كنت زمان اسمع ان لما يقولوا على واحدة
عينيها حلوة يقولك عيونها أحلى من المها..
حتى فى أعنية لكاظم كانت من اشعار احمد شوقى وكان
بيقول فى جزء منها: "بين عينه والمها نسب"..
وفضلت فترة طويلة مش اعرف ايه هو المها دا
وليه بيقارنوا بيه العيون فى الجمال..
بعد كدا عرفت ان المها دا هو عيون البقرة J وطبعا لما عرفت اندهشت جدا وقلت
ايه العك دا..
لغاية ما فى مرة واحنا بندبح فى العيد بصيت
على وش البقرة بالصدفة يوم الوقفة..
و اخدت بالى ان عيون البقرة فعلا جميلة..
واسعة ورموشها طويلة J
وما بقيتش مستغرب بقى ومن يومها سبحن الله
لاحظت ان كلمة.. او اسم مها يعنى مرتبط دايما بشخصيات جميلة..
يعنى البنت اللى بيبقى اسمها مها بتلاقيها
كدا حاجة رقيقة وجميلة وتتحب بسرعة J
مش عارف يمكن عشان الاسم نفسه رقيق وسلس كدا
ومن المعروف ان كل انسان ليه من اسمه نصيب..
بس بقى خلاص.. انا مش عارف التدوينة دى
اتكتبت ليه ولا معناها ايه بس انا لقيتنى بكتبها وخلاص..
