في ظل الأحداث الجارية في مصر والصراع بين الدولة
والإرهاب طلعلنا بعض الإخوة الأفاضل من ذوي القلوب الرقيقة و الحس المرهف والشعور
الملتهب والمشاعر الفياضة بمجموعة من
العبارات التى كعادتنا هي شعارات أكثر منها واقعية.. العبارات دي يمكن وصفها
اجمالا بـ "مجموعة عبارات الفقع", العبارات دي لما بسمعها بيكون ليها
عندي وقع مختلف شوية عن المعنى اللى الإخوة أرادوا توصيله..
هنحاول نستعرض العبارات دي ومعناها.. كما أفمه يعني
1. الدم كله حرام: من أشهر وأكثر عبارات الفقع انتشارا
وهي تنم عن حنية زايدة وغباء مطلق, فالدم ليس كله حرام, لا يستوى دم الجاني
والضحية.. ولا دم الظالم والمظلوم.. ولا دم القاتل والقتيل.. ولا دم الإرهابي
والمسالم...
سيدنا علي-كرم الله وجهه- قاتل الخوارج وكان منهم صحابة
ومنهم من حارب تحت لواء الإسلام وعمل على رفعته.. يبقى مش كل الدم حرام..
ربنا بيقول: { وَإِنْ طَائِفَتَانِ مِنْ الْمُؤْمِنِينَ
اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى
فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ
فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ
الْمُقْسِطِينَ } [سورة الحجرات: 9]
يبقى مش الدم كله حرام ولا حاجة.. دا ربنا ادانا
أمرمباشر وصريح بقتال الفرقة الباغية وهي مؤمنة اذا فشلت جهود المصالحة.
مع التأكيد على ان قتلهم لا يكون الا بيد ولي الأمر ومن
ينوب عنه في مجالات الأمن وليس بيد الشعب بأي حال.
2. الإنسانية: والإنسانية حضرتك مش انك تسيب واحد ماشي
برشاش بيموت الناس ومتتصدالوش بكل الطرق الممكنة عشان خايف عليه.. طيب انت مش خايف
ليه على اللى بيموتوا بسببه؟ واللي بيروعوا بسببه؟
الإنسانية حضرتك ان الإنسان يكون آمن في بيته وفي أهله
وماله وعرضه.. واللى يعرض اي من دول للخطر حضرتك كدولة واجبك تمنعه.. دي الإنسانية
اما انسانية القتل والترويع والتخريب فدي تخرطها مع شوية
برسيم وتأكلها للخرفان(وما تفهومش صح).
3. انا متشعاتشف مع اللي ماتوا: انا افهم انك تتعاطف مع
قتيل في حادثة او شهيد واجب او غريق او ضحية احتلال.. اما انك تتعاطف مع واحد مات
وهو بيضرب الناس بالنار؟ او واحد مات وهو بيحرق عربيات في الشارع؟ او واحد مات وهو
بيخرب مؤسسات الدولة؟ فدا مسمهوش تعاطف دا اسمه استعباط حضرتك
ومهما كان مبرره ومهما كان اللى هو معتقد انه بيعمل كدا
عشانه.. فدا مش مبرر مطلقا للي بيعمله وبالتالى مش مبرر للتعاطف معاه
4. وايه ذنب المتظاهر السلمي اللى بيموت جنب اللي شايل
سلاح؟:
ودا من أغبى الحاجات اللى ممكن تسمعها وتموتك في مكانك
بـ stroke من هول السؤال
بداية ذنبه انه شايف زميله ماسك رشاش ومع ذلك فضل ماشي
في المظاهرة
وذنبه انه عارف انه نازل معاه ناس ماسكين سلاح ومع ذلك
ماشي فى المظاهرة
وذنبه انه بيقوي المسلح وبيشجعه على الاستمرار لأنه مش
لوحده ولأنه متحامي وسط ناس
وذنبه انه غالبا حتى لو كان رافض العنف فهو بيوفر غطاء
للي بيعمل عنف وبيحول بين الأمن وبينه لأن لولا وجوده كان الأمن اتعامل مع المسلح
فورا
فزي ما حضرتك شايف كدا ذنوبه كتيرة والواحدة منهم
عقوبتها الموت لوحدها وطالما هو اصر يشارك رغم كل دا يبقى هو مقر بيه وبالتالي
شريك فيه وبالتالي يلاقي نفس جزاء المسلح
ذنبه زي ما حضرتك شايف ف ى الصورة كدا المتظاهرين السلميين
ذنبه زي ما حضرتك شايف ف ى الصورة كدا المتظاهرين السلميين
5. انا بس زعلان على اللي بيموتوا هدر دول:
بص يا عصام لو كنت مقتنع انهم اهل حق وبيدافعوا عن حق
يبقوا ماتوا شهدا وهيدخلوا الجنة.. وهنا لازم تفرحلهم وتنزل تموت معاهم واوعدك
هنفرحلك احنا كمان
اما لو شايفهم اهل باطل وظلم وطغيان فهما غاروا في داهية
زعلان عليهم ليه؟؟
وأخيرا بالنسبة للناس اللى بتقول الكلام دا.. ليه مش
بتقول الكلام دا في حق ظباط الجيش والشرطة والمجندين اللى بيموتوا كل يوم فى مصر
كلها مش سينا بس على ايد الارهاب؟
هما دول مش دمهم حرام؟
ولا متجوزش عليهم الإنسانية؟
ولا مالهمش في ذمتك تعاطف؟
ولا عشانهم أفرد امن مهمتهم يحموا حياتك يبقى موتهم
عادي؟
من امتى بقينا نتجاهل الضحية ونتعاطف مع الجاني؟ لو
هنعمل كدا يبقى اتعدينا من "سلامة الخاطفين والمخطوفين".
استقيموا يرحمكم الله
والله الموفق
ليست هناك تعليقات:
إرسال تعليق