دي أول وصفة لأكل صحي أنزلها واخترت اني ابدأ بحاجة popular وبنحبها كلنا وأنا
شخصيا بحبها جدا.. البيتزا
مبدئيا لازم نتفق على حقيقة انه مفيش حاجة اسمها بيتزا
دايت.. هي أصلا أكلة عالية في الكارب والدهون.. ولازم نتفق على حقيقة اننا مينفعش
نعمل حاجة ونبلبعها عشان نحس اننا عاملين دايت.. لو هناكل بيتزا يبقى ناكل بيتزا..
وندعي بعدها ربنا اننا نخس عادي
لكن مع ذلك احنا ممكن نعملها بصورة تخليها صحية جدا قدر
الامكان والى حد كبير ومع الكميات المناسبة تكون diet-friendly.. دا اللي هنعمله
مشكلة البيتزا الرئيسية بتكون في العجين لانها بتحتاج
دقيق و زيت كتير ودا بيرفع من السعرات وبيخليها غير صحية.. احنا هنغير في دا
ونعملها بصورة أقرب لبيتزا الطاسة لكن في الفرن عادي عشان نتحكم في كمية المكونات
الغير صحية للعجين
-----------------------------------------------
* المقادير:
·
1 كوب دقيق
·
1 كوب شوفان ونطحنه
ناعم
·
باكو خميرة جافة
·
باكو بيكنج باودر(مش ضروري)
·
3 معلقة طعام زيت زيتون
·
1 و ¾ كوب ماء
·
توابل (ملح – زعتر كتير – حبة البركة – شطة او بابريكا
حسب الرغبة)
·
استخدمت 10جم (حوالي 2 ملعقة شاي) بذور شيا عشان ازود
القيمة الغذائية واستخدمتها جافة زي ما هي
·
كيس بين نيدو جاف صغير
·
كيس صلصة 100جم
· صدر فرخة مسلوق او مشوي 300جم (يفضل مشوي)..
ممكن نستخدم أي توبينج نحبه لكن طالما هنعمل حاجة صحية يبقى نبعد عن اللحوم
المصنعة (لانشون – بسطرمة – سوسيس – سجق).. نخلينا في اللحوم الغير مصنعة أو اسماك
و تونة لو بنحب سي فود
·
قطعة جبنة قريش 100جم
·
100جم جبنة موتزاريلا
·
طماطم وفلفل وبصل وزيتون
* الطريقة:
1. نخلط الدقيق مع الشوفان المطحون والخميرة واللبن
البودرة والشيا و التوابل وبيكنج باودر في بولة ونضيف عليهم معلقتين زيت زيتون فقط
من التلاتة والمياة ونخلطهم كويس لحد ما يدونا عجينة سايلة مش متماسكة.. ونسيبها
على جنب
2. في طاسة صغيرة نحط نص معلقة زيت زيتون ونفضي عليه كيس
الصلصة ونضيف توابل صلصة ومعلقة خل وشوية مياة صغيرة ونقلبها تقليبتين ونطفي بس
تكون تقيلة شوية.
3. نقطع الفراخ قطع صغيرة والخضار شرايح والجبنة القريش
برده قطع.
4. هنجيب صينية كبيرة نسبيا(مناسبة للعجين طبعا) ندهنها
نص معلقة زيت الزيتون اللي فاضلة ونفضي عليها العجين السايل وهو مشكورا يعني
هيتوزع لوحده ويملا الصينية.. هنوزع على السطح الصلصة.. ونبدأ نحط التوبينج بقى
وهنلاحظ انه بيغرس شوية في العجين.. عادي مش مشكلة
كل ما نزود كمية البروتين يكون أفضل طبعا.. انا زودت 3
بيضات مضروبين مع فلفل اسمر وحطيتهم على الوش عشان ازود البروتين والدهون الصحية.
5. نسخن الفرن على 240 وندخلها ونسيبها جوة شوية
كويسين.. ممكن ننام وننساها عادي مش هيجرا حاجة.. يعني تلت ساعة ممكن على درجة
حرارة عالية لحد ما تستوي أو تتحرق انت ونصيبك وبالهنا والشفا
* القيمة الغذائية للبيتزا ككل:
- سعرات حرارية 2100 سعر حراري
- بروتين 170جم
-كارب 205جم (منهم 36جم ألياف و 38جم سكر)
- دهون 88 جم
ملحوظة: كمية السعرات دي ممتازة بالنسبة لبيتزا حجم كبير
وكمان مكوناتها اغلبها صحية.. دا غير انها مناسبة لو حد رياضي ملتزم بدايت ممكن
ياكلها كلها في يوم ويبقى مخربش الدنيا وأخد تقريبا اللى محتاجه
أنا قطعتها 6 قطع كبيرة القطعة حوالي 350 كالوري وأكلتها
في يومين وكملت باقي اليوم بأكل تاني عادي بعكس لو كنت جبت بيتزا وسط من الشارع
كانت هتضربلي اليوم بحوالي 2500كالوري تقريبا وكلهم مكونات غير صحية وهجوع بعد 10
دقايق
تقدر تروح لمجموعة تدوينات التغذية من هنا
تقدر تروح لمجموعة تدوينات التغذية من هنا
ليست هناك تعليقات:
إرسال تعليق