الى كل واحد بيلبس بنطلون ساقط.. أنا أحترمك

من كام يوم, اليهود ربنا يلعنهم طلعوا قرار بضم الحرم القدسى الى الآثار اليهودية.. سرقة كده عينى عينك بالنهار وقدام كل الناس.. وليه لأ؟؟

بجرة قلم.. قرروا يخدوا واحد من الآثار الإسلامية التاريخية ويقولوا عليها بتاعتهم.. و ليه لأ؟؟

ردود الفعل العربية كانت كالعادة والمعتاد.. غضب شعبى عارم فى جميع البلاد العربية.. لكنه غضب عاجز,, ةيقابله طناش وتصدير للطارشة من التنابلة اللى بيحكمونا..

حكامنا الحمدلله وصلوا لمرحلة متقدمة من الفهم العميق.. ويمكن لأول مرة فى حياتهم حد يفهم اساسا حاجة.. أخيرا فهموا انهم آخرهم ينتقدوا ويشجبوا ويستنكروا وده مش هيجيب نتيجة.. طيب يبقى ليه بقى تعب القلب ووجع الدماغ؟؟ ماحنا متنبلين فى قصورنا وزى الفل.. وبعدين يعنى هو استنكارهم(اللى أحيانا بتوصل شدته انه يبقى استنكار شديد اللهجة!) هو اللى هيرجع اللى اتاخد؟؟ لأ.. بالعكس ده استنكارهم مش بيرجع حاجة غير موقف المسلمين.. هو ده اللى بيرجع لورا.. أوى

قبل شوية كنت بتفرج على حلقة من برنامج على قناة الحياة مش عارف اسمه ايه بس هو المذيع بتاعة متميز(شريف) رغم ان سنه صغير ومعاه واحدة كده اسمها لبنى ساعات تبقى كويسة وساعات تبقى ملهاش لازمة..

المهم البرنامج كان بيتكلم فى جزء من الحلقة عن القضية الفلسطينية.. وبالتحديد عملية تهويد القدس.. ووقتها أجروا اتصال بشخصية فلسطينية من المناضلين السياسين اسمه "خليل التوفجى".. الراجل ده هو المسؤل عن الخرائط الأصلية لأراضى فلسطين من قبل الاحتلال ويعتبر مرجع كبير فى التاريخ الجغرافى الفلسطينى-للأسف جغرافية فلسطين بقت تاريخ-..

الاستاذ خليل اتكلم عن ان السنة اللى عدت اليهود سحبوا 5000 هوية من المقدسين وطردوهم خارج حدود القدس وهدوا 150 عمارة سكنية وطردوا أهلها خارج القدس وفى المقابل ضموا وحدات استيطانية كانت خارج حدود البلدية الى داخل حدودها وكمان اصدروا قرار -فى اليوم السابق لكتابة هذه السطور- بانشاء 30 ألف وحدة سكنية استيطانية جديدة داخل حدود القدس.. وطبعا كل ده عشان يزودوا كثافة الخنازير داخل القدس ويقضوا تماما على هويتها الإسلامية بالتدريج..

وفين حكامنا التنابلة؟؟؟

مشهد تانى تابعته فى الأخبار كنت متفائل فى بدايته واستحمرت نفسى فى نهايته..

كلنا أكيد تابعنا أو على الأقل سمعنا عن عملية اغتيال القيادى البارز فى حركة حماس "محمود المبحوح".. والعملية اللى ادارها جهاز الموساد الاسرائيلى بسذاجة مثيرة للضحك رغم المأساة اللى حصلت..

بعد الإغتيال شفت قاذد شرطة دبى على الجزيرة بيتعهد بملاحقة المشتركين فى تنفيذ الجريمة.. وقلت ايه ده؟؟ العرب هيطلع منهم راجل ولا ايه؟؟ وانهاردة اتلطيت بخبر على نفس الجزيرة وتحت نفس الشجرة بيقول فيه رئيس شرطة دبى-برده.. تخيلوا- انه هيستصدر قرار بملاحقة النتن نتنياهو-رئيس الوزراء- و داجان-مدير الموساد- ليه بقى؟؟؟

خد عندك دى.. "لقيامهم بتنفيذ عملية اغتيال المبحوح على أرض دبى"

يا لهــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــوى

الراجل كل اللى مزعله ان عملية الاغتيال اتنفذت على أرض دبى الطاهرة.. مش مهم ان اللى اتقتل فى الاساس مسلم.. وعربى.. وراجل شريف بيدافع عن وطنه.. وبيدافع عن دينه.. لا لا لا.. كل اللى مزعله ان ازاى ده يحصل فى دبى..

عموما هى قيادة دبى بكل فروعها(سياسية وعسكرية) لا تستحق الاحترام على الاطلاق نظرا لانهم بيديروا ماخور كبير مش مدينة..

لا واللى يفقع بجد ان التنابلة اللى بيحكمونا لسه مقتنعين بان فى حاجة اسمها "حوار سلام" مع اليهود وان فى حاجة اسمها "محكمة العدل الدولية" وفى حاجة اسمها "الامم المتحدة" وبيكون كلامهم كله فى نطاق الأولى والتالتة وبيبعدوا عن التانية من شدة خوفهم رغم ان المحكمة دى واحدة من أكبر الكدبات فى العالم و قراراتها مش بتطبق غير على الدول الضعيفة اللى هى احنا وبكر فخر..

بجد حاجة تفقع.. ده الحمار أبو ودان طويلة وديل فى 60 سنة ممكن يفهم ان مفيش حاجة اسمها سلام مع اليهود وان طريقنا معاهم هو الدم وأى حاجة غير كده يبقى بنشتغل نفسنا..

لما سمعت الأخبار دى سرحت شوية.. وفكرت فى انى لازم أعترف بحاجة مهمة..

"الى كل من يرتدى بنطلون ساقط "low waist"... انا أحترمك"

آه والله.. أنا فعلا قررت انى احترم الولاد اللى بيلبسوا بنطلونات ساقطة.. ليه بقى؟؟؟

اللى بيلبس لو وايست ده انسان حدد موقفه.. شخص قرر انه ما يخبيش ميوله الغير رجوليه.. واحد قال يا جماعة

“I’m showing my ass off.. any takers??”.. شخص صريح ما حبش يلف ويدور على الحقايق واعترف بحقيقته..

الدور والباقى بقى على القادة بتوعنا اللى لسه ما قرروش يعترفوا بحقيقة فقدانهم لـ... احم

ومن هنا انا بقترح على الجامعة العربية انها توزع على القادة العرب وممثليهم من وزراء خارجية بنطلونات ساقطة (بس يا ريت يستثنوا أبو الغيط لأنه غالبا مش هيفهم ايه ده واحتمال يلبسه فى راسه ويطلع منه ودانه).. وأنا شايف ان دى هتبقى خطوة جميلة من الجامعة تبين كمان تقديرها للحكام العرب اللى محدش فيهم حاول انه-لا قدر الله- تظهر عليه بوادر الرجولة..

--------------------------------------------------------

يا أقصى وان طال الليل

بيجى من بعده نهار

رجال ما تهاب العدى

تغسل بالدم أيام العار

تهب يوم لنصرتك

ما يوقفها ألف حصار

والله أكبر تدوى

من مأذنتك فى عز النهار