet u don't even know about them.. well let me tell u ass that they are a specific feature of dumbledore,, but since ur presence shined the movies u dropped them with too many other stuff we liked in the HP world.. fuck u

-i was really disappointed by the fifth part, but i kept telling myself that you will change and may read the synopsis of the 6th part,, but here u prove that u r just a cunt who finds joy in spoiling our HP..

-who's the genius who told u that harry should smile like a dump when hermione tells him that ron's blessed his love to genny??? ddin't they tell u that dumbledore died a few days just before that happens???

-what would happen if u made the movie last for three or four hours and give the novel it's full time and right??

i heard that the seventh part is to be split onto two parts,, but there's some inner voice raising telling me that u'll make it one movie with a duration of 1:30 hours,, i believe that u r able to do so...

and yeah,, i spent like 10$(it's quite big sum when u wanna watch a movie in egypt,, this usually costs 5$ only) and took rides for over two hours and forced myself to be sitting two and a half hours behind a whole line taken by girls,, and after this all i get disappointed.. who's gonna pay me back dump???

WE DON'T WANT TO SEE UR NAME ON THE COMING PART

ببساطة.. خليك سلبى

فى حياتنا بنصادف مواقف كتير بتثير جوانا احيانا مشاعر واحيانا افكار واحيانا تساؤلات.. بس فى كل من الحالات دى بيكون دايما فى عندنا رغبة اننا نـ respond للمواقف دى.. يمكن بكلمه, او ضحكه, او نظرة دهشة, اوحتى.. صمت وبس...

انا مؤمن ان الانسان مش ينفع يكون عايش بمبدأ وانا مالى.. وانه لازم يشارك فى كل حاجة بتحصل حواليه ويكون ليه ايد خضرة(او حمرة مش هتفرق) فى تغيير الحاجات اللى مش كويسة فى المجتمع اللى حواليه.. حتى لو كان عارف ان محاولاته دى مش هتنجح.. بس اهو لازم الانسان يحاول طول ما فى اللى يقدر يقدمه..
بس بصراحة احيانا الواحد بيقابل انواع من المواقف والمشاكل فى المجتمع ببساطة مش ليها حل.. يعنى مهما عملت فانت "بتأذن فى مالطة".. ومهما حاولت تغير فمفيش فايدة..
يعنى فى شوية مواقف احب اذكرها تبين اللى اقصده...

-انهارده وانا راكب عربية القاهرة من رشيد العزيزة الساعة 3 قبل الفجر.. الناس نامت بعد السواق ما طلع.. قام واحد عنده يجى 22-24 سنة كده مصحى الناس وقام مخبط على اتنين وقال الجملة الخنيئة المشهورة.. "اصحى يا صاحبى ما تنامش".. الناس قاموا مفزوعين وقالوا فى ايه.. قام قال بسلامته "لا انا بعمل هيصة وجو عشان الناس ما تنامش"...
انا ما كنتش نايم لانى مش بعرف انام فى العربيات بس لما شفت الموقف بجد مبقيتش عارف اقول ايه.. بصيلته بصة احتقار واستتفاه(وليس استسخاف) وفضلت ساكت.. بس السواق اداهوملو فى العضل صح...

-فى مرة تانية كنت على المحور عشان اركب عربية لاكتوبر وكنت واقف وحدى وبعدين جه واحد وقف جمبى.. وجات عربية فيها مكان لواحد بس..طبعا الطبيعى انى كنت اركب الاول.. مش عشان انا ابن احمد نظيف ولا لانى saint. Isalm ولا حتى انا كنت واقف نص ساعة مش لاقى عربية.. بس ببساطة عشان انا كنت واقف الاول..
جه الاخ بسلامته و نط فى العربية قبل ما تقف عشان يركب هو.. كان فى مجال انى اقوله انه المفروض اركب انا بس سيبته من باب ان محدش بياخد رزق حد وان ببساطة مش دى العربية اللى مكتوبالى فى السما..

-حاجة تالتة انا كنت فكرت اكتب عنها موضوع مستقل لكن بصراحة لقيت انى هستتهف نفسى لو عملت كده لانها ببساطة مش تستاهل تاخد من وقتى حاجة.. وهى الموضوع السخيف اللى اسمه "عمرو ولا تامر".. مع احترامى للاشخاص واحتقارى للفنانين دول.. فان اعتقد ان ده موضوع اتفه من انه يعمل الحرب اللى فى البلد دى و حملات "لازم تشترى البوم عمرو" و " اشترى الالبوم اكتر من مرة عشان يوزع اكتر" و " عمرو باع 3 مليون نسخة"-قال يعنى فى فى مصر 3 مليون بيسمعوه- ويطلعوا بتوع تامر يقولوا لا ده تامر هو اللى باع ال 3 مليون.. وكانهم دخلوا الجنة يا خى.. لما بقابل مجانين من بتوع الحملات دى مش برضى حتى انى اتكلم معاهم ولا احاول افهم هما ليه بيعملوا كده فى حاجة مش مستاهلة اساسا...

يعنى اللى اقصده ان فى امراض فى المجتمع الكحيان ده(اصلى لسه ناقم على المجتمع) ملهاش علاج ومش هتتحل حتى لو قعدت عمرك كله تحاول تصلحها.. لانها داخلة فى طبيعة الناس نفسها وعلاجها فى شعوب زى بتاعتنا محتاج انك تعمل blood exchange transfusion مش تدى chemotherapy او radiotherapy.. لازم تستنى لما الاجيال المتخلفة تضمحل وتنتهى تماما عشان يبقى فى امل انك تشوف تغيير.. يعنى نتقابل كمان 50 سنة.. وحتى ذلك الحين...
ببساطة.. اسكت وخليك سلبى

ده منزلش مصر

"شفت التليفون ده؟؟ خالى جايبهولى من ليبيا.. اصله مش هينزل مصر.. ده حاجة نضيفة اوى"
"شفتى ال ipod الجديد بتاعى؟؟ بابى جايبهولى من انجلترا وهو راجع.. متلاقيش منه فى مصر"

الكلام ده اكيد كلنا بنسمعه من زمايلنا و الناس اللى نعرفها.. ويمكن نكون قلناه قبل كده..
من ضمن العادات المتخلفة اللى للاسف منتشرة فى مجتمعنا الاكثر تخلفا(انا عادة مش ناقم على المجتمع بس انا منفوخ اليومين دول) اننا لما نجيب حاجة جديدة عشان نثبت انها بنت ناس اوى ونضيفة نقول انها مفيش منها فى مصر او انها لسه ما نزلتش مصر.. او انها اصلا مش بتنزل مصر.. وبكده تبقى الحاجة ده نضيفة اوى وبتستحمى ببريل الاقوى من الدهون..

انا فاكر فى مرة كنت بتكلم مع الشاب اللى بحلق عنده(هو بصراحة انسان كويس وانا بحبه بس عيبه انه بيحب عمر دياب).. قالى: "الباشا هيعمل حفلة فى مصر وجايب معاه الالات بتاعته من بره عشان النوع اللى بيستعمله مش موجود فى مصر"..
اى نعم انا بحلق عنده من حوالى 5 سنين بس موقعى فى المحل مش يسمحلى انى اقوله احة..
ما ناقصش كمان غير عمر اللى جمهوره هيقرف من مصر...

انا بس عايز افهم السيكولوجى بتاعة الناس اللى مش بتفكر اصلا دى.. يعنى هو بسلامته اى حد يجى يتكلم عن مصر بالاستحقار ده.. بيثبت انه بجد على قدر عالى من الغباء.. ليه؟؟ انا اجيبلك التيتة..
مصر يا محترم كوطن مش بايده انه يبقى عالى او واطى وانما اللى بيعليه ويوطيه هو الناس.. يعنى البؤاء(جمع بؤ) اللى بتتكلم دى.. فلما يجوا يستعروا منه يبقى بيعترفوا انهم فى الاساس ناس واطية وصلت بيها درجة الحقارة والدنو انها بقت تقرف من نفسها اساسا..

يعنى انا فعلا نفسى افهم.. لما هى مصر وحشة كده(زى البقر دول ما بيقولوا) طيب ما يسيبوها؟؟ يشوفولهم حظيرة من الخليج يعيشوا فيها ولا اى خرابة تانية..
ثم ان لسانهم ابوا مترين اللى نازل تقطيع فى البلد ده.. طلع منين؟؟
مش من خير مصر برده؟؟
ولا ابوها جابهولها من انجلترا مع ال ipod؟؟!!!

مصر دلوقتى بتمر بمرحلة خطيرة فى تاريخها ومحتاجة اللى فعلا يحبها ويقدرها مش اللى يقرف منها ويتفاخر انه بيلبس من عند برادا وكونكريت وبياكل عند ماك وعميل دائم فى فيرجن ستورز...
لا.. مصر محتاجة اللى بجد يعرف قيمة سندوتش الفول اللى طالع من تحت ايد نور تلوث بعد الفجر.. ومحتاجة اللى ينزل يشترى القميص من محل "انا مصرى.. كلمنى بالعربى" بدل جوتشى واخواته..
يمكن يكون المنتج المصرى "احيانا" اقل من المستورد.. الا ان المسألة مسألة مبدأ.. يعنى الفكرة فى المبدأ مش المنتج.. وانا مقتنع تماما انى كمصرى لازم اقف جنب انتاج البلد دى واتفاخر بيه وهو اكيد مع الوقت اللى بايظ فيه هيتصلح وهيبقى احسن..
بس ده اساسا مش هيجى غير لما اتعلم انى ابطل اقرف من البلد دى واتعلم ازاى اقدرها واتعلم قد ايه هى كبيرة وقد ايه هى عظيمة وانها فعلا تستحق انى اتفاخر بالانتساب ليها.. حتى لو كانت فى اسوأ حالاتها

أوباما الدين الايوبى

من اكتر من شهر والصحف كانت بتتكلم عن الزيارة المرتقبة للرئيس الامريكى النشيط "أوباما" للقاهرة وتوجيه خطاب للعالم الاسلامى منها باعتبار ان التاريخ بيبدأ من عند مصر وهى الدولة الاهم والاقوى فى المنطقة العربية على مر التاريخ (وحتى اثناء فترة الاضمحلال اللى مصر بتعيشها فى عهد الاسرة الفرعونية الـ 31 واالى بقالها حوالى 28 سنة ولسه) تظل مصر هى الدولة الابرز فى العالمين العربى والاسلامى ومن هنا اختارها اوباما لتوجيه خطابه اللى كان متوقع انه هيكون فتح جديد بين العالمين الاسلامى والغربى او خلونا نقول وغير الاسلامى لان الاسلام بفضل الله تعالى بينتشر فى الغرب بصورة كويسة جدا والحمدلله..

الخطاب القاه اوباما من جامعة القاهرة يوم 4 يونيو حوالى الساعة 12:35 بعد الظهر فى غياب من الرئيس المصرى(بدعى ازدحام جدول الاعمال) وبحضور كل من الشيخ سيد طنطاوى(امام الازهر الشريف) و د. حسام كامل(رئيس جامعة القاهرة) وبعض رموز القوى شبه السياسية فى الدولة من جميع الاحزاب وبعض الفنانيين ونحو 150 طالب..

قبل واثناء الخطاب حصلت بعض الممارسات والتعليقات سواء على المستوى الحكومى او على المستوى الشعبى ودى التعليق عليها محتاج اكتر من مجرد مقال وحيد.. عشان كده انا بس هعبر عن رؤيتى الشخصية للخطاب اللى القاه اوباما..

اوباما تناول 7 موضوعات فى خطابه انا للاسف ملحقتهمش من الاول بس لحقت اللى يكفينى انى افهم الصورة هتكون عاملة ازاى فى الفترة الجاية اثناء ولاية اوباما ويمكن فى الفترة اللى بعده..

بصراحة فى 3 نقط وقفت عندهم فى الجزء اللى انا سمعته وعنهم هيكون النوت دى باذن الله والنقط دى هى..

-موقف امريكا من الاسلام وعلاقته بالارهاب

-موقف امريكا من حرب العراق

-موقف امريكا من القضية الاهم على الاطلاق وهى قضية فلسطين الحرة

خلونى قبل ما ابدأ اقول حاجة عن اوباما.. طبعا وضح جدا ان اوباما انسان ذكى جدا وشخص عنده كاريزما عالية اوى وخطيب بارع.. يمكن لو كان بيتكلم عربى كان قال شعر.. كمان اوباما كان بيلقى خطابه من غير اوراق او حاجه وده شىء احنا مش متعودين عليه من رؤسائنا الافاضل اللى بيفضلوا طول مدة حكمهم(ابد الآبدين يعنى) يخطبوا من ورق مع انهم دايما بيقولوا نفس الكلام..

كمان اوباما قدر يستفيد من نشأته داخل مجتمع اسلامى رغم ان امه يهودية.. وعرف كتير عن المسلمين واستفاد من ده بذكاء واضح فى خطابه واللى ظهر فى استخدامه لآيات من القرآن الكريم والحديث الشريف فى اكتر من موضع من خطابه..

طبعا كلنا لاحظنا فى خطاب اوباما ان الراجل جاى فاتح ايديه ع البحرى وبيقول يلا يا مسلمين حطوا اديكم فى ايدى عشان نحقق هدف السلام فى العالم..

للاسف اوباما قدر بذكائه يخدع ناس كتير جدا.. عرف ازاى يضحك علينا بالكلام الجميل فى الأمور المطاطة اللى مش ممكن نلمسها على ارض الواقع.. يعنى مثلا الراجل قال ان الاسلام دين سلام وان الارهاب مش منه فى شىء وقال انه هيدافع عن حقوق المرأة المسلمة فى الحجاب والتعليم والعمل والمسواة وكل الكلام اللى مفيش منه فايدة ده.. كان كلامه جميل فى الامور اللى مفيهاش تنفيذ فعلى.. لكن فى الكلام الجد بانت نواياه الداخلية وبان انه هو فعلا كان جاى عشان يقرطسنا ويلبسنا العمة وده بان فى النقط اللى هتكلم عنها دلوقت..

-بالنسبة لقضية الارهاب.. اوباما اكد ان الاسلام دين سلام مش دين ارهاب واكد كمان ان امريكا مش بتحارب الاسلام ومش هتدخل فى حرب معاه عشان هو دين سماوى عظيم وكل الاديان السماوية بتحث على السلام وحقن الدماء.. لكنه اكد على ان امريكا هتحارب الارهب بكل صورة وايا كان مكانه واكد على ان امريكا هتحارب الارهابيين المسلميين(وخص الارهابيين المسلمين بالذكر) وده طبعا حفاظا على الامن القومى الامريكى اللى الامريكان انتخبوه عشانه.. يعنى من الاخر قال ان الحرب على الاسلام هتفضل زى ما هى

-فى قضية العراق.. الراجل دافع عن حرب امريكا على العراق دفاع شرس وقوى بوش نفسه يتكسف يدافع بالصورة دى عن حرب العراق.. واكد ان الحرب كانت ضرورية عشان يحمى امريكا من خطر صدام النووى وفكره الارهابى رغم انه ثبت ان النوى الوحيد الموجود فى العراق هو نوى البلح.. اوباما اكد ان الوضع فى العراق حاليا احسن من قبل كده وان المنطقة صارت اكثر امنا بعد رحيل النظام المستبد.. واكد على ان القوات الامريكية "المقاتلة" هتغادر العراق بحلول عام 2011/2012 يعنى ان شاءالله فى فترة نهاية ولايته.. بالظبط زى ما بوش قال ان امريكا هتخرج فى 2008 عشان يرمى بالمسؤلية علىا لرئيس اللى بعده.. وهنا بيتضح ان موقف اوباما من العراق هو نفسه موقف بوش لانه مش هيحل ازمة ولا هيغير واقع..

-بالنسبة للقضية الاهم وهى قضية فلسطين.. انا شايف انه يكفى ان اوباما بدا كلامه عن فلسطين بجملة

AMERICA'S STRONG BONDS WITH ISRAEL ARE UNBREAKABLE

ودى وحدها كفاية عشان نعرف انه مش هيجى بجديد فى الازمة الفلسطينية وده اللى بان فى تفصيل النقطة دى.. لما اتكلم عن معاناة اليهود واضطهادهم فى السابق وان ارض فلسطين هى موطنهم الحقيقى بحسب نصوص التوراة-المحرفة طبعا- واكد على ان المسلمين عارفين ان اليهود مش خارجين وان مفيش حل غير ان تقوم دولتين متجاورتين يعيش فيهم الفلسطينيين واليهود بسلام.. واكد على ضرورة انهاء عمليات المقاومة الشريفة فى ارض فلسطين وان الفلسطينيين المتوحشين لازم يبطلوا العنف الزايد مع اليهود الطيبين ونوه بسرعه كده-وكأن حد بيجرى ورا-ان اسرائيل لازم تقلل من عمليات الاستيطان-كلام كده لزوم العمة اللى بيلبسهالنا-.. يعنى برده اكد على ان القضية الفلسطينية مش هتتحل وان الفلسطينيين لازم يبطلوا المقاومة ويسلموا سلاحهم ويتضربوا وهما ساكتين لان اساسا حل الدولتين غير عملى او قابل للتنفيذ ودى حقيقة الايام هتثبتها...

التلات نقط دول وضحوا جدا ان اوباما مش هيختلف عن بوش كتير وده انا كنت شخصيا متوقعه لان السياسة الامريكية زى ما هو معروف اللى بيحطها اليهود مش الرئيس والرؤساء اللى بيتغيروا دول ما هما الا الصورة اللى بتنفذ السياسة اللى متحددة من اليهود نفسهم.. وده طبيعى فى دولة رأسمالية زى امريكا.. طالما ان اليهود هما اللى بيملكوا الاقتصاد الامريكى يبقى من الطبيعى ان التحكم بالسياسة يكون فى اديهم هما..

الفرق بين اوباما وبوش ان بوش كان عدو صريح لينا.. من اول ما جه وهو بيقول انه هيحارب المسلمين(عن طريق حروب الارهاب اللى كانت كلها على دول اسلامية) فى حين ان بوش جه فى صورة صديق بيمد ايده عشان يتعاون معانا وهو بيجهز اسلحته عشان يضربنا فى ضهرنا..

اوباما اخطر من بوش بكتير لان العدو الذكى بيكون مرهق فى التغلب عليه واوباما ذكى بجد عشان كده اللدغات بتاعته هيكون سمها اقوى واذاها اكبر..

ويمكن يكون رد فعل اوباما على خطاب نتن ياهو الاخير هو اكبر دليل على كلامى السابق..

-فى الخطاب نتن ياهو قال ان اسرائيل مش هتوافق على خارطة الطريق(اللى اليهود اصلا هما اللى حاطنها) غير بشروط هى..

1)عدم رجوع القدس للفلسطينيين

2)الاعتراف باسرائيل دولة يهودية.. يعنى ترحيل عرب اسرائيل

3)حل مشكلة اللاجئين خارج حدود اسرائيل.. يعنى عدم رجوعهم اصلا

4)دولة فلسطينية منزوعة السلاح.. لا تعليق

-وكان موقف اوباما ان خطاب نتن ياهو خطوة مهمة على طريق حل الازمة فى المنطقة...

فاضل انى استشهد بقول اتنين من اصحابى فى الموضوع ده لما اتناقشنا فى الخطاب..

-شاب فلسطينى قال ان اوباما "ثبتنا" فى الكلام.. يعنى بعد خطابه اللى جه بصورة fake اوى ده بقى اى حاجة تيجى منه بعد كده هنتعامل معاها على انها كويسة مع انها هتكون فى غير صالحنا.. بس عشان خطابه كان خادع يبقى احنا هنعديله اى حاجة.. يعنى يقصد انه كانه نومنا مغناطيسيا وبقينا نشوف كل كلامه صح لانه اقنعنا اننا على نفس الطريق

-تانى واحد هو صديقى العزيز جدا د. محمد حسن واللى قال ان اليهود جربوا معانا سياسة الصدام المباشر فى عهد بوش ولقوا ان دماغنا انشف من دماغهم والدليل انهم خسروا فى كل المعارك اللى حاربوها ضدنا(العراق-افغانستان-لبنان-غزة) وعشان كده رجعوا لسياستهم الثعبانية القديمة وهى انهم يضحكوا علينا ويخلونا نرضى.. يعنى د. محمد بيقول ان العرب دماغهم ناشفة بس عبط واليهود هيستغلوا العبط بتاعنا زى ما كانوا بيعملوا قبل بوش لانه بينجح.. وبصراحة واضح من ردود الافعال العربية والشعبية ان السياسة هتنجح زى ما نجحت قبل كده

انا حبيت اكتب المقال ده رغم انى اتأخرت فيه لانى نفسى الناس تشوف الوضع على حقيقته ومش تنخدع بيه لان من الاخر اوباما مش صلاح الدين الايوبى زى ما الناس فاكرة وعمره ما هيعمل حاجة عشان المسلمين طول ما هو على رأس الولايات المتحدة.. ومفيش حد هيصلح احوالنا غيرنا احنا بدينا وعملنا "ان الله لا يغير ما بقوم حتى يغيروا ما بأنفسهم".. واكبر دليل على ان الحال مش هيتغير غير بايدينا ان اليهود ما طلعوش من مصر وجنوب لبنان وغزة غير بالدم.. مش بالسلام الزائف

خلونا نشيل سحر اوباما من عينينا ونبدأ بقى نشتغل بايدينا مش بايدين الناس عشان محدش هيهمه امرنا غيرنا احنا..