وصلنى
فى عيد ميلادى تهنئات كتير من ناس أنا بعتز جدا بيهم والحقيقة بعتز أكتر انهم سمحولى
اتواجد فى حياتهم كصديق وأخ او حتى كمعرفة عابرة ..
عيد ميلادى
دا مكانش عادى وحصلت فيه حاجات كتير حلوة أحب أحتفظ بيها لنفسي ومش تكون للنشر.
التهنئات
وصلتنى كتير وبجد انا ممتن جدا لأصحابى اللى افتكرونى فى اليوم دا ولو ب happy birthday, لكن من وسط التهنئات فى تهنئتين مميزين جدا عندى.. واحدة حبيت أحتفظ
بيها لنفسي بينى وبين اللى بعتتهالى والتانية بقى أنا بصراحة عايز أنشرها على مدونتى..
مش بس لأنها... الحقيقة مش عارف أوصف... لكن كمان لأن اللى بعتهالى مش أى حد وشخص بالنسبالى
أكتر من أخ بمعنى الكلمة ومفيش أصلا كلام ممكن يوصف شعوري ناحيته كأخ وصديق شرفت بمعرفته
من ايام ثانوي.
دى التهنئة
اللى وصلتنى من "عبقرينو" بتاع مدينة البط(معلش بقى احنا فى عصر النهضة واهى
كلها طيور)..
____________________________
هو أنا كنت
نويت مؤخرا إني ما أدخلش أقول لحد "كل سنة وانت طيب" لما الفيس يقوللي ده
عيد ميلاده جه
لكن لما
يقوللي إن فخامة جلالة الفارس المبجل المعظم
اللي مازال
راكع في الصورة بقاله 7 سنين والسيف على كتفه مش عارف يقوم
واللي عنده
مشكلة على تويتر مؤخرا o_O
عيد ميلاده
جه
انفرجت أساريري
واسبهلت نظراتي واغرورقت مدامعي بعبرات الفرح
ربما هو
يوم عادي كأي يوم مضى أو سيأتي
ربما هو
نهاية دورة أخرى للأرض حول محورها
ربما هو
يوم آخر من أيام مرسي والنهضة
لكنه يوم
نتذكر فيه جميعا اللحظات التي أتت إلى الدنيا بأحد الأدمغة "النديفة" المتكلفة
أحد العقليات
اللي ربنا ألهمها إلى حد ما بقراءة المستقبل! o_O
أحد الشخصيات
اللي لسة محافظة على حلاوتها وما بقيتش حادقة بعد ما امتنعت عن عصر اللمون على نفسها
أحد الشخصيات
اللي بأشكر ربنا إني قابلتها في فترة
واتكلمت
معاها لفترة بعدها
واتصاحبنا
لفترة بعدها
وتآخينا
لفترااااااات بعدها والحمد لله
في مواجهة
المسافات والكيلومترات
والمحور
على وجه الخصوص
نعتبرها
فرصة إنه قفّل عدد صحيح من السنين والأعوام بدون كسور من الشهور والأسابيع والأيام
ونتمناله
وندعيله
إن القادم
من الكسور دي يحقق فيها كل اللي يتمناه لنفسه أو لغيره قبل ما يكمّلوا عدد صحيح جديد
ندعيله ربنا
يوفقه لما فيه رضاه
ندعيله ربنا
يرزقه الإيمان بإن كل أمره خير واليقين في رحمة الله في أي إبتلاء والرجاء في ما عنده
والرضا بما يعطيه
وندعيله
كمان إن يكون الخير اللي ربنا يصيبه به يكون هو ما تشتهيه نفسه ويتمناه عقله
ندعيله ربنا
يضعه في المكان اللي من خلاله هيتفوق فيه على غيره ويقدر يقدم للناس اللي محدش غيره
يقدر يقدمه
ولا أقوللك
إحنا نكتبله
زي كل الناس ما بتقول لبعضها
كل سنة وانت
طيب يا إيرو
ليست هناك تعليقات:
إرسال تعليق