وأخيرا.. إجابة السؤال الأشهر.. "ازاي نخس؟".. تغذية 103

الصورة العظيمة دي بتوضح ببساطة الخطوات الخمسة اللازمين لخسارة الوزن.. الدهون تحديدا.

ونلاحظ اننا لما بنتكلم عن دايت صحي وخسارة وزن بصورة سليمة لازم نكون مدركين ان شغلنا هيكون على حرق الدهون فقط.. يعني مش عايزين نخسر لا من الكتلة العضلية ولا من كثافة العظام

الخطوات مترتبة من قاعدة الهرم لقمته حسب الأهمية والدور اللي بتلعبه كل خطوة في عملية خسارة الدهون.

1.   أول حاجة وأهم حاجة في عملية التخلص من الدهون الزايدة هي عمل فرق سعرات CALORIE DEFICIT..  دا الخطوة الأساسية لحرق الدهون.. من غير حساب سعرات ومعرفة احنا بناكل ايه مفيش نزول في الوزن.. بالعكس ممكن تزيد وانت مش واخد بالك.

لازم نفهم ان وزن = سعرات.

اتكلمنا قبل كدا عن فرق السعرات في تدوينة سابقة ممكن تروحلها من هنا.

2.     تاني حاجة هي زيادة كمية البروتين في الأكل.. البروتين عنصر مهم في عملية خسارة الوزن لأكتر من سبب:

-  أولا.. البروتينات بتدي فترة شبع أطول من النشويات بسعرات أقل لأنها بتستغرق فترة أطول في عملية الهضم و الأيض وبالتالي الجسم بينشغل بيها فترة اطول بعكس النشويات وعلى الأخص النشويات البسيطة اللي الجسم بيتعامب معاها بسرعة

-  ثانيا.. البروتينات مش بتحفز خروج كميات كبيرة من الإنسولين زي النشويات ودي حاجة مهمة جدا لأن دا بيقلل معدل تخزين الدهون اللي بيقوم بيه الإنسولين وبيقلل من احتمالية حدوث مقاومة الإنسولين وهي المشكلة الأكبر اللي بيعاني منها مرضى السمنة فضلا عن ان دا بيحسن من حالة مرضى السكر وبيساهم في الحفاظ على مستويات معقولة من السكر في دمهم.. وبتنخفض جرعات العلاج اللي بيحتاجوها سواء كان انسولين او أقراص.

- ثالثا.. البروتينات هي العنصر الأساسي في بناء العضلات اللي هي حاجة مهمة جدا أثناء خسارة الوزن عشان نزبط شكل الجسم ونمنع الترهلات وعشان نحسن من الصحة العامة فضلا عن ان زيادة الكتلة العضلية بيرفع معدلات الحرق للجسم وبيزود من استهلاك الطاقة وبالتالي هيساهم ويسرع من عملية خسارة بشرط الحفاظ على فرق السعرات.

اتكلمنا قبل كدا عن مكونات الغذاء ومصادر المكونات الصحية ممكن تروحلها من هنا.

3.     تالت حاجة ومن الحاجات اللي مفيش غنى عنها هو تمارين المقاومة بأوزان أو تمارين الحديد..

تمارين المقاومة بأوزان خطوة مهمة جدا في عملية خسارة الدهون لنفس الأسباب الخاصة بأهمية البروتين.. مهمة في شد الجسم ومنع الترهلات ومهمة في زيادة الكتلة العضلية ورفع معدلات الحرق وضمان ان الخسارة في الوزن هي خسارة دهون وليس كتلة عضلية.. ودا اللي بيفرق الدايت الصحي عن الغير صحي.. في الدايت الصحي بتخسر دهون فقط وبتزيد كتلة عضلية بعكس الدايت الغير صحي واللي بتخسر فيه من كل مكونات الجسم ودا بالزبط عامل زي الناس اللي بتتعرض لمجاعات.. بيحصلهم cachexia مش fat loss.

ومن الحاجات المهم نعرفها ان تمارين الحديد مهمة للولاد والبنات على حد السواء..متخافيش مش هتتحولي لبطل مصارعة.. عضلات المرأة أصلا غير مؤهلة جينيا للتضخم الكبير زي الرجال.. على العكس تمارين الحديد هتساعدك في الحصول على جسم متناسق انثوي جدا.

4.  من الحاجات المهمة جدا هو النوم السليم ولفترات كافية.. من 6-9 ساعات يوميا من النوم المنتظم الهاديء دا بيساعد جدا في عملية البناء العضلي وبالتالي خسارة الوزن.

5.      أخيرا وفي موخرة الهرم.. وعلى عكس الاعتقاد الشائع عند الأغلبية.. تمارين الكارديو او التمارين الهوائية زي الجري و نط الحبل والسلالم وما إلى ذلك..

التمارين دي على الرغم من أهميتها في تحسين لياقة الجسم بشكل عام وتصفية الذهن وتحسين الحالة المزاجية إلا أنها بتشارك بالدور الأقل في عملية خسارة الوزن..

يعني مش لازم تمشي كل يوم ساعة عشان تخس ولا حاجة.. شيل حديد في الساعة دي أفيد بالنسبة لحرق الدهون.

طيب في ملاحظة هنا ان الهرم دا ما اتكلمش على ادوية التخسيس ولا اتكلم عن المشروبات اللي بتعلي الحرق زي الكمون والقرفة و الشاي الاخضر وعين الضفادع وغيرهم.

السبب في دا ببساطة هنوجزه فيما يلي:

* أولا.. بالنسبة لادوية التخسيس

دي اكذوبة كبيرة و اشتغالة كبيرة وتصل لحد النصب

مفيش دوا بيخسس

في الواقع مفيش في الطب أصلا حاجة بتخسس غير العمليات الجراحية المبتكرة لعلاج السمنة المفرطة أو ال bariatric surgery ودي ابتدعت خصيصا لحالات السمنة المفرطة الشديدة المرضية الغير قادرة على اتباع حمية صحية للتخسيس.. واللطيف في الموضوع ان العملية بتكون مجرد انه بيحط المريض على اول طريق الدايت فقط وانه لازم هيعمل الحاجات اللي قلناها فوق عشان يخس.

اما ادوية التخسيس فممكن نقسمها 3 انواع وهنشوف كل نوع ازاي هو ببساطة.. اشتغالة

1.   ادوية تؤثر على الشهية.. دي ادوية كل وظيفتها انها تسد نفس حضرتك عن الأكل ودي أدوية خطيرة لأنها بتشتغل على مراكز الجوع في المخ.. يعني انت بتلعب في كيميا المخ.. وفضلا عن اضرار دا فانت هتخسر من كل مكونات جسمك وهتبقى بالزبط زي الشخص اللي بيتعرض لمجاعة.

2.   ادوية لتقليل امتصاص الدهون.. دي ادوية وظيفتها تاخد جزء من الدهون اللي في الوجبة الحالية وتنزلهم بدون امتصاص.. وبديهي ان دا مش هيأثر على الدهون المتراكمة أصلا في الجسم لكن هيقلل من كمية السعرات الجديدة اللي داخلة وبدون عمل فرق سعرات فانت اكيد اكيد برده هتاخد سعرات اكتر من المطلوبة وبرده هتتخن أثناء استعمال الدوا.

3.      ادوية تملا المعدة..ودي أقراص عبارة عن ألياف وظيفتها تملا المعدة وتخليك تاكل أقل شوية.. ودي حاجة فعليا ملهاش لازمة لأنك الأفضل بدل الدوا المصنع تاكل ألياف من مصادر طبيعية زي الشوفان مثلا وهتقوم بنفس الوظيفة لكن بشكل صحي و أوفر كتير على فكرة.

* ثانيا.. بالنسبة للمشروبات اللي بتعلي الحرق

بص.. من الآخر كدا.. مفيش على كوكب الأرض كمية كافية من الشاي الأخضر ممكن تخسس شخص واحد تخين. بس كدا

الحاجات دي اثرها ضعيييييف جدا يكاد يكون مهمل ولا قيمة له.. هو في الواقع لا قيمة له

اثبتلك؟

كل الناس اللي بتقولك انا باخد قرفة وشاي اخضر عشان اخس لسة تخان ومفيش ولا واحد منهم خس ربع كيلو ولسة تخان زي ما هما.

اقتنعت؟

كفاية كدا انهارده عشان تعبت

باي

لا خيار

صامد بوجه الرياح

فليس لي خيار آخر

ولست أملك رفاهية السقوط  و الانكسار

حتما سأجد الطريق

حتما سأفعل

يتوجب أن أفعل

و أعلم أني سأفعل

أعلم اني قادرعلى مواجهة أي شيء

أعلم أني أقوى من كل شيء

سأحيا خلال هذا

أعلم أني سأعبر هذه الفترة من حياتي

أعلم أني سأجتازها وأعلم أيضا

أني بعدها..

لن يبق مني شيء...

تفاصيل

أخبرونا أن الشيطانَ يكمنُ في التفاصيل

نعمْ

قالوا لنا.. الشيطانُ يكمنُ في التفاصيل

ولكنهم لم يخبرونا

ربما عمدوا أو تناسوا

إلا أنهم لم يخبرونا

أن المشاعرَ.. تكمنُ في التفاصيل

وأن الحسرةَ.. تكمنُ في التفاصيل

وأن كلَّ مسبباتِ الألمِ.. تكمنُ في التفاصيل

وأن..

وأن كلَّ ما أصابَ النفسَ من كسرٍ
وأصابَ والروحَ من قهرٍ

إنما.. يكمنُ في التفاصيل

نعمْ أخبرونا ان الشيطانَ يكمنُ في التفاصيل

لكنهم.. في حديثهم أغفلوا كل التفاصيل

فضلا ترفق

رفقا

فأنا لست بخير

أنت لا تعلم كيف اجاهد طوال الوقت

حتى استطيع الحفاظ على تلك الصورة الهادئة التي تراها

انت لا تعلم ما اقاسيه حقا

لا تدرك حجم الألم والخراب الذي يسكن روحي

لا ترى ذلك الجحيم الذي يحيا في وأحيا فيه

طوال الوقت

ذلك الجحيم الذي تأبى ناره إلا أن تزيد تأججا مع الوقت

اني حقا منكسر

بشدة

اني حقا اتألم

وليتني أقدر على الحديث عما أعانيه

ليتني أقدر على البوح بما يعذب روحي

على أجد ولو قطرة من ماء الراحة

في وسط صحراء الألم القاحلة تلك

رفقا بي

فضلا.. ترفق بي

أنا حقا لست بخير

ورغم ذلك

رغم ذلك الطريق الذي كتب على أن أسير فيه

رغم كل ما به من نواقض الحياة

فإني اجتهد فوق الجهد جهدا

كي أحافظ على مظهر هاديء لا يعكر صفوك

يختفي وراءه ذلك الجحيم المستعر الذي يأتي على روحي

كي اظل قادراً على الاضطلاع بما يتوجب علي

كي أقدر على التظاهر اني بخير.. وان كل شيء بخير

فضلا ترفق بي

أنا لست بخير

wandering eye

wandering eye

lost

back there

straying

in a desperate chase

of that mirage

of all that can’t be

all that is not real

shattering all that is

ruining all that is real

taking down maybe forever

what once was

all that could ever be

how? why?

Oh! God.. why??!

did it really happen??

is it even real?!

questions left unanswered

storming into that aching soul

everyday

every moment

with every damn breath

they keep wandering

back there

like that wandering eye

….

blinded

اللامنتهي

ليس كسرًا في عظامِ الجسدِ

جبيرةٌ تصلحه

وليس ألمًا حادًا بالبطنِ

ربما حبةٌ تصرفه

وليسَ بوجعِ ساعةٍ تعلمُ أنه منقضي

وليسَ بوجعِ ساعةّ

تعلمُ أنها تنقضي

وجعٌ يسكنُ في الأعماق

يعتصرُ الروحَ عصرًا

يبرحُ القلبَ ألمًا

يصبُّ في النفسِ ألوانَ العذابِ صبًا

لا مفرَ منه ولا نهاية

يجدد نفسَه من تفاصيلِه الكثيرة

فيبدأ من كل منها وجعًا ما له من نهاية